Mwamulizo 39:2 - Luganuzi Luswanu Kuli Wanhu Wose 2002

² Nayo Muwaha Mulungu yakawa yali hamonga na Yusufu, yakamumotya muno muno. Nayo Yusufu yekalaga mu nyumba yo muwaha wakwe Mumisili.

Mwamulizo 39:2 ပူးပေါင်းရင်းမြစ်များ

Mwamulizo 21:20

U Mulungu yakajendelela kuwa na yuyo mwana, nayo mwana yakajendelela kuwiluka. Nayo yakajendelela kwikala mu nyika ya Palani, yakawa citung'ati muno mu wupelembi.

Mwamulizo 21:22

Mu vilo vivyo, Abimeleki hamonga na Fikoli, u mwana we wasilikale wakwe wo wulugu, wakamubitila Abulahamu wakamutya, “U Mulungu yali hamonga nagwe muli zose zono wukwituma.

Mwamulizo 26:24

Na mu cilo cico, u Muwaha Mulungu yakamulawila Isaka, yakamulonjela yakatya, “Ane yo nene u Mulungu wo sogo Abulahamu. Holeka wulece kogopa, hambi 'ne nha nili hamonga nagwe, nane nokulugutiza hamonga no kukwinjifya u lulelo lwako, ku soko ya Abulahamu u mwitumami wangu.”

Mwamulizo 26:28

Nawo wakamupitula wakamutya, “Ase, cakondya kuwona calinze, vyono u Mulungu yali hamonga nagwe. Holeka cihwesa vyono, yowa yili ciba ase cize ho ciyilahize, no kwilumbaniza nagwe,

Mwamulizo 28:15

Ane nowa nili hamonga nagwe, nokukamisa ko kose kono wukubita, nokugomola kanyhi mono yisi yiyi. Nane sinokulecela lukulu, sunga kolo nakondya kufisiliza u wihuwizo wono nghwihuwizize.”

Mwamulizo 39:23

Nayo mulanjilizi we jela, hamba si yepiganzaga na cinhu cinji co cose, cono cali cili mu wulanjilizi wa Yusufu. Hambi Muwaha Mulungu nha yali yali hamonga na Yusufu, yakuvilugutiza vyose vyono Yusufu yetumaga.

Mwamulizo 39:3

Nayo muwaha wakwe, yakatanga vyono Muwaha Mulungu yali hamonga na Yusufu, na vyono Mulungu yo yakuvimotesa vyose vyono Yusufu yakuvituma.

2 Watemi 18:7

Holeka nayo Muwaha Mulungu, yakawa yali hamonga nayo, nayo yakacila muno kumoteswa muli milimo yakwe yose. Yakamubeza mutemi wa Ashuli, hamba siyamwitumamila yaye.

1 Zinghomo 9:20

Nayo Finehasi u mwana wa Eleyezali, Muwaha Mulungu yali yali hamonga nayo! Hambi nha yo yabitaga kuwalingula mu madaha ganji.

2 Zinghomo 1:1

Solomona u mwana wo mutemi Dawudi, yakekangaza mu wutemi wakwe. No Muwaha Mulungu, u Mulungu wakwe, yakamumotya, no kumunoza yawe ne vilungo vinji mu wutemi wakwe.

Zabuli 1:3

U munhu we liwala lilyo, yehwanile mubici wono muhadikwe behi no muvwilo we malenga, wono wulelelaga mana mu madaha gayo, ne mahamha gayo hamba si ganyalaga yaye. Nayo kamoteswaga muli zose zono ketumaga.

Zabuli 46:11

U Muwaha Mulungu, Mulungu we mihanga, yali hamonga nase, u Mulungu wa Yakobo, wo wutizizo wetu.

Zabuli 46:7

U Muwaha Mulungu, u Mulungu we mihanga yali hamonga nase, u Mulungu wa Yakobo, wo wutizizo wetu.

Zabuli 91:15

Nane nomupitula lono yakunyhemeleza, na lono yali mu wugaye, ane nowa nili hamonga nayo. Nomuponya no kumupela cogopo.

Isaya 41:10

Holeka mulece kogopa, ane nha nili hamonga nanye! Ane yo nene Mulungu wenyu, holeka mulece kogofywa na cinji co cose! Ane nomupenyi vilungo, kanyhi nomutazenyi. Nomudimenyi, kanyhi nomuponyenyi.”

Isaya 43:2

Na kolo mukukola mu malenga matali, ane nowa nili hamonga nanye. Ne magayo genyu, hamba si gomugubizenyi yaye. Na kolo mukukola mu moto, hamba si mopya yaye, ne majelo mawaha muno, hamba si gomusumizenyi yaye.

Yelemiya 15:20

Nane nokunoza wuwe nhe lijinji lya shaba muli wanhu wawa. Nawo wokwihoma nagwe, ninga si wokusuma yaye. Nane nowa hamonga nagwe ho nghudime no kukuponya.

Matayo 1:23

“Langa ta, u musindile kolodinghula muda, nayo kololela u mwana we cilume, nayo kocemwa Emanuweli. Nhunizo yayo wo wutya, ‘U Mulungu yali hamonga nase.’ ”

Metumo ge Watumwa 8:31

Nayo yuyo munhu yakatya, “Nosuma kwizuka nhawule hono munhu si yananjize?” Yakamunena Filipo yananuce wekalane.

1 Timoteyo 6:1

Iwawanda wose yiwanojeye wawapele lilumbo iwatwa zawo ho wanhu wawe wasina soko yinji yo kulitovulila i litagwa lyo Mulungu ne mafundo getu.

Yoshuwa 1:5

Kanyhi Yoshuwa, wumanye vyono kowa kusina hamba yunji wo wose mono kokusuma, sunga ko ku ndumo yo wikale wako. Nowa hamonga nagwe nha vyono nali nili hamonga na Musa. Nowa hamonga nagwe mu vilo vyose, hamba si nokuleka yaye.

Yoshuwa 1:9

Wukumbucile vyono, yo nene nakulajiliza wuwe ne vilungo ne nhumbula yo wutung'ati. Holeka wulece kogopa hamba kukatala, hambi ane no Muwaha, Mulungu wako, nha nowa hamonga nagwe ko kose kono kowa kubita.”

Yoshuwa 6:27

Muwaha Mulungu yakawa hamonga na Yoshuwa. No lukumyo lwa Yoshuwa lukamanyika mu yisi yose.

1 Samwili 16:18

Na yumonga wa muli wetumami wakwe yakatya, “Munhu yunji mono yakucemwa Yese, mono yekaye mwi'kaya lya Betelehemu, yena mwanagwe we cilume, mono yamanyile muno muno kutowa lisumbi. Kanyhi citung'ati, na muhidimbazi mu milewo, kanyhi yo munhu mono yamemile nonga ye mahala, kanyhi yena futa yono yikwendeza, no Muwaha Mulungu yali hamonga nayo.”

1 Samwili 18:14

Dawudi yaketuma viswanu muli zose zono yetumaga, hambi Muwaha Mulungu nha yali yali hamonga nayo.

1 Samwili 18:28

Baho Sawuli, ho yakamanyila lukulu vyono Muwaha Mulungu yali hamonga na Dawudi, kanyhi na vyono mwanagwe we cicekulu Mikali, yali yamwendile muno muno Dawudi.

1 Samwili 3:19

Nayo Samwili yakajendelela kuwiluka, no Muwaha Mulungu yali yali hamonga nayo. Muwaha Mulungu yakazifisiliza zose zono Samwili yazilonga.