Mwamulizo 39:1 - Luganuzi Luswanu Kuli Wanhu Wose 2002

¹ Nayo Yusufu yali yeza kutegulwa ku Misili, Potifa, Mumisili, mwitumami muwaha wa Falawo, mono yali yo muwaha we cipuga ce walindilizi ca Falawo, yuyo yakamugula Yusufu ku wulawa mu miwoko ye Waishumayeli wono wamuleta ku Misili.

Mwamulizo 39:1 ပူးပေါင်းရင်းမြစ်များ

Mwamulizo 37:25

Nawo lono wali wekala hasi wakulya zindigwa, wakawona Waishumayeli wapulutaga wali mu muhinzo wakulawa ku Gileyadi, wakubita ku Misili. Zingamiya zawo zali zidinghuye wuvumba, zeli na mane mane.

Mwamulizo 37:28

Nawo Wamidiyani wasuluza wali weza kufika baho, wene wakawa kumukwega Yusufu ku wulawa mwi'kombo, wakamuguza kuli Waishumayeli kwa wuguzi wa fweza makumi mejete, nawo Waishumayeli wakamutegula Yusufu ku Misili.

Mwamulizo 37:36

Nawo wawalya Wamidiyani, wakamuguza Yusufu kuko ku Misili, kuli munhu yunji litagwa lyakwe Potifa u mwitumami muwaha wa Falawo, mono yali yo muwaha we walindilizi.

Mwamulizo 40:3

Yakawa kuwadindila mu jela, mu nyumba yo muwaha we cipuga ce walindilizi, mu jela mono nayo Yusufu yali mudindile.

Mwamulizo 45:4

Hodu mwene Yusufu yakawa kuwatya wawahaze, “Nghumunenenyi ta musejelele ahano hono hangu.” Nawo wali weza kusejelela behi nayo, yakawa kuwatya, “Nye wawaha zangu, ane yo nene u mwanakwawenyu Yusufu, mono mwamuguza kono Misili.

Zabuli 105:17

Ninga hamba nhavivyo, yakatuma munhu ku mwande yawo, mono yacemwaga Yusufu, mono yaguzwa ku wuwanda.

Metumo ge Watumwa 7:9

“Ne wa kuku zetu wawo, wakamuwonela Yusufu wivu, wakamuguza, yakategulwa ku Misili ku wuwanda. Ninga Mulungu yali yali hamonga nayo.