Mwamulizo 39:9 - Luganuzi Luswanu Kuli Wanhu Wose 2002

⁹ Na mono kaya yi yino hasina kanyhi yunji muwaha mono yanyhizize ane. Kanyhi mulume wako yakali hamba nanemeza cinhu co cose, langa yanemeze gwegwe du, vyono agwe yo gwegwe mugolece wakwe. Holeka alu, ho nosuma wule kuwituma wubi wuwaha wono winha wuwo, nimusutizye Mulungu?”

Mwamulizo 39:9 ပူးပေါင်းရင်းမြစ်များ

Mwamulizo 13:13

Ale, i wanhu wa kuko ku Sodoma, wali wanhu wabi muno, kanyhi wali wahodanji wawaha hali Mulungu.

Mwamulizo 20:3

Ninga Mulungu yakamubitila Abimeleki ne cilo mu ndoto, yakamutya, “Langa ta, agwe lu kofwa, ku soko yo kumusola yuyo mucekulu, hambi nha mugolece wa munhu yunji.”

Mwamulizo 20:6

Nayo Mulungu yakamulonjela Abimeleki mu ndoto yakatya, “Ale, heya viswanu! Nane manyile nha vyono wayituma nghani yiyi ko mutima muzelu, ane nane nha yo nene mono nghwimiye ho wulece kwituma wubi kuli'ne, holeka singhukomboye ho wugone no mucekulu yuyu.

Mwamulizo 20:9

Nayo Abimeleki yakamucema Abulahamu, yakamuwuza yakatya, “Alu Abulahamu, ho kucitendela vye wule? Alu ane nghusutizya cici, sunga kuwa kundetela zimbali zizino hamonga no wutemi wangu? Mbeka kunhendela nghani zono si zikwiliye hamba hadodo.”

Mwamulizo 24:2

Hodu, Abulahamu yakamulonjela u mwitumami wakwe, mono yali yo mukombi si nha wetumami wakwe wose, kanyhi yali yo mukamisa zisawo zakwe zose, yakamutya, “Ale wuwicilaje muwoko wako haciligati ye vima vyangu,

Mwamulizo 39:10

Ninga hamba yiwe nhavivyo, u mucekulu yuyo, yajendelela kumukwejeleza Yusufu kali kenji, ho vigone nayo, ninga Yusufu hamba siyalumbila lukulu vigone nayo, hamba kuduwana duwana nayo du bwete.

Mwamulizo 41:40

Alu yo gwegwe du mono koyilanjilila yisi yangu, ne wanhu wangu wose, wowa wali hasi yo wulajilize wako. Ane yo nowa muwaha du kuciza agwe, vyono ane yo nene mono nikaye mwi'goda lyo wutemi.

Mwamulizo 42:18

Na mwi'zuwa lye kadatu, Yusufu yakawalonjela yakatya, “Alu ane vyono nimogopile Mulungu, holeka alu munoze nhavi ho musume kwikala womi.

2 Samwili 11:27

Ne vilo vye cililo vyali vyeza kupuluta, hodu Dawudi yakawa kutuma munhu yakawa kumuleta Betisheba kwi'kulu, yakawa mugolece wakwe. Nayo Betisheba yakamulelela Dawudi mwana wa cilume. Ninga Muwaha Mulungu, hamba si yendezwa ne nghani yiyi yono Dawudi yetuma.

2 Samwili 12:13

Nayo Dawudi yali yeza kuzihulika zizo, yakapitula yakatya, “Nimusutizya Muwaha Mulungu.” Natani yakapitula yakatya, “Ale hodu, Muwaha Mulungu yakondya kukunenela, nagwe hodu, hamba si kofwa yaye.

Nehemiya 5:15

Hambi mulongola wo wose, muli wono wanongolela 'ne mu wulongola nha wali muzigo muzito kuli wazenji wawo. Hambi 'nha wadayaga fweza makumi mane, kwe 'zuwa limonga so zindigwa na divayi. Sunga ne wetumami wawo nawo, wawewonelaga muno muno wanhu. Ninga ane, sinetuma nha vyono wene. Hambi ane nha nali nimogopile Mulungu.

Nehemiya 6:11

Nane namupitula nghamutya, “Ane si nili munhu mono yinojeye nhize, mbite nghehundice mu Nyumba yo Mulungu. Agwe wukwihwesa vyono nosuma kwiponya so wihundika mu Nyumba yo Mulungu? Aa ng'o. Holeka ane sinonoza nhavivyo yaye.”

Jobu 31:23

Ninga ne vyono niwogopile wulipicize wo Mulungu, holeka si nosumila lukulu kwituma zono zinha zizo.

Zabuli 51:4

Nane nghusutizya gwegwe du wuli wene, nituma zimbi hali gwegwe. Holeka lono wukuning'aniza, wukunoza viswanu, hambi nha wina ling'ani lono wukundipiciza.

Wutuluce 20:14

“Wulece kusenyha.

Zimbazi 6:29

Na mbeka ku wugona no mucekulu wo munhu yunji mo yili mbali mbaha muno. Na wo wose mono kokwituma zizo, kotuga wuhoswe.

Zimbazi 6:32

Ninga munhu mono yakusenyha, ayo yasina mahala. Hambi nha yakwihodanga mweneco du.

Muganuzi 7:26

Kanyhi ho yili nghani yinji yono nghayiwona, nghani yono 'mbi muno muno kuciza lifwa, yo nghani yo mucekulu, mono nhumbula yakwe, yikuwa kugwiza nha mutego hamba lwavu, ne miwoko yakwe yihwanile manyolo. Ninga munhu mono yamogopile Mulungu, yakuwa kumwilega u mucekulu we liwala lilyo. Ninga u munhu mubi, ayo ketegulizaga du ho yagwizwe nayo.

Yelemiya 28:16

Na ku soko yiyo, nayo u Muwaha Mulungu yakutya nha vyono, kokuwusa mono'nze. Holeka agwe kofwa mwakawu na lono mwaka wuwu wukali namalika. Ku soko vyono kuwanoza i wanhu wamubeze Muwaha Mulungu.”

Yelemiya 50:7

Nawo wakuhomwa no munhu wo wose du mono wanhu wose wono yakuwawona. I walugu wawo, nawo wakutya, ‘Hambi wene nha wamusutizya Muwaha Mulungu, holeka nase, zizi zono cikuwatendela, hamba si cikusutya yaye. Hambi i walezi wawo nha wali wamwitumbiye Muwaha Mulungu, holeka nawo yali yiwanojeye kuwa wehuwilwa kuli mwene.’ ”

Walawi 20:10

“Na hono munhu yebatwe yakusenyha no mugolece wo Mwiisilayeli muyagwe, awo wose mulume no mucekulu wanojeye wawulagwe.

Walawi 6:2

“Cilavywa, cinojeye cilavywe lono munhu yamusutizya Muwaha Mulungu, so wulema kumugomolela Mwiisilayeli muyagwe, cinhu cono yaleceywe no muyagwe nha mupinga, hamba cono yamuhizize muyagwe,

Wuwale 32:23

Ninga hono mubene wihuwizo wenyu, mbeka nghumusugulenyi, vyono, mowa mwamusutizya Muwaha Mulungu. Holeka mulecele lukulu kusutya muli yiyi, hambi hono mubene wihuwizo wenyu, nha molipicizwa ku soko yo wubi wenyu.

Luka 12:48

ninga mono si yali yamanyile yono yimonojeye yetume, nayo ketuma zono zinojeye wulipicizwe, yuyo kotowa hadodo. Mono yapejigwe vinji, vyosakwa vinji, nayo mono wamukoza vinji muno, wolosaka vinji kuciza kuli mwene.

1 Wakolinto 4:2

Na hoyili nghani monga du yono yimunojeye u munhu wo wose mono yapegwa u mulimo wuwu, nayo yoyi, yawe mwihuwilwa.

Tito 2:10

hamba kuwahiziza i vinhu vyawo. Ninga yiwanojeye walajile vyono wene waswanu, kanyhi wehuwilwa nhondo zose, ho wasume kugatujila lilumbo yiswanu i mafundo go Mulungu u Mukombozi wetu ku soko ye metumo gawo gose.

Wahebelaniya 13:4

U wutole wuweze ne cogopo kuli wanhu wose, i walume ne wacekulu yiwanojeye weze wehuwilwa kuli munhu na muyagwe. Hambi u Mulungu nha kowaling'aniza i wanhu we mikalile mibi ne wasenyha.

1 Yohana 3:9

Munhu wo wose mono yaleleywe muli Mulungu, siketumaga wubi, vyono yakondya kuwa no wuwe wa cinya Mulungu muli mwene, nayo sikosuma kwituma wubi vyono u mwene yawa mwana wo Mulungu.

Wugubule 21:8

Ninga i wanhu woga, na wono si wehuwiye, na wono wena metumo ge cikomaza, ne wawulaji, ne wasenyha, ne wahawi, na wono wakuhemba vihwani, sunga ne walambi wose, awo wose lifungu lyawo mugati ye lilamba lyono likwaka moto ne cibiliti, alyo lye'fwa lye kejete.”

Wugubule 22:15

Ninga mabwa, ne wahawi, ne wasenyha, ne wawulaji, ne wahemba vihwani, sunga na wose wono wendile kulonga zo wulambi, wawo wose, si wokwinjilila lukulu mwi'kaya lilyo, langa wokwikala kunze du.