Mwamulizo 7:13 - Luganuzi Luswanu Kuli Wanhu Wose 2002

¹³ Nayo Noha, hamonga no mugolece wakwe, ne wana wawo wa Semu na Hamu na Yafeti, hamonga ne wagolece zawo, wose wakenjila mu Safina mwi'zuwa lilyo lono mvula yamulila kutonya.

Mwamulizo 7:13 ပူးပေါင်းရင်းမြစ်များ

Mwamulizo 10:21

Nayo Semu u muwahawe wa Yafeti, yali yo sogo we Wahebelaniya wose.

Mwamulizo 10:6

Nawo i wana wa Hamu wali, Kushi, Misili, Puti na Kanani.

Mwamulizo 5:32

Nayo Noha, lono yali yaficila myaka magana mahano yo wikale wakwe, yakawalela wa Semu na Hamu na Yafeti.

Mwamulizo 6:10

Nayo Noha yali yena wanagwe wadatu, nha cinji yali Semu, Hamu na Yafeti.

Mwamulizo 6:18

Ninga nonoza cilagane hagati yangu na gwegwe. Agwe kokwinjila mugati mu Safina, agwe hamonga no mugolece wako, hamonga ne wanago wose ne wagolece zawo.

Mwamulizo 7:1

U Muwaha Mulungu yakamulonjela Noha yakatya, “Alu, vyono yo gwegwe du, mono nghuwene yo wuli munhu we ling'ani, mu vilo vyako vyose, ale, alu winjile mu Safina, gwegwe, hamonga ne mhuga yako yose.

Mwamulizo 7:14

Nawo wakenjila weneco, hamonga ne mawala gose ge vilimu vya mu mbago, ne mawala gose ge zimitugo, ne mawala gose ge vilimu vyono vitambalaga, hamonga ne mawala gose ge zindeje.

Mwamulizo 8:14

Na mwi'zuwa lye makumi mejete na mupunghati lya mu mwezi we kejete, yinze yali yakondya kunyalila lukulu.

Wahebelaniya 11:7

So wihuwilo, Noha yasugulwa no Mulungu kuli za kumwande zono yali yakali si yanasuma kuziwona yaye. Yamuhuliko Mulungu, yakanoza ligalawa lyono yaponela u mweneco hamonga na we mhuga yakwe wose. Na mu wulawilila muli zizo, i yinze yikaling'anizwa, nayo Noha yakatuga u wiling'ano wono wukulawilila mu wihuwilo.

1 Petelo 3:20

Wawo wo wa walya wono wakalema kumuhulika Mulungu, lono yawalindilila ne ngola mu cipango lono Noha yawikanizaga yiyilya safina. Na mugati ye ciya cico wanhu wacefu du, wo wanhu munana du, wono wakaponywa mwilenga.

2 Petelo 2:5

Kanyhi u Mulungu hamba siyayitetela yinze ye katali, yaleta lihwazi lye malenga mu'si yiyilya ye wanhu wono si wamogopago Mulungu, ninga Noha mono yaganulaga u wiling'ano, u Mulungu yakamuponya hamonga ne wanhu wanji mupunghati.

Walamuzi 21:22

Hono wasogo zawo, hamba walumbu zawo waze wamuwuzenyi, muwalonjele mutye, cikumunenenyi muwalekaje cikale nawo, hambi nha sicawasola kuli'nye mu nzila yo wulugu, ho wawe wagolece zetu. Nalu mbeka, vyono si nyenye mono mwacikombolela wawe wagolece zetu, holeka anye musina lisutya lyo wubena wihuwizo.”