Mwamulizo 4:6 - Luganuzi Luswanu Kuli Wanhu Wose 2002

⁶ U Muwaha Mulungu yakawa kumutya Kayini, “Kayini, alu nhawule wakolwa ne likuwo, sunga no wusu wako wukununghaye nhavivyo?

Mwamulizo 4:6 ပူးပေါင်းရင်းမြစ်များ

Mwamulizo 4:7

Alu, wule, si yili mbeka vyono nagwe wali wuvumilwe nhavivyo, hono wali witume viswanu? Ninga alu vyono witumile vibi, holeka u wubi wehwana lilimu, wikaye ha mulango wako wukukusulumila wukuhawanje, ninga yikunojeye agwe wuwusumize.”

Jobu 5:2

Holeka wumanye, vyono mahwele gawulagaga wanhu ko wusungu, na yowa nghani ya wulele, kanyhi cowa cinhu ca wulele ku witumwe.

Isaya 1:18

Alu Muwaha Mulungu yakutya nhavi, “Ale, muze cilongane cizimale. Vyono hamba masutya genyu gawe madunghu ninga ane nomukwemenyi muwe wazelu swee nha seluji. Hamba gawe madunghu kasu, gowa mazelu swee, nho wukunzeje we ngholo nzelu.

Yelemiya 2:31

Nye nyo wanhu wa Isilayeli, muhulicize ta zono nghulonga ye. Mwene ane, nha cinji nehwana nhe nyika hongo kuli'nye, hamba naweza nha wutitu kuli'nye, ne yisi ye zimbali? Alu nhawulenyi mukutya mokwituma nha vyono mwendile nyenye, si mowuyila lukulu kuli'ne kanyhi ng'o?

Yelemiya 2:5

U Muwaha Mulungu yakutya nhavi, “Alu i walezi wenyu wambona nina lisutyaci? Hamba nghani yono yikaleka wene wakundeka 'ne? Hambi wene nha wakahemba vihwani viseswe vyono visina cambuzi, na weneco wakawa wasina cambuzi.

Yona 4:4

Muwaha Mulungu yakamupitula Yona yakamutya, “Alu mwene wukwihwesa vyono, hono wukukolwa likuwo wukunoza viswanu?”

Yona 4:9

Ninga Muwaha Mulungu yakamutya, “Alo nhawule wukucikalalila cilimwa?” Yona yakapitula yakatya, “Heya, ane nina soko yono yikuleka nghukolwa likuwo, sunga nifwe!”

Matayo 20:15

Alo wukwihwesa ane sina ling'ani yo kwitumila i sawo yangu nha vyono nendile no mweneco? Hamba wukuwona wivu vyono ane nili muswanu?’ ”