Mwamulizo 4:14 - Luganuzi Luswanu Kuli Wanhu Wose 2002

¹⁴ Alu lanje ta, waminga ane i hanhu hono howuli muhangha wono wina moso, kanyhi sunga na ha mwande yako. Holeka nane ku wulawa lulu, nowa munhu mono nowa kwanga du ako na ako, na kanyhi nowa sina wikalo wono wuluwucile mono'nze, holeka u munhu wo wose du mono kombona, kosuma kumbulaga.”

Mwamulizo 4:14 ပူးပေါင်းရင်းမြစ်များ

Mwamulizo 3:24

Nayo u Muwaha Mulungu yali yeza kukondya kumulavyaniza kunze ye mugunda, hodu, yakawa kuviwika viwumbwa vyono vikucemwa makelubi ku lubavu lwa kucilima yo mugunda wa Adeni, hamonga no mumaje wo moto, wono wupitukaga kose kose, so kuyikaliza inzila yono yibitile ku mubici wo wumi.

Mwamulizo 4:13

Kayini nayo yakamupitula u Mulungu yakatya, “U wulipicizwe wangu nha wuwaha muno, mu nghango yono hamba sinosuma kuwudinghula.

2 Samwili 14:7

Alu muwaha! Iwandugu zangu wose nha wasula, wakusaka niwapele u mwanangu we cilume yuyo mono yasigaye, nawo wamuwulaje vyono mwene kamuwulaga mwanakwawe. Na hono wanoze nhavivi, hodu ane nokwikala sina mwana we cilume. Nawo wowuwusa witumbilo wangu, hambi nha wowa wamuleka mulume wangu yasina mwana we cilume mono kosuma kulijendeleza kanyhi litagwa lyakwe mono'nze.”

Zabuli 109:10

I wanagwe nawo wangalime, kanyhi wawe welombelezi, kanyhi wawinjilizwe, mu matongo ge zikaya zawo!

Zabuli 109:12

Kanyhi halece kuwa na munhu wo wose, mono komuwonela lusungu, hamba mono kowalanjilila, i wanagwe wono weza wasina walezi!

Zabuli 143:7

Gwe go Muwaha Mulungu wumhitule mbela, hambi nha natimba muno mu nhumbula yangu. Wulece kuwa kutali nane, ho ndece kwihwana na awalya, wono wakubita ku yisi ye wafu.

Zimbazi 14:32

I wanhu wabi, weletelaga lifwa weneco ku soko yo wubi wawo. Ninga i wanhu waswanu, wena witumbilo sunga ko ku wufwe wawo.

Zimbazi 28:1

Nawo i wabi, watizaga wakumangha, na hono hasina munhu wo wose mono yakuwawinga. Ninga u munhu we ling'ani, yapetuce yenha simba.

Isaya 8:22

hamba woyilanga yisi yose, ninga hamba si wowona cinji, langa wowona wugaye, no wutitu. No wutitu wuwo wukogofya muno, nawo mumo mo wogumilwa.

Yelemiya 52:3

Nayo u Muwaha Mulungu, yakawakolelwa muno likuwo i wanhu wa Yelusalemi na Yuda, hobaho yakawa kuwawusa walece kuwa ha mwande ye meso gakwe. Zedekiya yakalemela lukulu kumuhulika Nebukadineza u mutemi wa Babiloni.

Hoseya 13:3

Holeka wanhu awa wokwajilila nhe nghungulyosi lya hakali mitondo, nhe buhe yono yikunyala musunho. Wowa kotya mawaje gono gapemheluswaga ne civulavumbi mu cuga. Kanyhi kotya lyosi lyono likulawa ha mafigwa.

Walawi 26:17

Nane nomulecenyi, walugu wenyu wamusumizenyi, na wono wakumusulenyi, wo wolotema muli'nye. Nanye molokogofywa muno muno, sunga muwe manghanga caka, na lono hasina munhu mono yakumuwinjenyi.

Walawi 26:36

Nawo wayenyu wono wosigala, nowapela woga wuwaha muno, u woga wono wowanoza, hamba wahulice lizi lye mbeho du yikuputa lihamha, hodu wene wowa kutiza du. Nanye mowa kumangha nha munhu mono yakuwingwa ku wulugu, mogwa caka sunga na hono hasina mulugu mono yali behi nanye.

Wuwale 35:19

No nduguye wa mono yawulagwe, yuyo yo kowa yanojeye yamuwulaje munhu yuyo u muwulaji. Nayo yamuwulaje du kolo vikwitang'anila nayo.

Wuwale 35:21

hamba lunji yamutowanje na funzi, ale, munhu yuyo kowalwa vyono muwulaji, nayo yanojeye yawulagwe. No nduguye wa mono yawulagwe, yuyo yo kowa yanojeye yamuwulaje munhu yuyo u muwulaji. Nayo yamuwulagaje du kolo vikwitang'anila nayo.

Wuwale 35:27

na hono munya nduguye mono yawulagwe yamuwone mumo mwihala, yamuwulaje, ale wilipicize wuwo si wowa wuwulaji yaye.

Matayo 25:41

“Ale, baho ho kowalonjela na awalya wono wali ku lubavu lwakwe lo kucekulu yawe kutya, ‘Ale, mbucilenyi anye mono mwalijitwa! Bitenyi mu moto we cibitilila wono wawicilwa Setani ne wamalayika wakwe.

Matayo 25:46

Holeka iwanhu wawa, wolotegulwa ku wulipicizwe we cibitilila, ninga awalya waswanu, awo wopegwa u wumi we cibitilila.”

Wukumbucize wo Wulajilize 28:64

“Nayo Muwaha Mulungu kolomwiyagazizenyi mu makungugo gose, ku wulawilila ndumo ayi ye yinze, sunga ko ku ndumo nzagwe kanyhi ye yinze. Na kuko, molowa kuhemba milungu miseswe ye mabici na ye mabwe, i milungu yono nyenye weneco hamba ne walezi wenyu mukali hamba nayihemba.

Wukumbucize wo Wulajilize 28:65

Kanyhi si molowona mulamu hamba hadodo hanhu ho hose, hamba si molowa na hanhu ho hose hono molotya henyu nyo weneco. Nayo Muwaha Mulungu kolomumemyenyi mahwele no wu wula witumbilo, hamonga no wutukuwika mutima.

2 Watesalonike 1:9

No wulipicizwe wawo, wolowa wajilile we cibitilila, no kutemanulilwa lukulu no lukumyo lwakwe luwaha,