Mwamulizo 45:5 - Luganuzi Luswanu Kuli Wanhu Wose 2002

⁵ Ninga aluno nghumunenenyi mulece kukalala, hamba kwiyihosa vyono mwanguza kukuno. Hambi Mulungu nha yo yandeta nimulongolelenyi ku kuno, ho mhonye wumi we wanhu.

Mwamulizo 45:5 ပူးပေါင်းရင်းမြစ်များ

Mwamulizo 37:28

Nawo Wamidiyani wasuluza wali weza kufika baho, wene wakawa kumukwega Yusufu ku wulawa mwi'kombo, wakamuguza kuli Waishumayeli kwa wuguzi wa fweza makumi mejete, nawo Waishumayeli wakamutegula Yusufu ku Misili.

Mwamulizo 47:25

Nawo wakamupitula wakatya, “Gwe go mulumbwe, mbeka wakondya kuciponya wumi wetu! Nase cikukulumba du muno muno, so wuswanu wako, nase du kanyhi, cowa cili wetumami wa Falawo.”

Mwamulizo 50:19

Ninga mwene Yusufu yakawatya, “Nye wandugu zangu, mulece kogopa! Ane si nosuma kwiwika niwe nha nili Mulungu.

Mwamulizo 50:20

Manyile vyono anye mwali mwamumbila wuhile wubi, ninga wuhile wo Mulungu, wukawa wuswanu ho wanhu wenji wawumipe, nha vyono nanye mukuwona izuwali.

Mwamulizo 50:21

Holeka dedede, mulece kogopa. Ane nomulisenyi du hamonga ne wana wenyu.” Na mu nzila yiyo, Yusufu yakawawusiza mahwele gawo, yakawasindamika.

2 Samwili 12:12

Agwe wetuma wubi wuwo cinyele, ninga ane nozituma zizo ne misi calinze, ho Waisilayeli wose wasume kuziwona.’ ”

2 Samwili 17:14

Nayo Abusalomu hamonga ne Waisilayeli wose wakatya, “Lihweso lya Hushayi lyo yiswanu muno si nhe lihweso lya Ahitofeli.” Muwaha Mulungu yakawa yalamula vyono, lihweso liswanu lya Ahitofeli lilekwe, u Muwaha Mulungu ho yamuletele Abusalomu i zimbi.

Esita 4:14

Na hono agwe wunyamale hamba kunoza cinji mu nghani yiyi, ale, wumanye vyono wutazi wolawa kunji no kuwaponya Wayahudi, nawo wolopona, ninga agwe go mweneco kofwa, hamonga ne wanduguzo wose wokongomelela lukulu. Ninga hamba nhavivyo, nani 'mbi mono yamanyile, lunji yo yaleka agwe wukanozwa mu mapango nha gaga, wuwe mugolece wo Mutemi!”

Jobu 1:21

Yakawa kutya, “Ane nalelwa sina cinji, kanyhi nolofwa sina cinji. Muwaha Mulungu yo yalavya, kanyhi Muwaha Mulungu yo yawusize, Litagwa lyo Muwaha Mulungu lilumbwe!”

Luka 23:34

Yesu yakatya, “Baba, wuwanenele, hambi nha si wamanyile yono wakwituma. Hanyuma wakagawana vivwalo vyakwe mu nzila yo kutowa kula.”

2 Wakolinto 2:11

ho cilece kumupela Setani cilejeho co kucikonjela, hambi u wuhile wakwe nha ciwumanyile vyono winha.

2 Wakolinto 2:7

Alu yono yisigaye ku lubavu lwenyu, yinojeye anye mumunenele munhu yuyo, kanyhi mumusindamice, ho yalece kucila muno kuwa no wukalale no kutukuwika mutima wakwe.

Filemoni 1:15

Lunji Onesimo yawuka kwako so cidaha cidodo du, ho wusume kuwezana nayo kanyhi mu myaka yose.

1 Samwili 1:19

I mitondo yaco, Elikana hamonga na we mhuga yakwe, wakelawa kwinuka hakali mitondo muno. Nawo wali weza kukondya kumuhemba Muwaha Mulungu, hodu wakawa, kuwuya kwawo ku Lama. Nayo Elikana yakamumanya Hana mugolece wakwe. Nayo Muwaha Mulungu yakawupitula wulombe wakwe.