Mwamulizo 41:54 - Luganuzi Luswanu Kuli Wanhu Wose 2002

⁵⁴ Yikawa kwanza i myaka ye lizala, nha vyono yali yalonjile Yusufu ha mwamulizo. Ne zisi zinji zose nazo, nhavivyo, zikenjililwa na nzala mbaha muno. Ninga yisi yose ya Misili du, yo yikawa yina ndigwa.

Mwamulizo 41:54 ပူးပေါင်းရင်းမြစ်များ

Mwamulizo 41:27

Ng'ombe mupunghati zizilya zono zigandile, zono zazityatya azilya zono zijinile, ne maso gagalya mupunghati gono gapuluywe, ganyalile so mbeho ya mu nyika, nhunizo yayo, yo myaka mupunghati ye lizala.

Mwamulizo 41:30

Ninga hanyuma yayo, yokuza myaka mupunghati yono yolowa nzala, yono yonoza wanhu wasemwele lukulu ciguto. Ne nzala yiyo yoyongomezeza lukulu yisi yiyi.

Mwamulizo 41:53

Ale, myaka yiyilya ye ciguto mu yisi ya Misili, yikapuluta.

Mwamulizo 42:2

Ane hulika vyono kuko ku Misili kowuli wuhemba. Ale bitenyi kuko, mukacihemelele wuhemba, lizala lilece kuciwulaga.”

Mwamulizo 43:1

Ne nzala nayo yikacila muno kuwa mbaha mu yisi ya Kanani.

Mwamulizo 45:11

Nagwe kolo weza kuwa wuli kuko ku Gosheni, nane nokudima, hamonga ne mhuga yako yose, hamonga ne zimitugo zako, ho mulece kufwa ne lizala, hambi nha yikali myaka yinji mihano ye lizala yono yikuza.’ ”

Mwamulizo 47:13

Zindigwa zikajililila lukulu mu yisi yose ya Misili. Nzala yikawa mbaha muno muno, sunga wanhu wose wanya Misili, sunga na wanya ku Kanani wose, wakaganda muno muno so nzala.

2 Watemi 8:1

Ninga Elisha yali yakondya kumulonjela u mucekulu munya Shunemu, munghalo mwana mono mwene Elisha yamuzukula, nha vyono, Muwaha Mulungu koleta nzala mbaha mu yisi, yono yosola myaka mupunghati ho yipulute. Holeka Elisha yakamusugula yuyo mucekulu, nha vyono yinojeye mwene hamonga ne mhuga yakwe yose, wawuce baho wabite wakekale kunji.

Zabuli 105:16

Mulungu yakayiletela nzala yisi yawo, yakayihodanga ndigwa yawo yose.

Metumo ge Watumwa 7:11

Yikagwa nzala mu yisi yose ya Misili na Kanani, nayo yikaleta wugaye wuwaha muno muno, ne wakuku zetu hamba si wasuma kutuga ndigwa yo yose.