Mwamulizo 41:8 - Luganuzi Luswanu Kuli Wanhu Wose 2002

⁸ Wali weza kwela hakali mitondo, Falawo yali yazinguce muno muno. Ale, yakawa kulajiliza i waganga wose na we mahala wose wa mu yisi ya Misili waze kuli mwene. Nawo wali weza kuza, Falawo yakawalonjela ze zindoto zakwe, ninga hasina hamba monga mono yasuma kumuloloseza Falawo nhunizo ye zindoto zizo.

Mwamulizo 41:8 ပူးပေါင်းရင်းမြစ်များ

Mwamulizo 40:6

Nayo Yusufu yali yeza kubita hakali mitondo kuwawona, yakawagana wose vyono wejete wasina nyemo hamba nhavi.

Mwamulizo 40:8

Nawo wakamupitula wakatya, “Ase cilota ndoto, na hasina baha hamba munhu monga mono yakusuma kuciloloseza nhunizo ya zizo zindoto zetu.” Nayo Yusufu yakawatya, “Ninga mumanye vyono yo Mulungu du mono kaletaga wusume wo kulolosa zindoto. Ale ta nonjelenyi zindoto zenyu.”

Mwamulizo 41:15

Nayo Falawo yakamulonjela Yusufu yakatya, “Ane ndota ndoto, ninga hasina hamba munhu monga mono yasumile kundoloseza nhunizo yayo. Nane hulika zo lukumyo lwako, nha vyono agwe hono wulonjelwe ndoto hamba yiwe vyono yinha, kosuma du kuyilolosa nhunizo yayo.”

Mwamulizo 41:24

Alu, gagalya i maso mupunghati masisili, gakawa kugamela i maso gagalya go mupunghati gono gena zimhece. Nane nghawa kuwalonjela waganga ze zindoto zangu zizo, ninga hasina hamba monga muli wene mono yasuma kundoloseza nhunizo yayo.”

Mwamulizo 41:7

Gago i maso go mupunghati gono gali gagandile, gakagamela i maso go mupunghati gono gali maswanu, kanyhi gena mhece nyinji. Ninga Falawo yali yeza kusinhuka mu zinhongo, yakatanga vyono zali ndoto du.

Zabuli 25:14

U Muwaha Mulungu, yawendile wose wono wakumuhulika, nayo kawamanyizaga ze cilagane cakwe nhondo zose.

Wutuluce 7:11

Nayo mutemi yakawa kuwacema wanhu we mahala, ne wahawi, hamonga ne waganga. Nawo ko wuganga wawo, wakanoza nhavivyo.

Wutuluce 7:22

I waganga wa mu Misili nawo, wakanoza nha vivyo no wuganga wawo. Na ku soko yiyo, nhondo mutemi Falawo ho yakacila muno muno kuwa mukamu ku wuhulice. Yikawa nhavivilya du vyono Muwaha Mulungu yali yalonga. U mutemi yakalemela lukulu kuwahulika Musa na Haluni.

Wutuluce 8:7

Ninga nawo waganga wakanoza nhavivyo no wuganga wawo, nawo wakagalavya madelu menji, nago gakamema mu yisi yose.

Wutuluce 9:11

Ne waganga hamba si wasuma kanyhi yaye kwima hali Musa, hambi wose nha wali wavimbile mapu gose, nha vyono wali wavimbile Wamisili wose.

Isaya 19:3

Nowudumuciza wuhile we mahweso ge Wamisili, nolihodanga ne lihala lyawo. Nawo wolondola wutazi kuli vihwani vyawo, wokwitoweleza visangu mu waganga, wowuza mahweso kuli myuhe ye wafu.

Isaya 29:14

Ninga nane nowatowa nhinicizo kali kenji. Na muli wanhu wawo we mahala, wolelepa, nawo wasugu, no wusugu wawo wowa wa bwete du.”

Isaya 8:19

Ninga hono wanhu watye, mubite mu waganga muketoweleze visangu, na kuli wahawi wono wapwepwaga, wakulonga ne lizi yidodo. Wamutyeni “I wanhu yiwanojeye wawuze zinghani zawo kuli wafu ku soko ye womi.”

Danyeli 1:20

Na muli nghani yo yose yo wizuce, yono mutemi yayiwuzaga, hamba nghani nghamu, wawa i wane, wakejela wo wena wizuce kali kumi kuciza waganga ne wahawi wa mu wutemi wakwe wose.

Danyeli 4:18

Baho mutemi Nebukadineza yakamutya Beliteshaza, “Ayino yo ndoto yono ndotile. Holeka lu Beliteshaza, wundolosezaje nhunizo ye ndoto yiyi. Hambi nha hasina yunji wa muli we mahala wa mu wutemi wangu, mono yasumile kundoloseza. Ninga agwe, kosuma kundoloseza, vyono muhe we milungu yono yelile yili muli gwegwe.”

Danyeli 4:19

Muli yiyo, Danyeli mono kanyhi yacemwaga Beliteshaza, yali yeza kuzihulika zizo, baho yakakangawala, yakanyamala cipango cidodo. Mutemi yakamulonjela yakamutya, “Beliteshaza, wulece kukangawala so ndoto yiyi hamonga ne nhunizo yayo.” Beliteshaza yakapitula yakamutya, “Gwe mutemi, ane nghwenda ndoto yiyi ne nhunizo yayo, yeze yili muli walugu wako yilece kuwa kuli'gwe.

Danyeli 4:5

Na lono nali ngonile, nghalota ndoto, na mumo mu ndoto yangu, nghawona wugubulilwe wo kogofya muno.

Danyeli 4:6

Nghawa kuwalajiliza we mahala wose wa mu Babiloni, waze ho wandoloseze ze nhunizo ye ndoto yiyo.

Danyeli 4:7

Ale, i watowa visangu, ne wahawi, na we mahala go wizuce we zinyelezi, wakaletwa hali 'ne. Nane nghawaloloseza ze ndoto yangu, ninga hamba siwasuma kuyilolosa nhunizo yayo yaye.

Danyeli 5:11

Hambi mu wutemi wako, nha mo yuli munhu yunji, mono yali hamonga ne myuhe ye milungu yono yelile. Lono u sogo mutemi Nebukadineza yali yatemile, munhu yuyo yalajila yihala yiswanu lyo wutanje, no wizuce ne mahweso, nha vyono milungu yikuwa kulajilwa. Lulo mutemi Nebukadineza u sogo, yakamunoza yawe yo muwaha we watowa visangu wose, ne wahawi, hamonga ne walotezi, na we mahala go wizuce we zinyelezi.

Danyeli 7:28

Awu wo mudumo we nghani yiyi. Ne nghani yiyi yikanyogofya muno, sunga no wusu wangu wukawa wusina nyemo. Ninga nghani yiyo, nghayiwika mu nhumbula yangu.

Danyeli 8:27

Nane Danyeli, nghakalala muno so zizo, nghatamwa no kutamwa vilo vinji muno. Nali neza kutuga ciba, nhondo ho nghawa kubita kuwituma mulimo wangu wono mutemi yali yamhelile niwe kuwituma. Ninga hamba nhavivyo, nghawizina muno wugubulilwe wuwo, nane si nasuma hamba kuwizuka yaye.

Walawi 19:31

“Mulece kuwabitila we macisi, hamba i wahawi, no kulondola wutazi kuli wene. Hambi hono munoze zizo, nha mowa mweza wavufywe. Ane yo nene Muwaha Mulungu wenyu.

Walawi 20:6

“Hono munhu wo wose yabite kuli we macisi, hamba kuli wahawi, kulondola wutazi kuli wene, nane nomwizila, hamba si nomuwaliliza kanyhi hamonga ne wanhu wangu.

Habakuki 3:16

Nane nghuzihulika zizi zose, kuno nghucicima, no mulomo wangu wuleceye wukucicima so woga. No muwili wangu wose wanyong'onyela, sunga ne magulu gangu nhondo, gakucicima lono nimile. Ninga ne, nolindila du nhulile, sunga lizuwa lize lyono Mulungu kolowalipiciza wose wono wakuwa kucihoma.

Matayo 2:1

Yesu yalelelwa mwi'kaya lya Betelehemu ya ku Yudiya, mu vilo vya Helode, lono yali yakali yatemile. Na lono Yesu yali yakondya kulelwa, we mahala go wizuce we zinyelezi, wakaza ku Yelusalemi lwa kamonga, wakulawa kucilima,

Metumo ge Watumwa 17:18

Na wanji wono wali webate mejizo ge Waepikuliyo ne Wasitoyiko, wakewanganila nayo. Wanji wakatya “Alu yakusaka kulonga cici yuyu Cilomo?” Na vyono Pawulo yaganulaga za Yesu na zo wuzuce, wanji wakatya, “Yikwijela kotya mono yakuganula ze milungu mijenzi.”

Metumo ge Watumwa 7:22

Musa yakafundwa zinghani zose ze mahala ge Wamisili, yakawa yali vilungo mu zinghani na mu milimo yakwe.

1 Wakolinto 1:19

Hambi i Mandiko Gono Gelile nha gakulonga gakutya, “Nogahodanga i mahala ga we mahala, Kanyhi nowuwembula no wizuce wa wono wasomile.”

1 Samwili 6:2

I Wafilisiti wakawacema i wakohani ne waganga, wakawawuza wakutya, “Alu 'nye, cilitendele wule Lisandukulu lye Cilagane lyo Muwaha Mulungu? Na hono cende, ciligomole kono lyalawilila, coligomole hamonga ne cinhuci?”