Mwamulizo 4:11 - Luganuzi Luswanu Kuli Wanhu Wose 2002

¹¹ Alu agwe Kayini, hodu kulijitwa! Holeka sikosuma kujendelela kuwulima muhangha wuwuno wo moso, wono wahamuye u mulomo wayo, no kuying'wa i sakami yo mwanakwenyu Habeli, mono wumuwulaje gwegwe.

Mwamulizo 4:11 ပူးပေါင်းရင်းမြစ်များ

Mwamulizo 3:14

Holeka u Muwaha Mulungu yakawa kumitya i nzoka, “Ku soko ye nghani yiyi yono wunozize, wakondya kulijitwa si nhe vilimu vyose vyono vikuwa kufugwa, kanyhi si nhe vilimu vyose vya mu mbago. Kanyhi ku wulawa lulu, kowa kujendela'nda, na kanyhi kowa kwikala wukubwiga manghundi du mu vilo vyako vyose vyo wikale wako.

Mwamulizo 4:14

Alu lanje ta, waminga ane i hanhu hono howuli muhangha wono wina moso, kanyhi sunga na ha mwande yako. Holeka nane ku wulawa lulu, nowa munhu mono nowa kwanga du ako na ako, na kanyhi nowa sina wikalo wono wuluwucile mono'nze, holeka u munhu wo wose du mono kombona, kosuma kumbulaga.”

Mwamulizo 5:29

No mwana yuyo, Lameci yakamucemela litagwa lya Noha, akuno yakutya, “U mwana yuyuno, yo kocisindamika mu milimo yetu mizito, yono cetuma kwe miwoko yetu, mono yisi yiyino yono u Mulungu yayilijita.”

Jobu 16:18

“Gwe go yinze, wulece kuhundicila i zimbi zono netuma!

Isaya 26:21

Hambi Muwaha Mulungu nha yakuza yakulawa ku wulanga ku wikalo wakwe, ho yawalipicize wanhu we yinze ku soko yo wubi wawo. No wuwulaji wose wono wetumwaga cinyele mono'nze, wose wololajilwa cagalanze. Ne yinze nayo, hamba si yolowahundika yaye wose wono wawulagwa.

Wagalatiya 3:10

Holeka wose wono wetumbiye kufisiliza za mu Wulajilize du, wali mu wulijitwe, hambi i Mandiko Gono Gelile nha gakutya, “Muli wose mono si yakwibata no kufisiliza zose zono zandikwe mu citabu co Wulajilize, mulijitwe.”

Wugubule 12:16

Ninga yinze yikamutaza mucekulu yuyo, yinze yikadiguka no kwahama nha mulomo, yikagamela malenga gago gose gono galawa mu mulomo we lizoka lilyo.