Mwamulizo 47:9 - Luganuzi Luswanu Kuli Wanhu Wose 2002

⁹ Yakobo nayo yakamupitula Falawo yakatya, “Wayiko, lizika lyono Mulungu yakondya kumhela mu wikale wangu, naficila myaka yigana limonga na makumi madatu. Ne myaka yiyi yikwijela micefu, ninga yimemile magazo. Kanyhi hamba nhavivyo, yikali si yinaficila mwi'walo lye myaka yono wekalaga wa baba mu wikale wawo.”

Mwamulizo 47:9 ပူးပေါင်းရင်းမြစ်များ

Mwamulizo 11:11

Nayo lono yali yamulela Alipakishadi, mwene Semu yekala kanyhi myaka magana mahano, nayo yakawa na wana wanji we cilume na we cicekulu.

Mwamulizo 35:28

Isaka yekala mono'nze myaka yigana limonga na makumi munana.

Mwamulizo 47:28

Yakobo yekala mu yisi ya Misili myaka yikumi na mupunghati, sunga yali yeza kuficila myaka yigana limonga na makumi mane na mupunghati yo wikale wakwe.

Mwamulizo 47:8

Nayo Falawo yakamuwuza Yakobo yakatya, “Alu mwene Yakobo, lulu waficila myaka milinga?”

Mwamulizo 5:27

Nayo Metusela yakafwa yena myaka magana yicenda na makumi mutandatu ne'cenda, yo wikale wakwe wa mono'nze.

Mwamulizo 50:26

Nayo Yusufu yakawa kufwila kuko ku Misili, yena myaka yigana limonga ne kumi. Nawo wanduguze, wakawubaka miti muwili wa Yusufu ho wulece kuwola, wakawa kuwuwika mwi'sanduku.

1 Zinghomo 29:15

Gwe go Muwaha Mulungu, agwe nha wumanyiye lukulu, nha vyono ase cakolela mu mikalile yo wuhamywe, hamonga no wujenzi, nha vyono wali i walezi wetu. Ne vilo vyetu, vinha mwenzenze du wono wupulutaga, nase hamba si cosuma kwiponya ne lifwa.

Jobu 14:1

“Na wose cileligwe cili wasocele, kanyhi cisina wutazi, wose cikalaga vilo vicefu du, kanyhi cimemile wugaye mu mikalile yetu.

Zabuli 119:19

Ane nha nili mukola nzila du mono'nze, holeka wulece kuhundicila zo wulajilize wako.

Zabuli 119:54

Nane lono nili kuno ku wujenzi, zinyimbo zangu zose, nghwimba ze malajilizo gako du.

Zabuli 39:12

Gwe go Muwaha Mulungu, wuhulicize wulombe wangu, hamonga ne cililo cangu, wulece kunyamalila lono nghukulilila. Hambi ane nha ninha mujenzi du mono yakupuluta, nane nili mujenda nzila, nha vyono wali wenha walezi wangu wose.

Zabuli 39:13

Wundekaje, nane niwe na nyemo, lono nghali nafwa, no kuwucila lukulu.

Zabuli 39:5

Kumbe wunjelanizize vilo vicefu muno vyo wikale! No wumi wangu kumbe yo nghani ya bwete du hali'gwe, kumbe, mbeka, wanhu wose wehwanile cihumbi ce mbeho du.

Wutuluce 6:4

Hamba nhavivyo, nghanoza cilagane cangu nawo, kanyhi nghawehuwiza vyono nowapela yisi ya Kanani, yisi yono wekala katali nha wajenzi.

Wutuluce 7:7

Nayo Musa yali yaficila myaka makumi munana, nayo Haluni myaka makumi munana na midatu, baho lono walonganila no mutemi Falawo.

2 Wakolinto 5:6

Holeka ase cina nhumbula yono yikamile nhondo zose. Kanyhi cimanyile vyono mu wikala mu muwili wuwu du, cikuwa cili kutali no Muwaha.

Wukumbucize wo Wulajilize 34:7

Musa yakafwa yaficile myaka yigana limonga na makumi mejete. Ninga hamba nhavivyo, vyo yali yakali yakamile du, sunga ne meso gakwe gali gakali vyo gakuwona viswanu du.

Wahebelaniya 13:14

Hambi akuno kono yinze nha cisina likaya lyono likalaga; langa cikulilondola lyono likuza.

Yakobo 4:14

Hamba simumanyile vyono wumi wenyu wowa wule ku mitondo! Hambi anye nha mwihwanile linghungulyosi lyono lijelaga cipango cidodo vivi du no kwajilila kanyhi.

Yoshuwa 24:29

Hobaho zizi zaza kuwa zakondya kwitumwa, Yoshuwa mwana wa Nuni, mwitumami wo Muwaha Mulungu, yakafwa, yali yaficile myaka yigana limonga ne 'kumi.

1 Petelo 2:11

Nye nyo wendece wangu, nghumunenenyi nyenye nha wajenzi kanyhi wakola nzila mononze! Mwiyilegaje mu masulumizi go muwili gono vikulewana ne nhumbula.