Mwamulizo 50:2 - Luganuzi Luswanu Kuli Wanhu Wose 2002

² Hanyuma yakawa kuwalajiliza waganga wamubace sogwe Isilayeli miti, ho yalece kuwola, nawo waganga wakanoza nhavivyo.

Mwamulizo 50:2 ပူးပေါင်းရင်းမြစ်များ

Mwamulizo 27:41

Hodu ku wulawilila baho, Esawu yakawa kumusula muno muno Yakobo u mwanakwawe, ku soko yo wulugutwe wono Yakobo yali yakondya kupegwa no sogo yawo. Nayo Esawu yakehwesa yakatya, “Ninga mwene i vilo vyo kumulilila sogo yetu nha vyasejelela muno. Ale, nane baho ho nomuwulajila u mwanakwetu Yakobo.”

Mwamulizo 50:1

Hobaho Yusufu, yakawa kwigumila mucanyha yo sogwe, akuno yakulila no kumunonela.

Mwamulizo 50:26

Nayo Yusufu yakawa kufwila kuko ku Misili, yena myaka yigana limonga ne kumi. Nawo wanduguze, wakawubaka miti muwili wa Yusufu ho wulece kuwola, wakawa kuwuwika mwi'sanduku.

2 Zinghomo 16:14

Yakazikwa mu citenjelo ce'bwe, cono yewikaniziza mweneco mwi'kaya lya Dawudi, lono yali yakali cawumi. Wakawutajila muwili wakwe wuvumba ne mafuta ge mhunjile swanu so maziko gakwe. Wakakoleleza moto muwaha muno ku soko ye lilumbo lyakwe.

Matayo 26:12

U mucekulu ayu, kanjidila mafuta, so wuwikanizwe we maziko gangu.

Maluko 14:8

U Mwene kanoza nha vyono yadahile, kawubaka umuwili wangu mafuta so wuwikanizwe wo wuzikwe wangu mu citenjelo.

Maluko 16:1

Ne lizuwa lye Sabato lyeza kupuluta, Malyamu Magadalena, na Salome na Malyamu unyina wa Yakobo, wakagula mafuta ge mhunjile swanu, ho wakawubace muwili wa Yesu.

Luka 24:1

Mwizuwa lye Jumapili, hakali mitondo muno muno, wacekulu wawalya wakabita ku citenjelo, wategulize ne manukato gono wali wawikaniza.

Yohana 12:7

Ninga Yesu yakatya, “Mulece kumugaza yuyu Malyamu. Mumulekaje yambikanizize cono yena, so lizuwa lyangu lyo kuzikwa mu citenjelo.