Mwamulizo 45:7 - Luganuzi Luswanu Kuli Wanhu Wose 2002

⁷ Ninga Mulungu yakandeta ku kuno ho nimulongolelenyi, kanyhi ho sume kumanyila lukulu, vyono nyenye nyo weneco, hamonga no lulelo lwenyu lose, mukujendelela kuwa womi kono'nze.

Mwamulizo 45:7 ပူးပေါင်းရင်းမြစ်များ

Mwamulizo 45:5

Ninga aluno nghumunenenyi mulece kukalala, hamba kwiyihosa vyono mwanguza kukuno. Hambi Mulungu nha yo yandeta nimulongolelenyi ku kuno, ho mhonye wumi we wanhu.

Mwamulizo 47:12

Nayo Yusufu yakawa yakuwapela ndigwa, sogwe, ne wawahaze, ne mhuga yose yo sogwe, mu nghango ye liwalo lye wanhu wono wali wawetumbiye.

Mwamulizo 50:20

Manyile vyono anye mwali mwamumbila wuhile wubi, ninga wuhile wo Mulungu, wukawa wuswanu ho wanhu wenji wawumipe, nha vyono nanye mukuwona izuwali.

1 Zinghomo 11:14

ninga mwene Dawudi na Eleyezali hamonga ne wanhu wakwe, wakema haciligati ye lilolo lilyo lya shayili, yakawahomanga Wafilisiti. No Muwaha Mulungu yakamupela wusume wuwaha muno.

Zabuli 18:50

U Mulungu kamupelaga mutemi wakwe cisumisumi ciwaha, kamulajilaga u muhagulwa wakwe wuswanu wakwe. Heya, wendo kuli Dawudi, hamonga no lulelo lwakwe sunga ku cibitilila.

Zabuli 44:4

Hambi nha yo gwegwe go Mutemi wangu, kanyhi go Mulungu wangu, mono kuwapelaga cisumisumi wanhu wako.

Metumo ge Watumwa 7:35

“Yuyu Musa, yo yuyo mono wanhu wa Isilayeli wamulema, wakutya, ‘Alo nani mono yakuwicile wuwe muwaha na mulamuzi wetu?’ Yo mwene Musa mono Mulungu yamutuma yawe muwaha, kanyhi na mukombozi, mu nzila ya Malayika mono yamulawila mu cititika cono cakaga moto.

Walamuzi 15:18

Lulo Samusoni yakebatwa ne nhyilu ya malenga. Yakamucemeleza Muwaha Mulungu yakatya, “Gwe go Muwaha Mulungu, agwe yo gwegwe mono wumhelile wusume wuwaha, alu ho nifwe ne nyhilu ye malenga, kanyhi ho nibatwe ne Wafilisiti wawa wono si walame?”