Mwamulizo 48:12 - Luganuzi Luswanu Kuli Wanhu Wose 2002

¹² Ale, Yusufu yakawa kuwawusa wanagwe ha mafugamilo go sogwe, hanyuma mwene yakenama ho hasi.

Mwamulizo 48:12 ပူးပေါင်းရင်းမြစ်များ

Mwamulizo 18:2

Nayo yali yeza kwinula i meso gakwe, yakawawona wanhu wadatu wemile. Nayo yali yeza kuwawona, yakamangha mbela mbela, yakabita kuwabocela. Yakafugama ha mwande yawo, yakenama sunga no wusu wakwe wukapamiza ho hasi, yakatya,

Mwamulizo 19:1

I wamalayika wa walya wejete, lono waziza ku Sodoma, nayo Loti mwi'daha lilyo yali yekaye he'lango lye likaya lya Sodoma. Nayo Loti yali yeza kuwawona, yakenuka yakawahinjiliza, yakagundama u wusu wakwe ko kuwalamusa,

Mwamulizo 23:7

Nayo Abulahamu, yenuka, yakenama kwe cogopo ha mwande ye wanyawusi Wahiti,

Mwamulizo 33:3

Ninga mwene Yakobo yakawalongolela wose, yakawa yakujenda akuno yakwinama ho hasi, sunga nghanghulo mupunghati, sunga yakasejelela behi no muwahawe Esawu.

Mwamulizo 42:6

Na mwidaha lilyo, Yusufu yali yo muwaha kuko ku Misili. Mweneco yo yawaguzizaga wuhemba wanhu wose ku wulawa mu yinze yose. Ale i wawahaze nawo wakaza, wakamufugamila Yusufu.

Mwamulizo 48:11

Hanyuma Isilayeli yakawa kumulonjela Yusufu yakatya, “Ane mwanangu hamba si nali nitumbiye vyono nokuwona usu wako kanyhi, ninga lu kumbe Mulungu kanhaza sunga niwawona ne wanago!”

Mwamulizo 48:13

Hanyuma Yusufu yakawa kuwenula wanagwe wejete yakamwibata Efulayimu no muwoko wakwe wo kulume, yakawa kumutegula wulunji wo muwoko wo kucekulu wo sogwe, na Manase nayo, yakamwibata no muwoko wakwe wo kucekulu, yakawa kumutegula wulunji wo muwoko wo kulume wo sogwe, yakawa kuwasejeleza kuli kuku yawo.

1 Watemi 2:19

Ale, Batisheba yakawa kubita kuli mutemi Solomona, kumulonjela zose, nha vyono yatumigwe na Adoniya. Nayo mutemi yakenuka yakamulamusa nyina, yakenama ha mwande yo nyina. Hanyuma yakawa kwikala mwi'goda lyakwe lyo wutemi. Yakamutenjela nyina ligoda linji, u nyina yakekala ku muwoko wo kulume wo mutemi.

2 Watemi 4:37

U mucekulu yuyo, yakagwa ha magulu ga Elisha, akuno wusu wakwe wupamize hasi. Hanyuma yakawa kumusola mwanagwe yakawa kubita.

Wutuluce 20:12

“Wogopaje sogo no nyina yako, vilo vyo wikale wako ho viwe vinji mu yisi yono yakukupela Muwaha Mulungu, u Mulungu wako.

Wutuluce 34:8

Nayo Musa ho baho yakenama no kumuhemba Muwaha Mulungu.

Zimbazi 31:28

Ne wana nawo, wendezwaga muno, nayo mulume wakwe, kamulumbaga muno.

Walawi 19:3

Na wose muli nyenye, yimunojeye munhu yawogope nyina no sogwe. Kanyhi muyibataje Sabato nha vyono namulajilizenyi. Ane yo nene Muwaha Mulungu wenyu.

Walawi 19:32

“Mweze kuwapela cogopo i wakombi, no kuwapela lilumbo lyawo. Munyogope nene, ane no Muwaha Mulungu.

Waefeso 6:1

Mo wana, muwahulice walezi wenyu mu Cikilisito, hambi yiyi nha yo nghani swanu.