Mwamulizo 40:8 - Luganuzi Luswanu Kuli Wanhu Wose 2002

⁸ Nawo wakamupitula wakatya, “Ase cilota ndoto, na hasina baha hamba munhu monga mono yakusuma kuciloloseza nhunizo ya zizo zindoto zetu.” Nayo Yusufu yakawatya, “Ninga mumanye vyono yo Mulungu du mono kaletaga wusume wo kulolosa zindoto. Ale ta nonjelenyi zindoto zenyu.”

Mwamulizo 40:8 ပူးပေါင်းရင်းမြစ်များ

Mwamulizo 40:9

Nayo mulanjilizi muwaha we ving'wegwa wo Mutemi, yakamuloloseza Yusufu ze ndoto yakwe, yakatya, “Ane mu wulote wangu, nghawona muzabibu ha mwande yangu,

Mwamulizo 41:25

Nayo Yusufu yakamutya Falawo, “Ndoto zako zose vyono nyejete, zina nhunizo monga du. Mulungu kakugubulila zono kozinoza mu vilo vivi.

Jobu 33:23

Na yumonga wa muli wamalayika maelufu wo Mulungu, lunji kokuza yamutaze, mono kawakumbucizaga wanhu zono ziwanojeye wetume.

Zabuli 25:14

U Muwaha Mulungu, yawendile wose wono wakumuhulika, nayo kawamanyizaga ze cilagane cakwe nhondo zose.

Isaya 8:19

Ninga hono wanhu watye, mubite mu waganga muketoweleze visangu, na kuli wahawi wono wapwepwaga, wakulonga ne lizi yidodo. Wamutyeni “I wanhu yiwanojeye wawuze zinghani zawo kuli wafu ku soko ye womi.”

Danyeli 2:11

Holeka cono wukuwuza Gwe mutemi, co cinhu cikamu muno muno, cono hasina munhu mono kosuma kukunozeza, langa milungu du, nayo lu, ho siyikalaga muli wanhu.”

Danyeli 2:27

Danyeli yakapitula yakatya, “Gwe mutemi, hasina muhawi, hamba mutowa cisangu, hamba we mahala go wizuce we zinyelezi, mono kosuma kuzilolosa zizi.

Danyeli 2:28

Langa Mulungu du wa ku wulanga, mono kagubulaga zono hundikwe no kuzilajila calinze. Alu kakulajila Gwe go mutemi zono zokwijelela agwe ku mwande. Holeka nokuloloseza ze ndoto hamonga no wugubulilwe wono wapegwa lono wali wugonile.

Danyeli 2:3

yakawatya, “Ane nina mahwele ne ndoto yono ndotile zuwali, alu nghusaka manye nhunizo yayo.”

Danyeli 2:47

Mutemi yakatya, “Mbeka Mulungu wako yo Muwaha muli milungu yose. Yo Muwaha Mulungu muli watemi, yo mwene kagubulaga calinze zono hundikwe. Alu nakondya kuzimanya zizi, hambi nha wakondya kundoloseza nghani yiyi yono yali hundikwe.”

Danyeli 4:8

Lulo lulo Danyeli yakawa kuza, (mono yakucemwa Beliteshaza, litagwa lyo mulungu wangu.) Kanyhi muli mwene wikaye muhe we milungu yono yelile. Nane hobaho nghamuloloseza ze ndoto yangu yono nghalota. Nghamutya,

Danyeli 5:16

Alu nahulika vyono agwe wukusuma kuzimanya zinghani zono hundikwe, sunga no kuzilolosa zifumbo. Alu, hono wusome mandiko aga, no kundoloseza nhunizo yayo, kovwalizwa myenda ye citemi-temi yono miswanu, ne kanzo ye liwala lyo lugandu, kanyhi kovwalizwa no luvumbe lwe lilumbo mu singo yako. Nagwe kowa yo we kadatu muli wono wena wulajilize mu wutemi.”

Amosi 3:7

U Muwaha siketumaga cinji co cose lono siyawagubuliye wetumami wakwe wawizi.