Mwamulizo 40:5 - Luganuzi Luswanu Kuli Wanhu Wose 2002

⁵ Ikawa mwi'zuwa linji mumo mu jela, wawo wafungwa wejete, mulanjilizi muwaha we ving'wegwa na yuyulya muteleci muwaha we mikate wo mutemi wa Misili, wakalota ndoto munhu na ndoto yakwe, ne zindoto zose zikawa na nhunizo zono zisimajiye.

Mwamulizo 40:5 ပူးပေါင်းရင်းမြစ်များ

Mwamulizo 20:3

Ninga Mulungu yakamubitila Abimeleki ne cilo mu ndoto, yakamutya, “Langa ta, agwe lu kofwa, ku soko yo kumusola yuyo mucekulu, hambi nha mugolece wa munhu yunji.”

Mwamulizo 40:1

Kukawa hanyuma ya zizi, mulanjilizi muwaha we ving'wegwa, hamonga no muteleci muwaha we mikate wo mutemi wa Misili, wamusutizya muwaha wawo, mutemi wa Misili.

Mwamulizo 40:4

Nayo muwaha we cipuga ce walindilizi, yakamuhagula Yusufu, yo yawetumamile. Nawo wakawa mumo mu jela kwa vilo vilo.

Mwamulizo 40:6

Nayo Yusufu yali yeza kubita hakali mitondo kuwawona, yakawagana wose vyono wejete wasina nyemo hamba nhavi.

Mwamulizo 40:8

Nawo wakamupitula wakatya, “Ase cilota ndoto, na hasina baha hamba munhu monga mono yakusuma kuciloloseza nhunizo ya zizo zindoto zetu.” Nayo Yusufu yakawatya, “Ninga mumanye vyono yo Mulungu du mono kaletaga wusume wo kulolosa zindoto. Ale ta nonjelenyi zindoto zenyu.”

Mwamulizo 41:11

Na mwi'zuwa linji ne cilo, ase calota ndoto, munhu na ndoto yakwe, yono yina nhunizo yono yisimajiye ne ndoto yo muyagwe.

Esita 6:1

Mu cilo cicilya, mutemi hamba si yagona nhongo yaye, hobaho yakalajiliza wawaha wose wa mu yisi yakwe, hamonga ne vitung'ati wose wa mu wutemi wakwe, wamuletele citabu ce mandiko ge zinghani zamu yisi yakwe, ho mitondo yaco wayisome ha mwande yakwe.

Danyeli 4:19

Muli yiyo, Danyeli mono kanyhi yacemwaga Beliteshaza, yali yeza kuzihulika zizo, baho yakakangawala, yakanyamala cipango cidodo. Mutemi yakamulonjela yakamutya, “Beliteshaza, wulece kukangawala so ndoto yiyi hamonga ne nhunizo yayo.” Beliteshaza yakapitula yakamutya, “Gwe mutemi, ane nghwenda ndoto yiyi ne nhunizo yayo, yeze yili muli walugu wako yilece kuwa kuli'gwe.

Danyeli 4:5

Na lono nali ngonile, nghalota ndoto, na mumo mu ndoto yangu, nghawona wugubulilwe wo kogofya muno.

Danyeli 4:9

“Gwe Beliteshaza go muwaha we watowa visangu, ane manyile vyono u muhe we milungu yono yelile yili muli 'gwe, na vyono kanyhi, wuzimanyile na zono zihundicigwe zose. Alu ayi yo ndoto yangu yono ndotile, nane nghusaka wunonjele nhunizo yayo.”

Wuwale 12:6

Muwaha Mulungu yakawatya, “Alu, muhulice ta zono nghumulonjelenyi! Hono ho wali wawizi muli'nye, ane yo nene mono nghwilajila kuli wene mu nzila yo wugubulilwe, kanyhi nghulonganila nawo mu zindoto.