Mwamulizo 6:9 - Luganuzi Luswanu Kuli Wanhu Wose 2002

⁹ Awuno wo wityatye we zinghani za Noha. Yuyo Noha yo yali yo munhu mono yali yali ling'ani du yali wene, mono yali yasina yilema mu wikale wakwe. Noha vyawezanaga hamonga no Mulungu.

Mwamulizo 6:9 ပူးပေါင်းရင်းမြစ်များ

Mwamulizo 10:1

I wana wa Noha, Semu na Hamu na Yafeti, lono lihwazi lye malenga lyali lyapuluta, nawo walela wana awano,

Mwamulizo 17:1

Mu vilo vyono Abulamu yali yaficila myaka makumi cenda ne 'cenda, u Muwaha Mulungu yakamulawila, yakamutya, “Ane yo nene mono nili Mulungu u Mudaha Vyose. Holeka agwe wutyatye wutonji wangu du, ho wuwe wusina yilema.

Mwamulizo 2:4

Na vyo yinha, u wulanga ne yinze vyo vyawumbwa. Na mwi'zuwa lono u Mulungu yawumbila u wulanga ne yinze,

Mwamulizo 48:15

Isilayeli yakawa kumulugutiza Yusufu yakutya, “U Mulungu wa wa baba Abulahamu na Isaka, wamuhulikaga mu wikale wawo. U Mulungu mono kandisaga mu wikale wangu sunga nalu.

Mwamulizo 5:1

Awuno wo wityatye we zindelwa za Adamu. Mwi'pango lyono Mulungu yamuwumbila u munhu, yamuwumba mu futa yakwe mweneco.

Mwamulizo 5:22

Nayo yali yeza kumulela Metusela, mwene Enoci, yakekala kanyhi myaka magana madatu, akuno vili hamonga no Mulungu. Nayo yakawa yena wana wanji we cilume na we cicekulu.

Mwamulizo 5:24

Nayo vikajendana no Mulungu mu vilo vyakwe vyose, hanyuma yakahama hamba kwijela kanyhi. Hambi u Mulungu nha yamusola.

Mwamulizo 6:10

Nayo Noha yali yena wanagwe wadatu, nha cinji yali Semu, Hamu na Yafeti.

Mwamulizo 7:1

U Muwaha Mulungu yakamulonjela Noha yakatya, “Alu, vyono yo gwegwe du, mono nghuwene yo wuli munhu we ling'ani, mu vilo vyako vyose, ale, alu winjile mu Safina, gwegwe, hamonga ne mhuga yako yose.

2 Samwili 22:24

Kanyhi yamanyile vyono ane sina masutya, ngheyimila ho ndece kusutya.

1 Watemi 3:6

Nayo Solomona yakapitula yakatya, “Nhondo zose, walajilaga wendo wuwaha, kuli baba Dawudi u mwitumami wako, nayo yakawa munhu muswanu, mono yali cihuliko, kanyhi yakawa no winenenyhezi wuwaha kuli'gwe. Nagwe wukajendelela kumulajila zo lusungu lwako luwaha, wukamupela mwana we cilume, mono aluno yawuhaliye wutemi wakwe.

2 Zinghomo 15:17

Asa hamba yawe si yahongomezeza lukulu hanhu hose ho wuhembelo we milungu yinji mu yisi yose, ninga mwene, yali vyo mwihuwilwa du kuli Muwaha Mulungu, mu mikalile yakwe yose.

2 Zinghomo 25:2

Amaziya yetuma zono zamwendeza Muwaha Mulungu, ninga si yetuma na nhumbula nhuvu yaye.

Jobu 1:1

Kwali na munhu litagwa lyakwe Jobu, munhu yuyu, yekalaga mu yisi ya Uzi. Munhu yuyu yali muhembi muno, kanyhi mwihuwilwa kuli Mulungu. Kanyhi yali munhu muswanu, mono si yali yendile kwituma nghani yo yose 'mbi.

Jobu 1:8

Muwaha Mulungu yakamuwuza Setani yakamutya, “Ninga wumuwene mwitumami wangu Jobu? Hambi nha hasina munhu yunji mononze yiyi, mwihuwilwa, kanyhi munhu muswanu, mono yehwanile yuyu Jobu. Hambi Jobu nha kahembaga nene, kanyhi kelanjililaga muno, ho yalece kwituma nghani yo yose 'mbi.”

Jobu 12:4

Sunga naluno i wendece wangu wakuseka 'ne, ninga wakuseka bwete no muyawo, nane ho nili ling'ani, kanyhi sina hamba wuhoswe, ninga ho cili cipango cono namulomba Mulungu, nayo yakamhitula wulombe wangu.

Zabuli 37:37

Ninga lanje ta, u munhu muswanu munhu we ling'ani, u munhu mono yendile mulamu, yo kapegwaga lulelo.

Zabuli 37:39

U Muwaha Mulungu kawaponyaga we ling'ani, no kuwadima mwipango lyo wugaye.

Zimbazi 4:18

Nayo nzila yono wakolaga wanhu we ling'ani, yihwanile wuzelu we lizuwa lono likusosomoka, nalyo liwa kujendelela kutuga wuzelu muno sunga kolo welelecela.

Muganuzi 7:20

Na mbeka, hasina munhu wo wose mono'nze mono yali ling'ani, mono ketumaga ziswanu du nhondo zose, hamba kwituma wubi yaye.

Ezekiyeli 14:14

Hamba i wanhu wawa wadatu nha cinji Noha, Danyeli, na Jobu, wali wawe wakali wekaye baho, u wuswanu wawo si wali wutaze cinji co cose, langa wuswanu wawo wali wuwaponye wumi wawo weneco du. Vyo yakutya u Muwaha Mulungu.

Ezekiyeli 14:20

Na hamba Noha, Danyeli na Jobu, wali wawe wali mumo, mbeka mbeka, vyono mumipaga ane no Muwaha Mulungu, ane no Mulungu mumi, si wali wasume kwi'ponya weneco hamonga ne wana wawo. Langa u wuswanu wawo, wali wuwaponye wumi wawo weneco du.”

Habakuki 2:4

‘I wabi wose si wokwikala womi yaye, langa we ling'ani, wo wokwikala womi, hambi nha wehuwilwa kuli Mulungu.’ ”

Luka 1:6

Wose vyono wejete, wali wali ling'ani hali Mulungu, wali webate myoto ne malajilizo gose go Mulungu.

Luka 2:25

Baho hali na munhu ku Yelusalemi litagwa lyakwe Simiyoni, no munhu yuyo, yali yali ling'ani na mwihuwilwa kuli Mulungu, yalanjililaga muno wukombozwe we Waisilayeli. No Muhe Mono Yelile yali yali muli mwene.

Luka 23:50

Kukawa na munhu yunji litagwa lyakwe Yusufu, mono yali munya citumbi cinji, ce Wayahudi, cono cicemwaga Alimataya. Yali munhu muswanu na wa cogopo.

Metumo ge Watumwa 10:22

Wanhu wawo wakamutya, “Kolineliyo u muwaha we wasilikale yigana, munhu mono yali ling'ani, kanyhi mwihuwilwa, mono kamogopago Mulungu, kanyhi mono yena lilumbo mu nghungugo yose ye Wayahudi, kacituma. Yalonjelwa na Malayika mono yelile, yakuceme wubite ku kaya yakwe, ho yahulice nghani yo yose yono kowa wina nayo yo kumulonjela.”

Walumi 1:17

Hambi u Luganuzi Luswanu, nha lukulajila calinze, vyono u Mulungu yakuwanoza iwanhu, ho wavumilwe no mwene, ne nghani yiyi, yikuwa kunozezwa mu wihuwilo, ku wulawa ku mwamulizo, sunga ko ku ndumo. Nha vyono yandikwe, “Mono yakuvumilwa no Mulungu so wihuwilo, kowumipa.”

Wagalatiya 3:11

Nha yanzalikwe, vyono u Wulajilize si wosuma kumunoza munhu ho yavumilwe hali Mulungu, hambi i Mandiko nha gakutya, “Mono yakuvumilwa hali Mulungu ku so wihuwilo, yuyo kowumipa.”

Wukumbucize wo Wulajilize 18:13

Holeka mweze mukwilaniciye muno muno hali Muwaha Mulungu.”

Wahebelaniya 11:7

So wihuwilo, Noha yasugulwa no Mulungu kuli za kumwande zono yali yakali si yanasuma kuziwona yaye. Yamuhuliko Mulungu, yakanoza ligalawa lyono yaponela u mweneco hamonga na we mhuga yakwe wose. Na mu wulawilila muli zizo, i yinze yikaling'anizwa, nayo Noha yakatuga u wiling'ano wono wukulawilila mu wihuwilo.

1 Petelo 2:5

Ale mubitilenyi mwene nha mabwe momi, mukazenjece, no kuwa nyumba ye cimuhe, mono mosuma kwitumama nhe wakohani wono welile, ku wulavya i makumbiko ge cimuhe gono gakumwendeza Mulungu mu nzila ya Yesu Kilisito.

2 Petelo 2:5

Kanyhi u Mulungu hamba siyayitetela yinze ye katali, yaleta lihwazi lye malenga mu'si yiyilya ye wanhu wono si wamogopago Mulungu, ninga Noha mono yaganulaga u wiling'ano, u Mulungu yakamuponya hamonga ne wanhu wanji mupunghati.