Mwamulizo 50:9 - Luganuzi Luswanu Kuli Wanhu Wose 2002

⁹ Sunga ne wapanda zifwalasi hamonga na we matuka go wulugu wose vikabitana. Oo! Lyali yipuga yiwaha muno muno.

Mwamulizo 50:9 ပူးပေါင်းရင်းမြစ်များ

Mwamulizo 41:43

Falawo yakawa kumuwika mucanyha ye ligali lyakwe lye kejete, lyono lyali kukwegwa ne zifwalasi, ne walanjilizi wakalongola ku mwande ya Yusufu, akuno wakuzoza wakutya, “Ale, mufugame wose!” Ale du, Falawo yakamupela Yusufu wulajilize wuwaha muno mu yisi yose ya Misili.

Mwamulizo 46:29

Nayo Yusufu yakasola ligali lyakwe, yakawa kubita kumuhinjiliza sogwe Isilayeli kuko ku Gosheni. Nayo Yusufu yali yeza kumuwona sogwe, yakamukumbatila akuno yakulila sunga yidaha likabita.

Mwamulizo 50:10

Nawo wali weza kufika mu cuga co wuhemba ca Atadi, ku nhumbi ye likolongo lya Yoludani, wakalila muno ko wukalale wuwaha, nayo Yusufu yakamulilila sogwe vilo mupunghati.

Mwamulizo 50:8

Kanyhi Yusufu vikabitana hamonga ne mhuga yakwe yose, wanduguze, ne mhuga yose yo sogwe Yakobo. Mu yisi ya Gosheni, wasigala wo wana wadodo du, hamonga ne zingholo, zimhene, ne zing'ombe zawo.

2 Watemi 18:24

Hamba kosuma nhawule kumuwinga yawuye ne nyuma, yumonga wa muli mwitumami mudodo, wa muli wetumami wo muwaha wangu, hamba wuwe witumbiye vyono, Wamisili wokuletela matuka go wulugu, hamonga ne zifwalasi!

Wutuluce 14:17

Nane nowanoza Wamisili wawe wasina cihuliko. Nawo wowatyatya Waisilayeli mu nyuma yawo mwi'lenga, nane nogagomoleza malenga, niwagubize Wamisili. Baho ho nokwitujila lilumbo yiwaha muno, kolo nakondya kuwongomeza Falawo, ne lipuga lyakwe, ne matuka gakwe go wulugu, hamonga ne wajendela mu zifwalasi wakwe.

Wutuluce 14:28

Nago malenga gakawuya hamonga, gakayigubiza mituka yo wulugu, ne wajendela mu zifwalasi, hamonga ne lipuga lyose lya Falawo lyono lyawatyatyaga Waisilayeli, na wose wakafwila mugati mwi'lenga. Si yapona hamba monga bwete.

Wutuluce 14:7

Yakawa kutuluka hamonga ne mituka yakwe yose yo wulugu, hamonga ne mituka yinji yo wulugu magana mutandatu i miswanu, yali yo ye wetumami wakwe.

Lwimbo Luswanu muno 1:9

Gwe go mwendece wangu, nghukwihwananiza ne fwalasi zinume za mu magali ga Falawo.

Metumo ge Watumwa 8:2

Wanhu wehuwilwa kuli Mulungu, wakamuzika Sitefano, wakamulilila cililo ciwaha.