Mwamulizo 4:5 - Luganuzi Luswanu Kuli Wanhu Wose 2002

⁵ Ninga u Mulungu siyendezwa hamba hadodo na Kayini, hamonga ne vilavywa vyakwe. Hodu, nayo Kayini yali yeza kuziwona zizo, yakawa kukolwa ne likuwo muno muno, no wusu wakwe wukakununghala muno muno, ku soko ya lilyo likuwo lyakwe.

Mwamulizo 4:5 ပူးပေါင်းရင်းမြစ်များ

Mwamulizo 31:2

Nayo Yakobo, yakawona vyono sunga na Labani mweneco, yeza si yakumucelelela nha ha lulongozi.

Mwamulizo 31:5

yakawatya, “Nye wagolece zangu, ane nghuwona vyono sogo yenyu, alu yeza si yakunyhelelela nha vyono yanyhelelelaga ha lulongozi. Ninga Mulungu wa baba Isaka, yali hamonga nane.

Mwamulizo 39:19

Nayo Potifa yali yeza kuzihulika zizo ko mugolece wakwe vyono, “Nhavivino vyo yali kusaka kunhendela u muwanda wako.” Potifa yakakolwa muno muno ne likuwo.

Jobu 15:13

Ninga wumanye, vyono wukumukolelwa likuwo Mulungu, kanyhi no kumuhosa.

Jobu 5:2

Holeka wumanye, vyono mahwele gawulagaga wanhu ko wusungu, na yowa nghani ya wulele, kanyhi cowa cinhu ca wulele ku witumwe.

Zabuli 20:3

Yagakumbucile makumbiko gako gose, yalibocele ne likumbiko lyako linyanywe.

Zimbazi 19:3

Wanhu wanji nawo, weyihodangaga mu mikalile yawo weneco, so metumo gawo go wulele, na hanyuma, wawa kumuhosa Muwaha Mulungu.

Zimbazi 29:10

I wanhu wono wendile wuwulaji, wamusulaga u munhu we ling'ani. Ninga we ling'ani wowucitila wumi wo munhu we liwala lilyo.

Muganuzi 4:4

Kanyhi ngheyijiza vyono kumbe wuhidimbazi wose wo munhu, hamonga no wunghula wakwe wose wa mu witume wakwe, vilawililaga mu wiwonela wivu munhu na muyagwe. Ninga yiyo nayo yo nghani ya bwete du, hambi nha yinha wikataze we bwete du.

Isaya 3:9

No wuhijila-mbejele wawo, wukuwa kuwahomelela weneco. Sunga no wubi wawo, nha wuli calinze, nha vyono wanhu wa Sodoma wetuma. Holeka wokongomezwa, no wongomezwe wuwo, weletela weneco.

Wuwale 16:15

Hobaho nayo Musa yakawa kukolwa ne likuwo, yakawa kumulonjela Muwaha Mulungu yakutya, “Gwe go Muwaha Mulungu, wulecele lukulu kubocela cilavywa ce liwala lyolyose lyono wanhu wawano wokuletela. Ane nghali si namusutizya yunji wowose wa muli wene. Nane nghali si nasola hamba ndogowe yawo monga.”

Matayo 20:15

Alo wukwihwesa ane sina ling'ani yo kwitumila i sawo yangu nha vyono nendile no mweneco? Hamba wukuwona wivu vyono ane nili muswanu?’ ”

Metumo ge Watumwa 13:45

Ninga Wayahudi waza kuwuwona winji we wanhu, wakawona wivu, wakazibedula zinghani zono Pawulo yalongaga, kanyhi wakamutovula.

Wahebelaniya 11:4

So wihuwilo, Habeli yamulavizya u Mulungu likumbiko lyono lyali yiswanu muno licizize lya Kayini. Na so wihuwilo wakwe yavumilwa no Mulungu nha munhu we ling'ani; u Mulungu mweneco yavivumila i vilavywa vyakwe. Na so wihuwilo wakwe, hamba yawe yakondya kufwa, ninga yakali yakulonga.

Yuda 1:11

Woyi he! Iwanhu wawo wakugatyatya i metumo ga Kayini. Nawo weyinjiza mu masutya ga Balamu ku soko ya wenda pesa. Wakondya kuwa wabezi kotya Kola vyono yali mubezi, wakondya kongomezwa nha vyono Kola yongomezwa.

1 Samwili 16:7

Ninga Muwaha Mulungu yakamutya, “Gwe Samwili, wulece kulanga wutali wakwe no wuswanu wakwe we mumbwa. Ane namulema, hambi ane nha si nghulanga nha vyono wanhu walangaga. Hambi munhu nha kalangaga za kunze du yo muwili, ninga ane nangaga nhumbula.”