Mwamulizo 7:11 - Luganuzi Luswanu Kuli Wanhu Wose 2002

¹¹ Nayo Noha lono yali yaficila myaka magana mutandatu, mwi'zuwa lye likumi na mupunghati lya mu mwezi we kejete wa mu mikalile yakwe, mwi'zuwa lilyo, i mivwilo ye malenga yono yili hasi muno muno ye'si, yikawa kwanza kuvwila no kuhuluma kwe vilungo muno muno. Madilisha ga ku wulanga nago gakadiguka.

Mwamulizo 7:11 ပူးပေါင်းရင်းမြစ်များ

Mwamulizo 1:7

Holeka Mulungu yakawunoza mwanya wuwo, wukagatemanula i malenga gono gali mucanyha yo mwanya wuwo ne malenga gono gali hasi yayo, nayo vyo yikawa nhavivyo.

Mwamulizo 6:17

Nane noleta lihwazi yiwaha lye malenga, ho sume kuvyongomezeza lukulu i viwumbwa vyose vyumi vyono vili mono'nze. Ne viwumbwa vyose vyofwila lukulu.

Mwamulizo 7:6

Nayo Noha yali yaficile myaka magana mutandatu, lono Mulungu yaletela lihwazi mono'nze.

Mwamulizo 8:14

Na mwi'zuwa lye makumi mejete na mupunghati lya mu mwezi we kejete, yinze yali yakondya kunyalila lukulu.

Mwamulizo 8:2

Ne mivwilo yose yono yalawaga hasi muno muno ye yisi, hamonga ne madilisha gono galetaga malenga ku wulawa ku wulanga, vyose vikadindwa. Sunga ne mvula nayo yikawa kuleka kutonya,

2 Watemi 7:19

lono yuyo mwitumami yapitula yakatya vyono, ‘Azo si zosumika hamba hadodo! Hamba yiwe Muwaha Mulungu mweneco yali yasace yalete wuhemba lwa kamonga.’ ” Nayo Elisha na vyono yamupitula yuyo mwitumami, yakamutya, “Ale, heya! Nagwe koziwona zizi zose kolo zikwijela, ninga hamba si kolila lukulu ndigwa yoyose.”

2 Watemi 7:2

U mwitumami mwihuwilwa, mulongola wo mutemi yakamupitula Elisha, yakatya, “Azo si zosumika hamba hadodo! Hamba Muwaha Mulungu mweneco yali yasace yalete wuhemba lwa kamonga!” Elisha nayo yakamupitula yakatya, “Ale heya! Nagwe koziwona zizi zose kolo zikwijela, ninga si kolila lukulu ndigwa yo yose.”

Jobu 12:15

Mazala, gazaga lono Mulungu si yatonyeze mvula, nago mahwazi, gazaga lono Mulungu yalecile mvula yitonye ko winji.

Jobu 28:4

Wakuhimba yikweme kutali no wikalo we wanhu, i hanhu hono, hamba wanhu si wakolaga yaye. Wanhu wakuhimba makombo masisili matali muno muno, go kuhimbulila mabwe gago. Wakwituma wali ciwene kuko, wakwitundya ako na ako mu milejehe mumo mu makombo.

Jobu 38:16

“Wule, winjiye ku mivwilo ya mu visolo vye lilenga? Hamba kujendela mu mhango ze cisolo cayo?

Jobu 38:37

Nani mono kosuma kuwala mavunde kwe mahala gakwe, hamba kugenamya ho gatonye mvula,

Zabuli 33:7

Yagakongholela hamonga, malenga ge lilenga ne visolo vye lilenga, yakavidindila mu nyumba yo wuwiko we viya.

Zabuli 74:15

Agwe yo gwegwe mono wanoza mivwilo ne vikolongo, wukaganyaza i makolongo mawaha.

Zimbazi 3:20

Kanyhi mahala gakwe go gaganoza makolongo gahulume, ne mavunde nago gayitonyeze mvula mono 'si.

Isaya 24:18

No munhu wo wose mono kolojela kwiponya mu wogofywe, kologwila mwi'kweme. No munhu wo wose mono kolojela kwiponya mwi'kweme, kolokwibatwa no mutego. Ne malenga menji ge mvula, golotonya ku wulawa ku wulanga. Ne misinji ye yinze yolosinjisika.

Isaya 24:19

Yinze yolopanduka no kubenanjika hamonga no kudemuka yiwe mwazi.

Yelemiya 5:22

Hambi ane nha yo nene Muwaha Mulungu, alu so cici si mukunyogopa yaye? Hamba socici si mukucicima hali'ne ng'o? Ane nha nawuwika musawawa wuwe wo mupaka we lilenga, wuwe wo mupaka we vilo vyose, wono lilenga si lyosuma kuwuponghola yaye. Heya hamba mawingo galyo gatunhume muno muno, ninga si gosuma kuponghola yaye. Ne mawingo, heya gokoloma muno muno, ninga hamba nhavivyo si gosuma kulapucila ku nhumbi yo mupaka yaye.

Yelemiya 51:16

Na ko wulajilize wakwe, malenga ga mu wulanga gadidimaga, kanyhi kagakongholaga mavunde ku wulawa ku zimhelo ze 'nze. Kaganozaga mamuli gawa kumulika mu mvula, kanyhi kayiletaga mbeho ku wulawa mu wuwiko wayo.

Ezekiyeli 26:19

U Muwaha Mulungu yakutya, “Nane nokunoza wuwe kaya yo wambuce, wuwe nhe makaya ge matongo, gono si wekalaga wanhu. Nghugubicize ne lilenga liwaha kusi ku cisolo.

Malaki 3:10

Holeka letenyi ku Nyumba yo Mulungu zaka yenyu yono yikwilaniciye, ho hawe na ndigwa nyinji. Ta munjelaje, nanye mowona, nodigula madilisha ga ku wulanga, nimumwajilenyi ko winji muno muno i vinhu vyose i viswanu.

Matayo 24:38

Ku soko mu vilo vivyo, lono lihwazi lye malenga lyali likali si naza iwanhu nha walizaga, kanyhi wang'wezaga, watolaga no kutolwa, sunga lono Noha yenjilila mu safina.

1 Watesalonike 5:3

I wanhu kolo wakutya, “Mulamu kanyhi kupolile.” Hobaho ho wukuziza u wuhodanji wono wukuwaziza nhinicizo! Nazo zizo zowaziza nhinicizo nho wusungu wo kulela vyono wukuwa kumuziza u mucekulu lono yakusawa, ne wanhu hamba si wosuma kwilega.

2 Petelo 3:6

na kwe malenga gago nha cinji i malenga gagalya ge lihwazi liwaha, yinze ya lululya yikongomezwa.