Mwamulizo 48:10 - Luganuzi Luswanu Kuli Wanhu Wose 2002

¹⁰ Alu nago meso ga Isilayeli lulo, gali geza si gakuwona viswanu, ku soko yo wukombi wakwe. Hodu nayo Yusufu yakawa kuwasejeleza wanagwe behi no sogwe, nayo sogwe yakawanonela yakawakumbatila.

Mwamulizo 48:10 ပူးပေါင်းရင်းမြစ်များ

Mwamulizo 27:1

Lulo, Isaka yali yeza mukombi muno, sunga ne meso gakwe gali geza sigakuwona yaye. Nayo Isaka yakamucema Esawu, u mwanagwe muwaha, yakamutya, “Gwe Esawu mwanangu!” Nayo Esawu yakedika yakatya, “Ane hano baba.”

Mwamulizo 27:27

Yakobo yakawa kusejelela hali sogwe, yakamunonela. Nayo sogwe yali yeza kuyihulika mhunjile ye vivwalo vyakwe, yakawa kumulugutiza, yakutya, “Lanje ta, mhunjile swanu yo mwanangu, yihwanile mhunjile yo mugunda wono u Muwaha Mulungu yawulugutiza!

Mwamulizo 31:55

Labani yakapinjila kwinuka hakali mitondo muno muno, yakawa kuwanonela wanagwe hamonga ne wezukuluwe, yakawa kuwalugutiza. Hanyuma ho yakawa kutuluka, yakawa kuwuya kwawo.

Mwamulizo 45:15

Yusufu yakajendelela kulila du akuno yakuwakumbatila wawahaze no kuwanonela muno, hanyuma nhondo, wawahaze ho wakawa kwanza kuduwana nayo.

Mwamulizo 48:11

Hanyuma Isilayeli yakawa kumulonjela Yusufu yakatya, “Ane mwanangu hamba si nali nitumbiye vyono nokuwona usu wako kanyhi, ninga lu kumbe Mulungu kanhaza sunga niwawona ne wanago!”

Mwamulizo 48:8

Nayo Isilayeli yali yeza kuwawona wawo wana wa Yusufu, yakawa kumuwuza Yusufu yakatya, “Alu Yusufu, awano wo wanani wene?”

1 Watemi 19:20

Nayo Elisha yakazileka zing'ombe zakwe, yakamumanyhilila Eliya, yakamulonjela yakatya, “Alu Eliya, ane nghukunena wundece namule mbite nghawanonele baba na yaya, niwelaje, hanyuma ho nize cibitane.” Nayo Eliya yakamutya, “Ale heya wubite, ane si nghukulemeza yaye!”

Muganuzi 12:3

Mwi'pango lono i miwoko yako yono yakukamisaga, yolocicima, ne migulu yako yono yili vilungo, nayo yolowa yisina vilungo. Ne meno gako, nago golowa gasina vilungo vyo kutafunyila ndigwa yako, ne meso gako nago golowa si gakuwona viswanu.

Isaya 59:1

Ninga mulece kwihwesa nha vyono Muwaha Mulungu musocele, mono si kosuma kumuponyenyi, hamba lunji yali ciziwi mono si kosuma kumuhulicenyi lono mukumucemeleza mukusaka wutazi!

Isaya 6:10

Hanyuma kanyhi yakanyitya, “Wuyinozaje mitima ye wanhu wawa yiwe mizito, ne makutu gawo gawe ciziwi, ne meso gawo gawe cibofu, ho walece kuwona, hamba kuhulika, hamba kwizuka kose. Hambi hono wawone, wahulice, no kwizuka, nha wombuyila niwaponye.”

Wukumbucize wo Wulajilize 34:7

Musa yakafwa yaficile myaka yigana limonga na makumi mejete. Ninga hamba nhavivyo, vyo yali yakali yakamile du, sunga ne meso gakwe gali gakali vyo gakuwona viswanu du.

1 Samwili 3:2

Ale, mwi'zuwa linji ne cilo, lono na Eli yali yeza behi no kubofula, yali yagonile mu cinyumba cakwe,

1 Samwili 4:15

(Lulo nayo Eli, yali yaficila myaka makumi yicenda na munana, ne meso gakwe gali gakondya kutukuwala, hamba si yakusuma kanyhi kuwona.)