Mwamulizo 5:2 - Luganuzi Luswanu Kuli Wanhu Wose 2002

² Nayo yawawumba u mulume no mucekulu, hanyuma yakawa kuwalugutiza, yakawacemela ne litagwa lya “Munhu.”

Mwamulizo 5:2 ပူးပေါင်းရင်းမြစ်များ

Mwamulizo 1:27

Mulungu yakawa kumuwumba u munhu ku hwani yakwe, ku hwani yakwe yakamuwumba. U mulume no mucekulu yawawumba.

Mwamulizo 1:28

U Mulungu yakawalugutiza, yakutya, “Mwilele mwinjipe muno muno, no kuyimemya yinze, no kuyinoza yinze yimuhulicenyi nyenye. Kanyhi muteme mu zisomba ne zindeje zose, na muli viwumbwa vyose vyumi vyono vili mono yinze.

Mwamulizo 2:15

Hodu, u Mulungu yakamusola u munhu yuyo we cilume, yakamuwika mumo mu mugunda wa Adeni, ho yawulime no kuwulanjilila.

Mwamulizo 2:23

Nayo mulume yuyo yakatya, “Hee, alu langa! Ayu, lye fupa lya mu mafupa gangu, kanyhi wo muwili wono wulawile mu muwili wangu, holeka ayu kocemwa, ‘Mucekulu,’ ku soko vyono kasolwa muli mulume.”

Mwamulizo 5:3

Na mwi'pango lono Adamu yali yaficila myaka yigana limonga na makumi madatu, vilo vyo wikale wakwe, yakatuga mwana we hwani yakwe mweneco, nayo yakamucemela litagwa lya Seti.

Malaki 2:15

Hamba Mulungu siyamunozenyi 'nye muwe muwili monga no muhe monga? Mukwihwesa wuhile wakwe cali cicici muli zizi? Wuhile wakwe wali, ho mutuje wana wono wolowa wanhu we mbeka wo Mulungu. Holeka mwinozeleze, halece kuwa na yunji muli nyenye mono yakubena wihuwizo wakwe kuli mugolece wakwe.

Matayo 19:4

Yesu nayo yakawapitula yakatya, “Alu, nye, ho simwasoma mu Mandiko Gono Gelile, nha vyono u Mulungu mono yamuwumba u munhu ku wulawa ha mwamulizo, yawumba, u mulume no mucekulu,

Maluko 10:6

Ninga ku wulawa ku mwamulizo wo wuwumbwe we yinze, u Mulungu yawumba mulume no mucekulu.

Metumo ge Watumwa 17:26

Mu wulawilila mo munhu yumonga, mo yanozeza imakungugo gose ge wanhu, gekale kono'nze kose. Lono yali yakondya kuwawicila mapango gono yali yalamuye na katali muno, vyono hayi na nili, hono makungugo gago gokwikala.