Mwamulizo 48:14 - Luganuzi Luswanu Kuli Wanhu Wose 2002

¹⁴ He, ninga Isilayeli lono yawajelekaga miwoko yakwe, yakayisutanizya. Muwoko wakwe wo kulume, yakawujeleka mu mutwe wa Efulayimu, ninga yo yali yo mudodo, no muwoko wakwe wo kucekulu, yakawujeleka mu mutwe wa Manase, mono yali yo mulelwa mulongozi.

Mwamulizo 48:14 ပူးပေါင်းရင်းမြစ်များ

Mwamulizo 41:51

Yusufu yakamucemela mwanagwe mulongozi litagwa lya Manase, yakutuniliza yakutya, “Mulungu kanoza ho semwe magayo gangu gose, hamonga na za mu mhuga yose ya baba.”

Mwamulizo 41:52

No mwanagwe we kejete nayo, yakamucemela litagwa lya Efulayimu, yakutuniliza yakutya, “Mulungu kamhelela wana mu yisi ye magaziko gangu.”

Mwamulizo 46:20

Nako kuko ku Misili, Asenati mwana we cicekulu wa Potifela, mono yali mukohani we likaya lya Oni, nayo yamulelela Yusufu wana wejete nawo wo wano, Manase na Efulayimu.

Mwamulizo 48:13

Hanyuma Yusufu yakawa kuwenula wanagwe wejete yakamwibata Efulayimu no muwoko wakwe wo kulume, yakawa kumutegula wulunji wo muwoko wo kucekulu wo sogwe, na Manase nayo, yakamwibata no muwoko wakwe wo kucekulu, yakawa kumutegula wulunji wo muwoko wo kulume wo sogwe, yakawa kuwasejeleza kuli kuku yawo.

Mwamulizo 48:17

Nayo Yusufu yali yeza kuwona vyono sogwe kawujeleka muwoko wakwe wo kulume mu mutwe wa Efulayimu, si yendezwa yaye. Holeka yakawibata muwoko wo sogwe ho yawuwuse mu mutwe wa Efulayimu, yawujelece mu mutwe wa Manase.

Mwamulizo 48:18

Akuno yakumulonjela sogwe yakutya, “Gwe baba, yo si nhavivyo yaye! Ayuno Manase yo mulelwa mulongozi. Holeka dedede, wujelekaje muwoko wako wo kulume mu mutwe wakwe.”

Zabuli 110:1

Muwaha Mulungu yakamutya muwaha wangu mutemi, “Wikale ku muwoko wangu wo kulume, sunga kolo nawanoza i walugu wako, wawe cibawo co wusambo we migulu yako.”

Zabuli 118:16

Vilungo vyo Muwaha Mulungu, vyo viletile wusume wo wulugu, Vilungo vyo Muwaha Mulungu yali wene, vyo vitumile zizi!”

Wutuluce 15:6

“Muwoko wako wo kulume 'gwe Muwaha Mulungu, wo we nhojo mu vilungo. No muwoko wako wo kulume 'gwe go Muwaha Mulungu, wukuwa kuwatijinha walugu.

Wuwale 2:18

Nawo wono wali hasi ye bendela ya wo mulango wa Efulayimu, yiwanojeye wakome mahema gawo ku lubavu lwe mwezi, hamonga na wono vyokwihegama nawo, wawe wegawile vipuga vipuga, mu nghango ye liwalo lye walongola wawo, mu zimhuga zawo nha vyono nhavi.

Wuwale 8:10

Hanyuma i Waisilayeli, wayijelece miwoko yawo mu mitwe ye Walawi.

Wuwale 8:18

Ninga aluno, nghuwasola wawano Walawi, ho wahalile i hanhu ha wana wose we Waisilayeli i walongozi kulelwa.

Matayo 16:18

Holeka nane nghukulonjela Petelo nghutya, yo gwegwe wuli italawe, na mucanyha ye 'talawe lilino, nolizenga likanisa lyangu, hamba ne lifwa lyeneco du, si lyolisuma yaye.

Matayo 19:13

Hanyuma iwanhu wakamuletela Yesu iwana wadodo, ho yawawicile imiwoko yakwe no kuwalombela. Ninga iwejizwa wakawatacila.

Matayo 19:15

Hodu, yakawawicila miwoko, hanyuma yakawuka ihanhu baho.

Matayo 6:5

“Nanye lono mukulomba, mulece kuwa nhe wakoci. Hambi iwene wakoci, nha wendile kwima wima mu matang'anilo go wuhembelo, sunga na mu zinzila, no kulomba, ho welajile kuli wanhu. Mbeka nghumulonjelenyi, vyono wawo wakondya kucituga icihumbilizwa cawo.

Luka 13:13

Yakamuwicila miwoko yakwe; lo lulo lulo muwili wakwe wukagoloka, yakamulumbo Mulungu.

Luka 4:40

Lono lizuwa lyali lyeza behi no kugwila, wose wono wali wena watamwa we matamwa ge hayo hayo, wakawaleta kuli mwene, nayo yakawawicila miwoko yakwe wose, yakawaponya.

Metumo ge Watumwa 13:3

Nawo waza kondya kulomba no kuleka kulya, wakawawicila miwoko wakawaleka wabite.

Metumo ge Watumwa 6:6

Wakawawika ha mwande ye watumwa, nawo wakawalombela no kuwawicila miwoko.

Wukumbucize wo Wulajilize 34:9

Nayo Yoshuwa u mwana wa Nuni yakamema mahala menji. Hambi nha Musa mono yo yamuhagula yawe muhazi wakwe kolo mwene yakondya kufwa. Nawo i wanhu Waisilayeli wakamuhulika muno Yoshuwa, kanyhi wakagebata muno muno ne malajilizo gono Muwaha Mulungu yawalajiliziza muli Musa.

1 Timoteyo 4:14

Wulece kuleka kucitumamila i cipegwa cicilya ca Kilisito cono cili muli'gwe, cono wapelelwa mu zinghani ze wawizi, na mu wuwicilwe miwoko ne wanyamhala.

1 Timoteyo 5:22

Kanyhi wulece kumuwicila miwoko munhu wo wose musunho, ku soko yo kumwitumamila Muwaha. Wulece kuhanga u wubi we wanji, langa wikamisaje welile mu nhumbula yako.