Mwamulizo 41:7 - Luganuzi Luswanu Kuli Wanhu Wose 2002

⁷ Gago i maso go mupunghati gono gali gagandile, gakagamela i maso go mupunghati gono gali maswanu, kanyhi gena mhece nyinji. Ninga Falawo yali yeza kusinhuka mu zinhongo, yakatanga vyono zali ndoto du.

Mwamulizo 41:7 ပူးပေါင်းရင်းမြစ်များ

Mwamulizo 20:3

Ninga Mulungu yakamubitila Abimeleki ne cilo mu ndoto, yakamutya, “Langa ta, agwe lu kofwa, ku soko yo kumusola yuyo mucekulu, hambi nha mugolece wa munhu yunji.”

Mwamulizo 37:5

Mwizuwa linji ne cilo, Yusufu yakalota ndoto, nayo yali yeza kuwalonjela wawahaze, oho! Wene nhondo ho wakacila kumusula muno muno.

Mwamulizo 41:6

Na hanyuma ya zizo, maso ganji kanyhi gali mupunghati, nago gakacindika mu nyuma yayo, gono masisili, kanyhi gagugumiye so mbeho ya kucilima.

Mwamulizo 41:8

Wali weza kwela hakali mitondo, Falawo yali yazinguce muno muno. Ale, yakawa kulajiliza i waganga wose na we mahala wose wa mu yisi ya Misili waze kuli mwene. Nawo wali weza kuza, Falawo yakawalonjela ze zindoto zakwe, ninga hasina hamba monga mono yasuma kumuloloseza Falawo nhunizo ye zindoto zizo.

1 Watemi 3:15

Solomona nhondo yakawa kusinhuka mu zinhongo, ninga yakamanya nha vyono, Mulungu kalonganila nayo mu zindoto. Hodu, yakawa kubita ku Yelusalemi, yakema ha mwande ye Lisanduku lye Cilagane, yakamulavizya Muwaha Mulungu vilavywa vinyanywe, hamonga ne vilavywa vyo mulamu. Hanyuma ya zizo, yakawanozeza sikukuu mbaha ya ndigwa i wetumami wakwe.