Mwamulizo 4:8 - Luganuzi Luswanu Kuli Wanhu Wose 2002

⁸ Hanyuma yayo, Kayini yakamulonjela u mwanakwawe Habeli yakatya, “Gwe mwanakwetu, ale cibite cikatembele mu mawimbi.” Nawo lono wali wali kuko mu mawimbi, hodu Kayini yakawa kumuhungucila u mwanakwawe Habeli, yakawa kumuwulaga.

Mwamulizo 4:8 ပူးပေါင်းရင်းမြစ်များ

Mwamulizo 4:25

Adamu na Hawa, wakalela mwana yunji wa cilume. Nayo Hawa yakatya, “U Mulungu kamhela mwana yunji, kahaliziza ha Habeli mono yawulagwa na Kayini.”

2 Samwili 14:6

nane lu nali nina wana we cilume wejete. Na mwi'zuwa linji wakagombana weneco wose mu migunda, i hanhu hono hakawa hasina hamba munhu yunji wo wose wo kuwalamulila. Na yumonga yakawa kumuwulaga muyagwe.

2 Samwili 3:27

Abineli yali yeza kufika du ku Hebuloni, hodu Yowabu yakawa kumukwejela ha mhelo ye lilango lye likaya, yakawa kwinoza nha kotya yakusaka kulongana nayo cinyele, baho yakawa kumuhoma munda, yakawa kufwa. Abineli yawulagwa na Yowabu, vyono Abineli yamuwulaga Asaheli u nduguye wa Yowabu.

2 Zinghomo 21:4

Baho Yeholamu wutemi wakwe wali weza kutuga vilungo, hodu, yakawa kuwawulaga i wanduguze wose, hamonga ne wetumami wanji we Ciisilayeli.

Nehemiya 6:2

Baho Sanibalati hamonga na Geshemu, wakandetela baluwa, yono yasakaga citang'anile nawo, mu vikaya vya mwi'tumbi lya Ono. Ninga awu, wali wulambi du, hambi nha wasakaga ho wakanyongomeze.

Jobu 11:15

Hanyuma ho kosuma kwidoma ne yinze wukamile, wusina nhumbula nyoga.

Zabuli 139:19

Yali yiwe yili ciba le go Mulungu, hono wali wuwawulaje wawo i wabi! Yali yiwe yili ciba, wawulaji wawo hono wali wambucile.

Zabuli 36:3

Mwene kalongaga nghani za wavu zose kanyhi za wulambi, yaleka ku witumamila mahala no kwituma ziswanu.

Zabuli 55:21

Ne zinghani zakwe zitelemeye, si nhe tilazi, ninga nhumbula yakwe, ayo yisulumilaga wulugu du. Nghani zakwe zili telele zinha mafuta, ninga, zitemaga kotya mumaje mukali.

Hoseya 4:2

Wakunoza cilagane no kucibena, kanyhi wakulamba, no kuwulaga, wakuhiza no kwituma zo wusenyha. Wubena wulajilize, nawo wukonjezeka, na ko wuli wuwulaji ako na ako.

Mika 7:6

Na mu vilo vivyo, i wana wolowa kuwatendela wasogo zawo nha wanhu wono wasina mahala, nawo i wana we cicekulu, wakwiwanganila ne wanyina zawo. Ne wahinza wono watoligwe, nawo wakugombana ne wakwe zawo we cicekulu. Hambi i walugu wo munhu, nha wo wawo wa mu kaya yakwe mweneco.

Wuwale 35:20

“Na hono munhu yawe yamusulile muyagwe, ho yamuwulaje mu nzila yo kumubamiliza hasi, hamba lunji mu nzila yo kumutowa na cinhu cinji,

Matayo 23:35

Na mu nzila yiyo, u wuhoswe wose ho womuzizenyi, ku soko ye sakami yose ye wanhu waswanu, yono yamwajika mu muhangha. Heya ku wulawa ha wuwulagwe wa Zekaliya, u mwana wa Balakiya mono mwamuwulajila mu Nyumba yo Mulungu haciligati ya Hono Helile ne cikumbicilo.

Luka 11:51

ndawililo sakami ya Habeli sunga sakami ya Zekaliya, mono yawulajilwa haciligati ye cikumbicilo ne hanhu hono helile; heya nghumutyenyi 'nye, vyono u lulelo lulu lololipicizwa ku soko ye metumo mabi.

Luka 22:48

Ninga Yesu yakamutya, “Yuda, alo wukumugaluka Mwana wo Munhu ko wunonele hongo?”

Wahebelaniya 11:4

So wihuwilo, Habeli yamulavizya u Mulungu likumbiko lyono lyali yiswanu muno licizize lya Kayini. Na so wihuwilo wakwe yavumilwa no Mulungu nha munhu we ling'ani; u Mulungu mweneco yavivumila i vilavywa vyakwe. Na so wihuwilo wakwe, hamba yawe yakondya kufwa, ninga yakali yakulonga.

Wahebelaniya 12:24

Muficile kuli Yesu u munoza i Cilagane, Cipya mono i sakami yakwe yamwajika yikulonga ziswanu muno si nha ya Habeli.

Yuda 1:11

Woyi he! Iwanhu wawo wakugatyatya i metumo ga Kayini. Nawo weyinjiza mu masutya ga Balamu ku soko ya wenda pesa. Wakondya kuwa wabezi kotya Kola vyono yali mubezi, wakondya kongomezwa nha vyono Kola yongomezwa.