Mwamulizo 4:1 - Luganuzi Luswanu Kuli Wanhu Wose 2002

¹ Nayo Adamu yakamumanya u mugolece wakwe Hawa, yakatuga 'nda, yakamulela Kayini. Nayo Hawa yakatya, “Ane namutuga mwana we cilume ko wutazi wo Muwaha Mulungu.”

Mwamulizo 4:1 ပူးပေါင်းရင်းမြစ်များ

Mwamulizo 3:15

Nane nowika wisule hagati yako no mucekulu yuyu, na hagati yo lulelo lwako no lulelo lwakwe, wowa wali wulugu. Lolokutijinha u mutwe, nagwe kolomuluma mu cising'anilo.”

Mwamulizo 3:24

Nayo u Muwaha Mulungu yali yeza kukondya kumulavyaniza kunze ye mugunda, hodu, yakawa kuviwika viwumbwa vyono vikucemwa makelubi ku lubavu lwa kucilima yo mugunda wa Adeni, hamonga no mumaje wo moto, wono wupitukaga kose kose, so kuyikaliza inzila yono yibitile ku mubici wo wumi.

Mwamulizo 4:2

Hanyuma kanyhi yakawa kumulela Habeli mwanakwawe. Habeli yali mudima ngholo, na Kayini nayo yali mulimi wa mugunda.

Mwamulizo 4:25

Adamu na Hawa, wakalela mwana yunji wa cilume. Nayo Hawa yakatya, “U Mulungu kamhela mwana yunji, kahaliziza ha Habeli mono yawulagwa na Kayini.”

Mwamulizo 5:29

No mwana yuyo, Lameci yakamucemela litagwa lya Noha, akuno yakutya, “U mwana yuyuno, yo kocisindamika mu milimo yetu mizito, yono cetuma kwe miwoko yetu, mono yisi yiyino yono u Mulungu yayilijita.”

Zabuli 127:3

I wana co cipegwa, cono Muwaha Mulungu kacipelaga nawo, co cipegwa cakwe kuli 'se.

Wuwale 31:17

Holeka luno, muwawulagaje i wacekulu wose hamonga ne wazelelo wose wono wakondya kuzimanya zinghani ze ligona.

1 Yohana 3:12

Cilece kuwa nha Kayini mono yatongwa na ayulya u Mubi, yakawa kumuwulaga u mwanakwawe. Na ku sokoci yamuwulaga? Ku soko i metumo gakwe gali mabi, ninga i metumo go mwanakwawe gali maswanu!