Mwamulizo 39:4 - Luganuzi Luswanu Kuli Wanhu Wose 2002

⁴ Na ku soko yiyo, holeka Yusufu yakavumilwa muno ha mwande ya Potifa, sunga Potifa yakamunoza Yusufu yali wene du, yo yawe mwitumami wakwe mweneco. Kanyhi yakamunoza yawe yo mulanjilizi we nyumba yakwe yose, kanyhi yo yawe mulanjilizi we sawo yakwe yose.

Mwamulizo 39:4 ပူးပေါင်းရင်းမြစ်များ

Mwamulizo 15:2

Ninga mwene Abulamu yakatya, “Gwe go Muwaha Mulungu, alu ta komhela cicici, nane kuno ho nghali sina 'mba mwana, no muhazi wangu yo yuyu du Eleyezali wa ku Damesiki?

Mwamulizo 18:3

“Nye nyo walumbwe, hono niwe natuga wuwonelwa lusungu na nyenye, ale mulece kumhulutiza, ane nili baha ho nimwitumamilenyi.

Mwamulizo 19:19

Heya yili mbeka anye mumbonela lusungu ane no mwitumami wenyu, na mbeka munhendela viswanu muno muno, so kuwuponya u wumi wangu, ninga alu kuko mu matunda nha kutali muno muno. Ku soko vyono nghulanga, u wongomezwe wuwo nha wonyagana lono nghali hamba sinafika kuko, holeka nofwa du.

Mwamulizo 24:2

Hodu, Abulahamu yakamulonjela u mwitumami wakwe, mono yali yo mukombi si nha wetumami wakwe wose, kanyhi yali yo mukamisa zisawo zakwe zose, yakamutya, “Ale wuwicilaje muwoko wako haciligati ye vima vyangu,

Mwamulizo 32:5

Nane nina ne zing'ombe, ne zindogowe, sunga ne matewa ge zingholo, hamonga ne wetumami we cilume na we cicekulu. Nane nghutumila wanhu wawa, 'gwe go mulumbwe, nitumbiye vyono nagwe kombocela.’ ”

Mwamulizo 33:10

Nayo Yakobo yakamutya Esawu, “Gwe muwaha wangu, ng'o ye! Hono wuwe mbeka wambocela, ale, nghukunena wucibocelaje ne cipegwa cono nghukupela. Na mbeka neza kuwuwona wusu wako, nha kotya niwuwona wusu wo Mulungu, mu wubocele wako wono wumboceleye. Hambi nha kumbocela ko wuswanu muno muno.

Mwamulizo 33:8

Esawu yakawuza kanyhi yakatya, “Yakobo, alu litewa lilino nalyo lyono wuzize nalyo, ma, nalyo lina nhunizoci?” Nayo Yakobo yakamupitula yakatya, “Ane nali niwikanize, ho mbone lihewa hali gwegwe muwaha wangu.”

Mwamulizo 39:8

Ninga Yusufu yakalema. Yakamulonjela yuyo mugolece wo muwaha wakwe yakatya, “Gwe yaya, wulanje ta, ku wulawa wuze wangu bahano, u mulume wako si yakwigaza na cinji co cose hono kaya, mwene yanghomboleye nene sawo yakwe yose.

1 Watemi 16:9

Hanyuma Zimuli mono yali yumonga wa wetumami wakwe, mono yali yo mulanjilizi muwaha we nusu ye matuka gose go mutemi go wulugu, yakawa no wuhile wubi kuli Ela. Na mwi'zuwa linji lono Ela yang'wezaga sunga yakagala mu kaya ya Aliza, mono yali yo mulanjilizi muwaha we likulu,

Esita 2:9

Hagayi yendezwa muno na Esita so futa yakwe swanu. Yakalamula kumudima viswanu Esita mu nzila yo kumonjeleza wuswanu wakwe. Yakamupela zindigwa ziswanu no wugono wuswanu. Yakamuhagulila wahinza wanji wali mupunghati wo kumulanjilila muli visakwa vyakwe vyose.

Zimbazi 14:35

I watemi nawo, wendezwaga ne wetumami wono wakwituma no wizuce. Ninga wakuwa kuwalipiciza wono milimo yikuwafutila.

Zimbazi 16:7

Na hono wuwe kumwendeza Muwaha Mulungu, kosuma kuwanoza ne walugu wako mwiyende nawo.

Zimbazi 17:2

U mwitumami mono ketumaga no wulula, komutema no mwana wo mutwawe mono si kazicelelelaga yaye. Kanyhi kohala ne lifungu lyakwe.

Zimbazi 22:29

Wundajilaje ta, u munhu mono ketumaga milimo viswanu, nane nokulajila munhu mono ketumaga viswanu kuciza. Nayo yena ne lilumbo lyo kusuma kwimana ne watemi.

Zimbazi 27:18

Na hono wuwukamise mukuyu wako, holeka kolya ne mana gayo. No mwitumami nayo, hono yamulanjilile viswanu muwaha wakwe, ale, nayo kotuga lilumbo.

Zimbazi 3:4

Nagwe hono witume zizo, u Mulungu hamonga ne wanhu wokwendezwa nagwe.

Metumo ge Watumwa 20:28

Mwikamisaje mo weneco, mulikamisaje na lilyo i litewa lyose, lyono u Muhe Mono Yelile yamuwicenyi anye ho mulidime. Mulidimaje ilikanisa lyo Mulungu, lyono yaligula ne sakami yo Mwanagwe.

Lutu 2:6

Mulanjilizi yakapitula yakatya, “Ayuno muhinza, mujenzi, mono yazize ku wulawa Mowabu hamonga na Nawomi.

1 Samwili 16:22

Hanyuma, Sawuli yakatuma munhu kuli Yese yakamutya, “Ane namwenda muno muno Dawudi. Holeka nghukulomba wumulece yajendelele kunyitumamila.”

1 Samwili 2:26

Nayo muzelelo Samwili, yakacila kuwiluka no kutuga wendezwe kuli Muwaha Mulungu, sunga na kuli wanhu wose.