Mwamulizo 48:9 - Luganuzi Luswanu Kuli Wanhu Wose 2002

⁹ Nayo Yusufu yakamupitula sogwe yakatya, “Gwe baba, awano wo wanangu wono Mulungu yamhela lono nili ku kuno.” Nayo Isilayeli yakatya, “Ale, nghukunena wasejelezaje hono hangu ho niwalugutize.”

Mwamulizo 48:9 ပူးပေါင်းရင်းမြစ်များ

Mwamulizo 27:4

Hanyuma wunozeze ndigwa swanu yono nyendile, wundetele nilye, nghulugutize mwanangu, lono nghali cawumi.”

Mwamulizo 30:2

Nayo Yakobo yakamukolelwa muno muno likuwo Laheli, no kumutya, “Alu 'gwe Laheli, wukwihwesa vyono ane neza kotya nili Mulungu mono yakwimiye agwe ho wulece kutuga wana?”

Mwamulizo 33:5

Nayo Esawu yali yeza kwinula meso gakwe no kuwawona wawalya i wanyina zo munhu hamonga ne wana, yakawuza yakatya, “Yakobo, alu wawano wanani wono wina nawo?” Nayo Yakobo yakapitula yakatya, “Awano wo wana wono Mulungu so lihewa lyakwe, yamhela ane no mwitumami wako.”

Mwamulizo 49:28

Ayi yo milango yikumi na myejete ya Isilayeli. Nazo zizo zo nghani zono yazilonga sogo yawo lono yawalugutizaga munhu mu nghango yakwe vyono yimunojeye.

1 Zinghomo 25:5

Mulungu yakamupela wana wa cilume yikumi na wane na we cicekulu wadatu, yuyu Hemani mono yali yo muwizi wo mutemi, nha vyono mwene Mulungu yehuwiza, ho yamonjeleze vilungo Hemani.

Zabuli 127:3

I wana co cipegwa, cono Muwaha Mulungu kacipelaga nawo, co cipegwa cakwe kuli 'se.

Isaya 8:18

Nane 'lu, nili bahano hamonga ne wana wono Muwaha Mulungu yamhela, Muwaha Mulungu we Mihanga, mono ligoda lyakwe lyo wutemi, lili mwi'tunda lya Sayuni. Nayo kacituma ase ciwa nha vitanjilo ne mezino kuli wanhu wa Isilayeli.

Wukumbucize wo Wulajilize 33:1

Awu wo wulugutize, wono Musa u munhu wo Mulungu yawalugutiza Waisilayeli, lono yakali si nafwa, yakatya,

Wahebelaniya 11:21

So wihuwilo, Yakobo lono yali yeza behi no kufwa, yawaluguta wana wose wa Yusufu, yakamuhembo Mulungu akuno yayegamiye ne nghome yakwe.

1 Samwili 1:20

Hana yakatuga 'nda, yakalela mwana wa cilume. Yakamucemela litagwa lya Samwili, nhunizo yayo, “Nimulombile kuli Muwaha Mulungu.”

1 Samwili 1:27

Namulomba yamhele mwana ayu, nayo yakahulika wulombe wangu, yakawa kumhela cono namulomba.