Mwamulizo 42:6 - Luganuzi Luswanu Kuli Wanhu Wose 2002

⁶ Na mwidaha lilyo, Yusufu yali yo muwaha kuko ku Misili. Mweneco yo yawaguzizaga wuhemba wanhu wose ku wulawa mu yinze yose. Ale i wawahaze nawo wakaza, wakamufugamila Yusufu.

Mwamulizo 42:6 ပူးပေါင်းရင်းမြစ်များ

Mwamulizo 18:2

Nayo yali yeza kwinula i meso gakwe, yakawawona wanhu wadatu wemile. Nayo yali yeza kuwawona, yakamangha mbela mbela, yakabita kuwabocela. Yakafugama ha mwande yawo, yakenama sunga no wusu wakwe wukapamiza ho hasi, yakatya,

Mwamulizo 19:1

I wamalayika wa walya wejete, lono waziza ku Sodoma, nayo Loti mwi'daha lilyo yali yekaye he'lango lye likaya lya Sodoma. Nayo Loti yali yeza kuwawona, yakenuka yakawahinjiliza, yakagundama u wusu wakwe ko kuwalamusa,

Mwamulizo 33:3

Ninga mwene Yakobo yakawalongolela wose, yakawa yakujenda akuno yakwinama ho hasi, sunga nghanghulo mupunghati, sunga yakasejelela behi no muwahawe Esawu.

Mwamulizo 41:43

Falawo yakawa kumuwika mucanyha ye ligali lyakwe lye kejete, lyono lyali kukwegwa ne zifwalasi, ne walanjilizi wakalongola ku mwande ya Yusufu, akuno wakuzoza wakutya, “Ale, mufugame wose!” Ale du, Falawo yakamupela Yusufu wulajilize wuwaha muno mu yisi yose ya Misili.

Mwamulizo 41:54

Yikawa kwanza i myaka ye lizala, nha vyono yali yalonjile Yusufu ha mwamulizo. Ne zisi zinji zose nazo, nhavivyo, zikenjililwa na nzala mbaha muno. Ninga yisi yose ya Misili du, yo yikawa yina ndigwa.

Mwamulizo 41:57

Hamonga na zizo, wanhu wakalawa mbavu zose ze yinze, wakaza ku Misili kuli Yusufu kuhemela wuhemba, hambi lizala nha lyali litandaye lulo mu yinze yose.

Mwamulizo 44:14

Nayo Yuda hamonga ne wayagwe wali weza kufika ku kaya kwa Yusufu, nayo Yusufu yali yakali yali mu kaya, hodu, wakawa kumwinamila.

Mwamulizo 45:26

Nawo wali weza kufika, wakawa kumulonjela sogo yawo wakutya, “Gwe baba, Yusufu kumbe yakali mumi! Mwene kanyhi yo muwaha mu yisi yose ya Misili!” Nayo sogo yawo baho yali yeza kuzihulika zizo, yakazimuka muno, hambi nha si yasuma kuzihuwila zinghani zawo lwa kamonga.

Mwamulizo 45:8

Holeka 'nye wawaha zangu, yo si nyenye mono mwandeta ku kuno, langa Mulungu yo yandeta. Nayo Mulungu yakanoza nghawa nha sogwe ya Falawo, nghawa yo nene mulanjilizi wa vyose vya mu nyumba yakwe, kanyhi yo nene mutemi we yisi yose ya Misili.

Mwamulizo 48:12

Ale, Yusufu yakawa kuwawusa wanagwe ha mafugamilo go sogwe, hanyuma mwene yakenama ho hasi.

Zimbazi 11:26

Wanhu wamulijitaga munhu mono kahundikaga wuhemba, yalindiye yatuje wuguzi wuswanu. Ninga wamukumyaga mono kawaguzizaga wuhemba.

Isaya 60:14

Ne wana we cilume we wanhu wose wono wekalaga wakumwiwonelenyi, wolomuzizenyi nyenye, wamwinamilenyi ha mwande yenyu, wakulajila ze cogopo cawo kuli'nye. Sunga na wa walya wose wono wekalaga wakumubedegalenyi, wolokuza wafugame ha mwande yenyu. Nawo wolomucemenyi watye, ‘Likaya lyo Muwaha Mulungu,’ ‘Sayuni, likaya lyo Mulungu mono yelile wa Isilayeli.’ ”

Metumo ge Watumwa 7:10

Yamuponya mu magayo gakwe gose. U Mulungu yakamupela lihewa ne mahala hali Falawo u mutemi wa Misili, sunga Falawo yakamuwika yawe muwaha mu yisi yiyilya, sunga na mu nyumba yakwe yo wutemi.

Wugubule 3:9

Alu wuhulicize! Nokuletela wanhu we lipuga lya Setani, wanhu wono weyitezaga Wayahudi, kumbe ho walambi. Alu wawo nowaleta kuli'gwe wakufugamile hamwande yako, ho wamanye vyono ane mbeka nghwendile agwe.

1 Samwili 20:41

Na lono yu yulya muzelelo yali yakondya kuwuka, nayo Dawudi ho yakawa kuwuka ku mhilimo ye lilundo lye mabwe, yakafugama, yakagundama sunga wusu wakwe wukapamiza ho hasi nghanghulo yidatu. Hanyuma wose Yonazani na Dawudi, wakanza kulila akuno wakwinonela. Dawudi yakawa yena wusungu wuwaha muno mu nhumbula yakwe kuciza no wusungu wa Yonazani.