Mwamulizo 47:4 - Luganuzi Luswanu Kuli Wanhu Wose 2002

⁴ Hanyuma kanyhi wakamulonjela Falawo wakatya, “Ase co wetumami wako ciza cikale nha wajenzi du mu muno mu yisi yi yino, hambi lizala nha yiwaha muno muno kuko ku Kanani, sunga ne zimitugo zetu nha zisina na ha wudimo. Holeka go mulumbwe, ase co wetumami wako, cikukunena wucikombole cikale mu yisi ya Gosheni.”

Mwamulizo 47:4 ပူးပေါင်းရင်းမြစ်များ

Mwamulizo 12:10

Na mu vilo vivyo, yikagwa nzala mbaha mu yisi ya Kanani. Ne nzala yiyo yikawa mbaha muno muno. Holeka yikawa yimunojeye Abulamu yabite ku Misili, yakekale kuko nha muhamizi.

Mwamulizo 15:13

Nayo u Muwaha Mulungu yakamulonjela Abulamu yakatya, “Nghusaka wumanyile lukulu, vyono u lulelo lwako, lokwikala mu wujenzi, mu yisi yono si yawo. Na kuko wowa wawanda, wolowetumamila myaka magana mane.

Mwamulizo 43:1

Ne nzala nayo yikacila muno kuwa mbaha mu yisi ya Kanani.

Mwamulizo 45:10

Nagwe kokwikala behi na nene mu yisi ya Gosheni, gwegwe go mweneco hamonga ne wanago wose, hamonga ne wezukuluwo wose, hamonga ne zimitugo zako ne zisawo zako zose.

Mwamulizo 46:34

Nanye mumutezaje nhavi, ‘Gwe go mulumbwe, ase co wetumami wako, cili wadimi wa mitugo, ku wulawa wudodo wetu sunga nalu, hambi nha vyo wali ne wa kuku zetu.’ Ale, mumulonjelaje nhavivyo, nayo ho yamukombolenyi mwikale mu yisi ya Gosheni.” Nayo Yusufu yazilonga zizo, ku soko vyono, munhu wo wose mudima mitugo, lyali yiwifyo yiwaha kuli Wamisili.

Mwamulizo 47:5

Nayo Falawo yakawa kumulonjela Yusufu yakatya, “Sogo hamonga ne wawahazo wakuziza gwegwe.

Zabuli 105:23

Hanyuma yayo, i wanhu wa Isilayeli nawo, ho wakaza mu yisi ya Misili, Yakobo yakawa mujenzi mu yisi yiyo ya Misili.

Isaya 52:4

Na lono mwabitila kwikala ku Misili nha muli wajenzi, mwabita ko kwiyendela nyenye nyo weneco. Ninga Mwashuli yakamusolenyi kwe vilungo, yakamutegulenyi kutali, hamba si mwalipwa cinhu co cose yaye.

Metumo ge Watumwa 7:11

Yikagwa nzala mu yisi yose ya Misili na Kanani, nayo yikaleta wugaye wuwaha muno muno, ne wakuku zetu hamba si wasuma kutuga ndigwa yo yose.

Metumo ge Watumwa 7:6

Mulungu yamulonjela yakatya nhavi, ‘I wanago wolotegulwa ku yisi yono yitemigwe ne wanhu wanji, na kuko wonozwa wawanda no kutendelwa vibi myaka magana mane.

Wukumbucize wo Wulajilize 26:5

Nagwe wuwe kulonga hali Muwaha Mulungu, u Mulungu wako, wuwe kutya nhavi; ‘U mulezi wangu yali Mwalamu, mono yawasola we mhuga yakwe wose, wakahamila ku Misili. Nawo wali wacefu muno lono wabitaga kuko, ninga hanyuma yayo, wakonjelezeka muno, kanyhi wakawa yikungugo yiwaha, kanyhi wali vilungo muno.