Mwamulizo 41:1 - Luganuzi Luswanu Kuli Wanhu Wose 2002

¹ Kukawa yali yeza kupuluta myaka myejete, Falawo nayo yakalota ndoto, yakalota yemile ha nyenje ye likolongo lya Nile.

Mwamulizo 41:1 ပူးပေါင်းရင်းမြစ်များ

Mwamulizo 20:3

Ninga Mulungu yakamubitila Abimeleki ne cilo mu ndoto, yakamutya, “Langa ta, agwe lu kofwa, ku soko yo kumusola yuyo mucekulu, hambi nha mugolece wa munhu yunji.”

Mwamulizo 28:12

Na lono yali yali mu nhongo, yakalota ndoto, na mu wulote wakwe, yakawona ngazi 'simye mono'nze, ne cisonje cayo cificile ko ku wulanga. Ne wamalayika wo Mulungu wakolaga mu ngazi yiyo, wakubita kucanyha no kutima hasi.

Mwamulizo 29:14

Nayo Labani yakawa kumutya, “Mbeka, agwe wuli 'fupa lyangu ne sakami yangu!” Nayo Yakobo vikekalana na Labani u lumbulye wo nyina yipango lya mwezi monga.

Mwamulizo 31:21

Ale du, Yakobo yakawa kuzisola zisawo zakwe zose, yakawa kutoloka. Nayo yali yeza kulowoka likolongo lya Efulata, yakawa kubita ku Gileyadi, mu yisi ye matunda.

Mwamulizo 40:23

Ninga hamba nhavivyo, ayulya u mulanjilizi muwaha we ving'wegwa, yakawa kumusemwa Yusufu, hamba si yamukumbucila yaye.

Mwamulizo 40:5

Ikawa mwi'zuwa linji mumo mu jela, wawo wafungwa wejete, mulanjilizi muwaha we ving'wegwa na yuyulya muteleci muwaha we mikate wo mutemi wa Misili, wakalota ndoto munhu na ndoto yakwe, ne zindoto zose zikawa na nhunizo zono zisimajiye.

Mwamulizo 41:2

Na lono yali yemile baho, yakawona ng'ombe zili mupunghati zijinile kanyhi swanu muno, zikulawilila mwi'kolongo, zikulya mahanze.

Esita 6:1

Mu cilo cicilya, mutemi hamba si yagona nhongo yaye, hobaho yakalajiliza wawaha wose wa mu yisi yakwe, hamonga ne vitung'ati wose wa mu wutemi wakwe, wamuletele citabu ce mandiko ge zinghani zamu yisi yakwe, ho mitondo yaco wayisome ha mwande yakwe.

Wutuluce 1:22

Nayo Falawo yakawalajiliza wanhu wakwe yakawatya, “Mwana we cilume wowose we Cihebelaniya mono kolelwa, mumutagaje mwi'kolongo lya Nile, langa i wana we cicekulu, muwalekaje mulece kuwawulaga.”

Wutuluce 4:9

Ninga yiwezaga lunji so mapoto gagano gose vyono mejete, walece hamba kukwihuwila, na hono walemele lukulu kuzihulika zono wukuwalonjela, ale, wuneje malenga madodo ga mwi'kolongo lya Nile, wugamwaje hasi. Nago malenga gago, gohunduka kamonga baho hasi gawe sakami.”

Isaya 19:5

Ne likolongo lye Nile, malenga golocepuka, ne likolongo lyolojendelela kunyala mhola mhola.

Ezekiyeli 29:3

Wumulonjele nha vyono u Muwaha Mulungu yakumulonjela zizi u mutemi we yisi ya Misili, yakutya, ‘Ane nili mulugu wako, agwe go lizoka liwaha, mono wugonile mugati ye likolongo. Mono wukwiyitya nha vyono likolongo lya Nile lyako, na vyono ati yo gwegwe mono walinoza.

Ezekiyeli 29:9

Nayo Misili, yolosigala yili bwete du musina cinji. Nagwe go yisi ya Misili, baho ho wulamanyila vyono ane yo nene Muwaha Mulungu. “Hambi agwe nha wali kutya, likolongo lye Nile lyako, ati kanyhi yo gwegwe mono walinoza.

Matayo 27:19

Nayo Pilato lono yali yekala mwigoda lyakwe lyo wuling'anizi u mugolece wakwe yakamutegulila nghani, yakutya, “Wayiko, wulecele lukulu kwiyinjiza mu zinghani zo munhu yuyu muswanu, ku soko no muyago, izuwali ngazika muno muno mu ndoto, ku soko yakwe.”

Wukumbucize wo Wulajilize 11:10

Ne yisi yiyo yono moyisola no kwikala mumo, si yinha yisi ya Misili yaye, yono mwekalaga katali, yisi yono mwahadikaga zimbeyu, hanyuma kanyhi muwa kutuga mulimo muwaha wo kuzimwajilila malenga mu migunda yenyu.