Mwamulizo 5:22 - Luganuzi Luswanu Kuli Wanhu Wose 2002

²² Nayo yali yeza kumulela Metusela, mwene Enoci, yakekala kanyhi myaka magana madatu, akuno vili hamonga no Mulungu. Nayo yakawa yena wana wanji we cilume na we cicekulu.

Mwamulizo 5:22 ပူးပေါင်းရင်းမြစ်များ

Mwamulizo 17:1

Mu vilo vyono Abulamu yali yaficila myaka makumi cenda ne 'cenda, u Muwaha Mulungu yakamulawila, yakamutya, “Ane yo nene mono nili Mulungu u Mudaha Vyose. Holeka agwe wutyatye wutonji wangu du, ho wuwe wusina yilema.

Mwamulizo 24:40

Ninga mwene u muwaha wangu yakanyitya, ‘U Muwaha Mulungu mono nimuhulikaga nhondo zose mu mikalile yangu, ale, yuyo komutuma malayika wakwe, ho yawezane nagwe no kukupela nzila swanu, nagwe komusolela mwanangu mugolece ku wulawa mu wandugu zangu, mu nyumba ya baba.

Mwamulizo 48:15

Isilayeli yakawa kumulugutiza Yusufu yakutya, “U Mulungu wa wa baba Abulahamu na Isaka, wamuhulikaga mu wikale wawo. U Mulungu mono kandisaga mu wikale wangu sunga nalu.

Mwamulizo 5:21

Nayo Enoci, lono yali yaficila myaka makumi mutandatu na mihano, yakamulela Metusela.

Mwamulizo 5:23

Nayo Enoci yekala myaka magana madatu na makumi mutandatu na mihano yose hamonga.

Mwamulizo 5:24

Nayo vikajendana no Mulungu mu vilo vyakwe vyose, hanyuma yakahama hamba kwijela kanyhi. Hambi u Mulungu nha yamusola.

Mwamulizo 6:9

Awuno wo wityatye we zinghani za Noha. Yuyo Noha yo yali yo munhu mono yali yali ling'ani du yali wene, mono yali yasina yilema mu wikale wakwe. Noha vyawezanaga hamonga no Mulungu.

1 Watemi 2:4

Na hono wumuhulice du Muwaha Mulungu, nayo kowufisiliza wihuwizo wakwe wono yawihuwiza, lono yanonjela nha vyono, i wanangu, wo wotema muli Isilayeli vilo vinji, mu nghango nha vyono wowa kucila, kugakamisa Malajilizo gakwe ko wihuwilwa, kwe zinhumbula zawo zose, na kwe mitima yawo yose.

2 Watemi 20:3

“Gwe go Muwaha Mulungu, wukumbucile nha vyono, ane nakwitumamila ko wihuwilwa ne cogopo, na mu vilo vyose, nghawa kuhidimbala kwituma zo wuhile wako.” Hezekiya yali yeza kudumya wulombe wakwe, hodu yakanza kulila ko wusungu wuwaha muno muno.

Zabuli 116:9

Holeka nane lu, nowa kujenda hali Muwaha Mulungu, mu yisi ye wanhu womi.

Zabuli 128:1

Wamoti wose wono wamogopilo Muwaha Mulungu, wono wakugatyatya malajilizo gakwe.

Zabuli 16:8

Holeka nane nghumuwika Muwaha Mulungu, hamwande yangu nhondo zose, nayo vyono yali hamonga nane, holeka hamba sinosinjisika yaye.

Zabuli 26:11

Ninga 'ne, nitumaga zo wiling'ano du, wumbonele lusungu wumhonye.

Zabuli 56:13

Hambi nha wamhonya mwi'fwa, heya kunghamisa ho ndece kugwa hasi, ho njendelele kuwa hali gwegwe go Mulungu, nikale mu wuzelu we womi.

Zabuli 86:11

Gwe go Muwaha Mulungu, wunyijize ze nzila yako, nane noyityatya ko wihuwilwa, wuyitongaje nhumbula yangu yikogope gwegwe.

Wutuluce 16:4

Muwaha Mulungu yakamulonjela Musa yakatya, “Alu, ane nomulagazizenyi mikate kulawa ku wulanga. Nawo wanhu wolawila no kutondola nhondo zose ndigwa yono yikwiliye lizuwa lilyo limonga du. Na mu nzila yiyi, nane ho nosuma kuwona hono wowutyatya wulajilize wangu.

Lwimbo Luswanu muno 1:4

Wusolaje, nase cimanyhe cibitane nagwe, weze mutemi wangu, wunyinjize mu nyumba yako. Cosangalalana hamonga, cing'we muno divayi, no kuzwila mu wikumbatile. Heya yo ling'ani wacekulu wose wakwende!

Hoseya 14:9

Nghulomba, wono wena wizuce, wazitanje zizi zono zandicigwe baha, no kuziwika mu zinhumbula zawo. Nzila zo Muwaha Mulungu zo ze ling'ani, ne wanhu we ling'ani, wo wakuzityatya. Ninga wanyo wubi, wakukobala no kugwa, ku soko vyono siwaziceleleye yaye.

Walawi 26:12

Nowa nili hamonga nanye. Nane nowa Mulungu wenyu, nanye mowa wanhu wangu.

Amosi 3:3

Alu 'mbi wanhu wejete wosuma kujendana hamonga muhinzo lono siwalagane?

Mika 4:5

Likungugo ne kungugo lihembaga no kogopa u mulungu walyo, ninga mu vilo vivyo, colomuhemba no kumogopa Muwaha Mulungu wetu cibitilila na cibitilila.

Mika 6:8

Aa ng'o, hambi Muwaha Mulungu nha yacilonjela ziswanu zono zinojeye hali mwene, zono yakuhila kuli'se, nha zozi, Citume zono zili ling'ani, cilajile wendo kuli mwene, no kujenda ko winenenyhezi hamonga no Muwaha Mulungu wetu.

Malaki 2:6

Wakejiza zono zali zili ling'ani, hamba si zimbi yaye. Wakawa wali hamonga nane, kanyhi hamba si wetuma ze ling'ani weneco du, langa kanyhi wakawataza sunga ne wanhu wanji walece kwituma zo wubi.

Luka 1:6

Wose vyono wejete, wali wali ling'ani hali Mulungu, wali webate myoto ne malajilizo gose go Mulungu.

Metumo ge Watumwa 9:31

Nhondo ilikanisa lya mu Yudiya, na mu Galilaya, na mu Samaliya mose, likatuga mulamu mwidaha lilyo. Likasinyhimikwa no kuwilucila mu cogopo co Muwaha, likonjelezeka no kusindamikwa no Muhe Mono Yelile.

Walumi 8:1

Alu nhondo hasina wuhoswe kuli walya wono mu mikalile yawo, wakondya kwilunza na Kilisito Yesu.

1 Wakolinto 7:17

Munhu wo wose yimunojeye yekale mu mikalile nha vyono vinha vipegwa vyono u Muwaha yamugawila, na kanyhi nha vyono yacemwa no Mulungu. Na lili lye'lajilizo lyangu kuli makanisa gose.

2 Wakolinto 6:16

Hamba howuli wulaganeci we Nyumba yo Mulungu ne vihwani vyo wulambi? Hambi ase nha cili wuhembelo wo Mulungu mumi. Nha vyono Mulungu mweneco yalonga yakatya, “Nowunoza u wikalo wangu wuwe muli wene, na muli wene mo nowa jendela, nane nowa Mulungu wawo, nawo wowa wanhu wangu.”

Waefeso 5:15

Ale mwilanjililaje mu mikalile yenyu. Mulece kwikala nhe walele, langa nha we mahala.

Wukumbucize wo Wulajilize 13:4

Ninga anye mumutyatye du Muwaha Mulungu, mumupele cogopo, kanyhi mumuhulice mwene, mwibate ne malajilizo gakwe, mumuhembe mweneco du yali wene, kanyhi mweze muli wehuwilwa kuli mwene.

Wukumbucize wo Wulajilize 28:9

“Na hono mumogope no kumuhulika Muwaha Mulungu, u Mulungu wenyu, kanyhi mwitume zose zono yakuzilajiliza, ale, nayo komunozenyi muwe wanhu wakwe nha vyono yehuwiza.

Wukumbucize wo Wulajilize 5:33

Mweze mwina cihuliko muli zose, ho musume kutuga wumoteswe, na kanyhi ho musume kwikala vilo vinji, mu yisi yono moyisola yiwe.”

Wakolosayi 1:10

Baho langa ho mosuma kwikala nha vyono yikumunojeza u Muwaha, no kwituma nhondo zose zo wuhile wakwe. Ne mikalile yenyu yowa yina mana gose ge metumo maswanu, nanye mocila muno kuwiluka mu wu mumanya u Mulungu.

Wakolosayi 4:5

Mwikalaje nawo kwa mahala wono si wehuwiye, kanyhi mwitumamilaje viswanu i cilejeho cono mwina naco.

1 Watesalonike 2:12

Cikamulanjizenyi, kanyhi cikamusindamicenyi, no kumuswaswanizenyi, ho mwikale mu mikalile yono yikumwendeza u Mulungu mono yamucemenyi ho muhanje u Wutemi no lukumyo lwakwe mweneco.

1 Watesalonike 4:1

Ze ndumilizo wandugu zangu, nha vyono mweyijiza kuli sese vyono munojeye mwikale ho mumwendeze u Mulungu. Nayo yili mbeka vyo mwikalaga. Alu cikumulombenyi kanyhi cikumunenenyi mwitagwa lyo Muwaha Yesu, vyono alu ho mucile muno kuwituma viswanu.

1 Yohana 1:7

Langa hono cikale mu wuzelu, nha vyono u mwene yali mu wuzelu, baho langa cowa no wumonga sese kwa sese, ne sakami yakwe Yesu Kilisito u Mwanagwe, yocikwema mu wubi wose.