Mwamulizo 41:41 - Luganuzi Luswanu Kuli Wanhu Wose 2002

⁴¹ Holeka ku wulawa lulu, nakondya kukuwika gwegwe wuwe muwaha mu yisi yose ya Misili!”

Mwamulizo 41:41 ပူးပေါင်းရင်းမြစ်များ

Mwamulizo 39:22

Nayo u mulanjilizi we jela, yakamuwika Yusufu yawe mulanjilizi we wafungwa wose mumo mu jela, na zose zono zetumwaga mumo, zetumilwaga mu wulajilize wakwe Yusufu.

Mwamulizo 39:5

Na ku wulawa lono Potifa yamunoza Yusufu yo yawe mulanjilizi we nyumba yakwe yose, kanyhi yawe mulanjilizi we sawo yakwe yose, Muwaha Mulungu, yakayilugutiza muno kaya yiyo ya yuyo Mumisili, ku soko ya Yusufu. Muwaha Mulungu, yakavilugutiza vinhu vyose vyono yali yena navyo Potifa, mu kaya yakwe hamba ku mugunda.

Mwamulizo 41:44

Hamonga na zizo, Falawo yakamulonjela Yusufu yakatya, “Ane nene Falawo nghulavya wulajilize, nghutya nhavi, hono si wukomboye gwegwe, munhu wo wose yalece kwinula muwoko wakwe hamba mugulu wakwe mu'si yose ya Misili.”

Mwamulizo 42:6

Na mwidaha lilyo, Yusufu yali yo muwaha kuko ku Misili. Mweneco yo yawaguzizaga wuhemba wanhu wose ku wulawa mu yinze yose. Ale i wawahaze nawo wakaza, wakamufugamila Yusufu.

Mwamulizo 45:8

Holeka 'nye wawaha zangu, yo si nyenye mono mwandeta ku kuno, langa Mulungu yo yandeta. Nayo Mulungu yakanoza nghawa nha sogwe ya Falawo, nghawa yo nene mulanjilizi wa vyose vya mu nyumba yakwe, kanyhi yo nene mutemi we yisi yose ya Misili.

Esita 10:3

Hambi Moledekayi u Muyahudi, nha yo yali we kejete mu wulongola ku wulawilila ko mutemi Ahasuwelo. Nayo Moledekayi yakawa yena lilumbo yiwaha muno, kanyhi yakawa yendezwe mwipuga lyose lye Wayahudi wayagwe. Nayo yakawatendela viswanu muno wanhu wakwe, no kulonga zo mulamu kuli zo lulelo lwawo lwose.

Zabuli 105:21

Yakawa kumunoza yawe, muwaha mu wutemi wakwe wose, kanyhi yawe yo mulanjilizi, muwaha we sawo yakwe yose,

Zimbazi 17:2

U mwitumami mono ketumaga no wulula, komutema no mwana wo mutwawe mono si kazicelelelaga yaye. Kanyhi kohala ne lifungu lyakwe.

Zimbazi 22:29

Wundajilaje ta, u munhu mono ketumaga milimo viswanu, nane nokulajila munhu mono ketumaga viswanu kuciza. Nayo yena ne lilumbo lyo kusuma kwimana ne watemi.

Muganuzi 4:14

Ku soko kuli mwene hamba yawe yali yalawiliye mu jela, nalu yatema, hamba yawe yali yaleleywe mu wuciwa, nalu yawa mutemi, ayo si nghani yaye.

Danyeli 2:48

Hobaho yakamuwika Danyeli yawe muwaha mwi'tumbi lya Babiloni, no kumuhumbiliza vipegwa viswanu. Kanyhi yakamuwika yawe yo muwaha muli we mahala wa mu wutemi wakwe.

Danyeli 6:3

Danyeli yakalajila witumami wuswanu kuciza wawaha wayagwe, hamonga ne walongola. Na vyono yalajila milimo miswanu kuciza wayagwe, ku soko yiyo, mutemi yakawona viswanu yamunoze yawe yo muwaha mu wutemi wakwe wose.

Matayo 28:18

Nayo Yesu yakaza sunga behi nawo, yakawatya, “Ane mhegwa u wulajilize wose, wa ku wulanga, sunga na wa kono'nze.

Metumo ge Watumwa 7:10

Yamuponya mu magayo gakwe gose. U Mulungu yakamupela lihewa ne mahala hali Falawo u mutemi wa Misili, sunga Falawo yakamuwika yawe muwaha mu yisi yiyilya, sunga na mu nyumba yakwe yo wutemi.