Mwamulizo 42:9 - Luganuzi Luswanu Kuli Wanhu Wose 2002

⁹ Nayo Yusufu yakazikumbucila zindoto zakwe ze katali zono yawalotela wawahaze, hodu yakawa kuwatya, “Ane nghuwona anye muli watandizi, muza kuyilanga yisi yetu vyono yinha no wuciwa wayo.”

Mwamulizo 42:9 ပူးပေါင်းရင်းမြစ်များ

Mwamulizo 37:11

Ale wanduguze wakamuwonela wivu, ninga u sogo yawo Yakobo, yakajendelela kuyihwesa muno nghani yiyo.

Mwamulizo 42:16

Holeka mumutumaje muyenyu monga, yabite yakamulete yuyo u mwanakwawenyu mudodo Benyamini, na wono wosigala, wowikwa mu jela wawe walindiye. Baho langa i mbeka ye zinghani zenyu, ho yomanyika. Na hono mulece kunoza nhavivyo, ale, nghwilahiza mwi'tagwa lya Falawo, vyono anye mbeka muli watandizi.”

Mwamulizo 42:34

Hanyuma mumulete kono kwangu yuyo mwanakwawenyu mudodo Benyamini, baho langa hono manya vyono anye mbeka si muli watandizi yaye, langa muli wehuwilwa. Na hono mwitume nhavivyo, ale, nane nomukombolelenyi muyenyu, nanye mokombolwa munoze wusuluza mono yisi yiyi.’ ”

2 Samwili 10:3

i walongola we Waamoni wakamulonjela mutemi Hanuni wakatya, “Gwe mutemi, wukwihwesa wuswanu wo sogo wo wulecile Dawudi yawatume wanhu wawa waze wakusinyhimice? Aa, ng'o, hamba hadodo! Langa mwene kawatuma ho waze waligoze likaya, ho yacisume.”

Wutuluce 32:35

Muwaha Mulungu yakawagumilila matamwa mabi muno muno, ku soko vyono wamudindimiza Haluni, yawanozeze yiyilya ndama ya zahabu.

Wuwale 13:2

“Ale wuhagule walongola monga monga, mu wulawa mu milango yose yikumi na myejete ye Waisilayeli. Wuwatume wabite nha watandizi, wakayilanje yisi ya Kanani vyono yinha, yisi yono nghuwapela i Waisilayeli.”

Luka 20:20

Holeka wakawa wakulondola-londola cilejeho cono cikwiliye. Wakawafupa wanhu wanji, wenoze nha wanhu waswanu, wakawa kuwatuma wabite wamugwizize Yesu mu wulonje wakwe, ho wasume kumwibata no kumutegula ku wawaha we Selekali.

Wahebelaniya 11:31

Na so wihuwilo, Lahabu mono yali musenyha, si yajililana hamonga na awalya wono wamubeza Mulungu, ku soko vyono yawacemela ko mulamu awalya i watandizi.

Yoshuwa 2:1

Baho Yoshuwa mwana wa Nuni, yakawatuma watandizi wejete ku wulawilila baho ha nghambi ya Shitimu, ho wabite cinyele wakayitandile yisi ya Kanani, na ko muno likaya lya Yeliko. Nawo wali weza kufika mwi 'kaya, wakenjila mu nyumba yo mucekulu musenyha, mono yacemwaga Lahabu, wakagona baho.

Yoshuwa 6:23

Hobaho wakenjila no kumuleta Lahabu kudeha, hamonga no sogwe, no nyina, ne wanduguze wose, wa mu mhuga yakwe. Wakawasola wose, Lahabu ne mhuga yakwe yose, hamonga ne wetumami wawo wose, wakawawika wapolile behi ne nghambi ye Waisilayeli.

Walamuzi 1:24

Wakamuwona munhu wa cilume mono yalawililaga mwi'kaya, wakamuwuza wakatya, “Wucilajilaje nzila yo kwinjilila mwi'kaya, nase si cokutendela vibi yaye.”

1 Samwili 26:4

hodu mwene yakawa kuwatuma wapelelezi, nawo wakawona vyono mbeka Sawuli yali baho.