Mwamulizo 39:3 - Luganuzi Luswanu Kuli Wanhu Wose 2002

³ Nayo muwaha wakwe, yakatanga vyono Muwaha Mulungu yali hamonga na Yusufu, na vyono Mulungu yo yakuvimotesa vyose vyono Yusufu yakuvituma.

Mwamulizo 39:3 ပူးပေါင်းရင်းမြစ်များ

Mwamulizo 21:20

U Mulungu yakajendelela kuwa na yuyo mwana, nayo mwana yakajendelela kuwiluka. Nayo yakajendelela kwikala mu nyika ya Palani, yakawa citung'ati muno mu wupelembi.

Mwamulizo 21:22

Mu vilo vivyo, Abimeleki hamonga na Fikoli, u mwana we wasilikale wakwe wo wulugu, wakamubitila Abulahamu wakamutya, “U Mulungu yali hamonga nagwe muli zose zono wukwituma.

Mwamulizo 21:23

Ale, nghukunena wunyilahizizaje hali Mulungu, lulu baha, nha vyono sikonhendela vibi, nene no mweneco, ne wanangu, hamba no lulelo lwangu. Na munghango vyono ane nali nili mwihuwilwa kuli'gwe, ale na gwegwe nha vivyo, weze wuli mwihuwilwa kuli 'ne na kuli yisi yiyi yono wikaye.”

Mwamulizo 26:24

Na mu cilo cico, u Muwaha Mulungu yakamulawila Isaka, yakamulonjela yakatya, “Ane yo nene u Mulungu wo sogo Abulahamu. Holeka wulece kogopa, hambi 'ne nha nili hamonga nagwe, nane nokulugutiza hamonga no kukwinjifya u lulelo lwako, ku soko ya Abulahamu u mwitumami wangu.”

Mwamulizo 26:28

Nawo wakamupitula wakamutya, “Ase, cakondya kuwona calinze, vyono u Mulungu yali hamonga nagwe. Holeka cihwesa vyono, yowa yili ciba ase cize ho ciyilahize, no kwilumbaniza nagwe,

Mwamulizo 30:27

Ninga Labani yakatya, “Ale, leka ta, nane nonje. Ane nakondya kugubulilwa, no kumanya, vyono Muwaha Mulungu kandugutiza ku soko yako gwegwe.

Mwamulizo 30:30

Na kanyhi wumanyile manyi manyi vyono, lono nali nghali si naza kono kwako, agwe wali wina sawo nyhefu du, ninga ku wulawilila ane nali neza kuza, lanje, sawo yako vyono yonjelezeka muno muno, no Muwaha Mulungu yali kukulugutiza ko kose kono nali kubita. Ninga hamba nhavivyo ane lu, ho noyilula nili nyumba yangu no mweneco?”

Mwamulizo 39:2

Nayo Muwaha Mulungu yakawa yali hamonga na Yusufu, yakamumotya muno muno. Nayo Yusufu yekalaga mu nyumba yo muwaha wakwe Mumisili.

Mwamulizo 39:21

Ninga Muwaha Mulungu yakawa yali hamonga na Yusufu, Mulungu yakamunoza Yusufu mu nghango yo kumupela wendezwe ha mwande yo mulanjilizi we jela.

Mwamulizo 39:23

Nayo mulanjilizi we jela, hamba si yepiganzaga na cinhu cinji co cose, cono cali cili mu wulanjilizi wa Yusufu. Hambi Muwaha Mulungu nha yali yali hamonga na Yusufu, yakuvilugutiza vyose vyono Yusufu yetumaga.

2 Watemi 18:7

Holeka nayo Muwaha Mulungu, yakawa yali hamonga nayo, nayo yakacila muno kumoteswa muli milimo yakwe yose. Yakamubeza mutemi wa Ashuli, hamba siyamwitumamila yaye.

1 Zinghomo 22:13

Na hono wibate wulajilize wose wono Muwaha Mulungu yawapelela Waisilayeli muli Musa, nagwe komoteswa. Holeka weze ne vilungo ne nhumbula ye citung'ati, wulece kogofywa na nghani yinji.

1 Zinghomo 9:20

Nayo Finehasi u mwana wa Eleyezali, Muwaha Mulungu yali yali hamonga nayo! Hambi nha yo yabitaga kuwalingula mu madaha ganji.

2 Zinghomo 1:1

Solomona u mwana wo mutemi Dawudi, yakekangaza mu wutemi wakwe. No Muwaha Mulungu, u Mulungu wakwe, yakamumotya, no kumunoza yawe ne vilungo vinji mu wutemi wakwe.

2 Zinghomo 26:5

Na mu mapango gose, lono Zekaliya yali yakali mumi, mono yamutazaga muli ze nghani yo Mulungu, Uziya yakamwitumamila Muwaha Mulungu ko wihuwilwa, na ku soko yiyo, nayo Mulungu yakamulugutiza.

Nehemiya 2:20

Nghawapitula nghatya, “Muwaha Mulungu wa ku wulanga, yo kocisumila muli zose. Ase cili wetumami wakwe, nali caza kulwanza luzengo lulu. Ninga anye nha musina igawo hamba ling'ani hamba cikumbucizo mwi'kaya lya Yelusalemi.”

Zabuli 1:3

U munhu we liwala lilyo, yehwanile mubici wono muhadikwe behi no muvwilo we malenga, wono wulelelaga mana mu madaha gayo, ne mahamha gayo hamba si ganyalaga yaye. Nayo kamoteswaga muli zose zono ketumaga.

Zakaliya 8:23

Na mu vilo vivyo, wanhu yikumi we cijenzi, wolomuziza muyahudi monga wamutye, cikulomba ciwe hamonga nanye, hambi nha cihulika vyono u Mulungu yali hamonga nanye.”

Matayo 5:16

Nha vivyo vyo yinojeye no wuzelu wenyu wumulice hali wanhu, ho wagawone imetumo genyu maswanu, nawo wamulumbe u sogo yenyu wa ku wulanga.

1 Wakolinto 16:2

Wose muli nyenye, mu vilo vyose vye jumapili, mweze kuwika siya zipesa, nha vyono yinha, munhu ha nghango ya vyono katugaga, ho halece kuwa na soko kanyhi yo kuwa no wuhangulize wunji wo wose kolo nghuza.

Wukumbucize wo Wulajilize 2:7

“Ninga mukumbucile vyono Muwaha Mulungu u Mulungu wenyu yamulugutizenyi mu milimo yenyu yose, yono mwakondya kwituma. Kanyhi na vyono yamukamisenyi lono mwapilimagapilimaga mu nyika yiyi. Na vyono yali yali hamonga nanye mu myaka yiyi makumi mane, kanyhi yakamupelenyi na vyose vyono mwasakaga.

Yoshuwa 1:9

Wukumbucile vyono, yo nene nakulajiliza wuwe ne vilungo ne nhumbula yo wutung'ati. Holeka wulece kogopa hamba kukatala, hambi ane no Muwaha, Mulungu wako, nha nowa hamonga nagwe ko kose kono kowa kubita.”

Wugubule 3:9

Alu wuhulicize! Nokuletela wanhu we lipuga lya Setani, wanhu wono weyitezaga Wayahudi, kumbe ho walambi. Alu wawo nowaleta kuli'gwe wakufugamile hamwande yako, ho wamanye vyono ane mbeka nghwendile agwe.

1 Samwili 18:14

Dawudi yaketuma viswanu muli zose zono yetumaga, hambi Muwaha Mulungu nha yali yali hamonga nayo.

1 Samwili 18:28

Baho Sawuli, ho yakamanyila lukulu vyono Muwaha Mulungu yali hamonga na Dawudi, kanyhi na vyono mwanagwe we cicekulu Mikali, yali yamwendile muno muno Dawudi.

1 Samwili 3:19

Nayo Samwili yakajendelela kuwiluka, no Muwaha Mulungu yali yali hamonga nayo. Muwaha Mulungu yakazifisiliza zose zono Samwili yazilonga.