Mwamulizo 41:6 - Luganuzi Luswanu Kuli Wanhu Wose 2002

⁶ Na hanyuma ya zizo, maso ganji kanyhi gali mupunghati, nago gakacindika mu nyuma yayo, gono masisili, kanyhi gagugumiye so mbeho ya kucilima.

Mwamulizo 41:6 ပူးပေါင်းရင်းမြစ်များ

Mwamulizo 41:23

Na mu nyuma yayo, gawa kwijela kanyhi maso ganji mupunghati, gono gagugumiye gasina mhece, masisili, kanyhi ganyalile ku so mbeho ya mu nyika.

Mwamulizo 41:5

Nayo yali yeza kugona kanyhi, yakalota kanyhi lwe kejete. Na mu wulote wakwe, yawona maso mupunghati mawaha, maswanu, gakucindika mwi'sina limonga.

Mwamulizo 41:7

Gago i maso go mupunghati gono gali gagandile, gakagamela i maso go mupunghati gono gali maswanu, kanyhi gena mhece nyinji. Ninga Falawo yali yeza kusinhuka mu zinhongo, yakatanga vyono zali ndoto du.

Ezekiyeli 17:10

Heya, mbeka, muzabibu wakondya kuhadikwa, ninga wule, wojendelela kuwiluka hongo? Hamba si wosuma kunyazwa ne mbeho ya kucilima kolo yeza kuwuputa? Hamba lunji kunyalila baho hono ho wuli, hono wukuwilucila?”

Ezekiyeli 19:12

Ninga so likuwo, wukakulwa hamonga ne milela yayo, wukagwiswa hasi. Ne mbeho ya kucilima, yikayinyaza mikalo yayo. Ne manhambi gayo, gakabenanjika gose, gakanyala, gakapembelwa mu moto.

Hoseya 12:1

“Nghani zose zono Waisilayeli wakwituma, cilawa hakali mitondo, sunga cinyamihe, zisina cambuzi, kanyhi za wuhodanji du. Wukoci hamonga ne metumo go wu wula lusungu, gakonjelezeka muno muli wene. Wakulagana ne wanhu wa Ashuli no kusuluza hamonga ne Wamisili.”

Hoseya 13:15

Nayo Isilayeli, hamba yawe yaficile nhe mabalwe, ane noleta mbeho ya kucilima kulawa mu nyika yono yili moto, nayo yonyaza mivwilo yawo ye malenga, hamonga ne masima. Nayo yolovipemhelusa vinhu vyose vyono vikwendeza.

Yona 4:8

Yikawa lizuwa lyali lyeza kuwalika, Mulungu yakawa kutegula mbeho ya kucilima yono yina livuce liwaha muno, na Yona yakawa kuzilika so wukali we lizuwa, lyono lyali lyamutowa muno mu mutwe wakwe. Holeka yakawona ciba hono yafwe. Yakawa kutya, “Ciba hono nifwe si nha kwikala mumi.”