Mwamulizo 45:2 - Luganuzi Luswanu Kuli Wanhu Wose 2002

² Yusufu yakalila kwa yizi yiwaha muno, sunga ne Wamisili wakamuhulika vyono yalilaga, sunga ne mhuga yose ya Falawo, wose wamuhulika vyono yalilaga.

Mwamulizo 45:2 ပူးပေါင်းရင်းမြစ်များ

Mwamulizo 42:24

Hodu Yusufu yakawaleka yakatela cidaha hadodo, yakawa kwanza kulila. Nayo yali yeza kunyamala no kutula, yakawuya kanyhi kuli wene, yakawa kwanza kuduwana nawo. Hanyuma yakawa kumwibata Simiyoni yakawa kumuwopa ne zipingu ha mwande ye meso gawo.

Mwamulizo 43:30

Hodu Yusufu yakawa kuwuka musunho hanhu baho, hambi mahozi nha galengalengaga mu meso gakwe ku soko ye cisukwa co mwanakwawe Benyamini. Yakawa kwinjila mu cumba cakwe yakalila muno.

Mwamulizo 45:14

Hanyuma Yusufu, yakawa kumukumbatila mwanakwawe Benyamini akuno yakulila, nayo Benyamini yakalila muno, akuno vyo wekumbatiye du.

Mwamulizo 45:15

Yusufu yakajendelela kulila du akuno yakuwakumbatila wawahaze no kuwanonela muno, hanyuma nhondo, wawahaze ho wakawa kwanza kuduwana nayo.

Mwamulizo 46:29

Nayo Yusufu yakasola ligali lyakwe, yakawa kubita kumuhinjiliza sogwe Isilayeli kuko ku Gosheni. Nayo Yusufu yali yeza kumuwona sogwe, yakamukumbatila akuno yakulila sunga yidaha likabita.

2 Watemi 20:3

“Gwe go Muwaha Mulungu, wukumbucile nha vyono, ane nakwitumamila ko wihuwilwa ne cogopo, na mu vilo vyose, nghawa kuhidimbala kwituma zo wuhile wako.” Hezekiya yali yeza kudumya wulombe wakwe, hodu yakanza kulila ko wusungu wuwaha muno muno.

Zakaliya 12:10

Kanyhi nowamemya Muhe wo lusungu no Muhe wo wulombe, wose we ndelo ya Dawudi, hamonga ne wanhu wose wa Yelusalemi. Nawo womulanga no kumulilila u munhu mono wamuwulaga, kanyhi womulilila cililo kotya nha wakumukalila u mwana we ciwene. Wolila ko wusungu wuwaha wowa kotya nha wono wamwajilize mwana wawo we ciwene hamba u mwana wawo umulongozi kulelwa.

Wuwale 14:1

Ne wanhu wakajendelela kulila ko wusungu wuwaha muno, cilo cose.

Metumo ge Watumwa 20:37

Wose wakalila muno, wakamukumbatila Pawulo mu singo, wakamunonela.

Lutu 1:9

No Muwaha Mulungu yamutazenyi, mutolwe kanyhi mutuje nyumba.” Baho Nawomi yakawa kuwanonela no kuwelaga. Ninga wene wakanza kulila.