Mwamulizo 38:26 - Luganuzi Luswanu Kuli Wanhu Wose 2002

²⁶ Nayo Yuda yakavumila vyono vinhu vivyo vyose vyakwe mweneco, holeka yakatya, “Mwene Tamali yo yena ling'ani si nha nene no mweneco, ku soko vyono si namutoza kuli mwanangu Shela.” Na ku wulawa mwi'zuwa lilyo, Yuda hamba si yejelela kanyhi kugona na Tamali.

Mwamulizo 38:26 ပူးပေါင်းရင်းမြစ်များ

1 Samwili 24:17

Hanyuma yakawa kumulonjela Dawudi yakatya, “Mbeka agwe mwanangu, wina ling'ani, ninga ane nili musutyi. Hambi nha wina nhumbula swanu muno kuli'ne, ninga ane nghutendela nghani 'mbi muno!

Yohana 8:9

Waza hulika nhavivyo, wakawa kwamula kuwuka yumonga yumonga, wakamula i wakombi. Yesu yakasigala yali wene, nayo mucekulu yuyulya yakekala yemile bahalya du.

Walumi 13:12

Icilo ceza malika, no wusiku weza behi kwela, Holeka alu, cilecele lukulu kwituma imetumo ge citi, langa civwale ivitwalo vyo kwihomela mu wuzelu.

Walumi 3:19

Cimanyile vyono, u Wulajilize wuli baho ku soko ya wono wali hasi yo Wulajilize wuwo, ho walece kuwa na cikojelo co cose. Ne yinze yose yili hasi yo wuling'anizwe wo Mulungu.

Matayo 3:8

Ale, alu, mulajile mu metumo genyu, vyono mwanena mbeka mbeka.

Habakuki 1:13

Ninga socici wukusuma kwima kuli wanhu awa wakoci, kanyhi wabi? Ne meso gako nha gelile, ku wulanga zo wubi, hamba si kosuma kwima ku lubavu lwe wanhu wetuma zimbi. Alu socici wunyamaye lono wakuwahodanga wanhu wono wali ling'ani si nha wene?

Ezekiyeli 16:52

Ninga nalu, yikunojeye wucikangalile cevu cako. Hambi u wubi wako nha we wifyo muno, wucizize we wanduguzo we cicekulu, wono luno wakwijela hali'gwe wasina masutya. Holeka aluno, yikunojeye wucidinghule cevu cako, hambi nha yo gwegwe wuwanozize wanduguzo we cicekulu wejele wali ling'ani.”

Jobu 40:5

Nha nakondya kulonga nghani nyinji muno, kuciza na vyono yali yinojeye nonje.

Jobu 4:5

Alu lweza lwako lo kutuga wugaye, nagwe lu, wazilika.

2 Samwili 24:17

Nayo Dawudi yamuwona malayika mono yawawulagaga wanhu, holeka yakawa kumulonjela Muwaha Mulungu yakamutya, “Gwe go Muwaha Mulungu, ane nili musutyi muno, hambi nha netumila zizi mwidindimila lyangu. Alu i wanhu wawa nawo wasutya nghanici lo? Alu yali yiwe yili ciba le, wali wandipicize nene no mweneco hamonga ne mhuga yangu.”

2 Samwili 20:3

Nayo mutemi Dawudi, yali yeza kufika he kaya lyakwe lyo wutemi, ha Yelusalemi, yakawasola wa walya i wajitulwa wakwe yikumi, wono yawaleka ho walilindilize likulu, yakawawika mu nyumba mu miwoko ye walindilizi, wekale mumo du walece kulawila kudeha. Yakawa yakuwalisa. Ninga hamba si yagona nawo. Nawo wekalaga mumo du nha wegane, sunga mwi'zuwa lyono wakafwila.

2 Samwili 16:22

Hodu, wakawa ku mukomela Abusalomu lihema mucanyha ye litembe lye kaya ye likulu. Nayo Abusalomu yakenjila mwi'hema, yakawa kugona ne wajitulwa wo sogwe ha meso ge Waisilayeli wose.

Mwamulizo 38:14

mwene Tamali yakawa kuyivula myenda yakwe yo wufwile, yakawa kwigubika ne shela ku wusu wakwe, ho yunji yalece kumumanya. Hanyuma yakawa kwikala ha mulango wo kwinjilila Enayimu, citumbi cono cali cili mu nzila ku wubita ku Timuna. Tamali yanoza nhavivyo, vyono yawona Shela yeza munhu mututu, ninga hamba si yakombolwa ho vitole nayo.

Mwamulizo 37:33

Nayo sogo yawo yakayimanya kanzo yiyo, hodu yakatya, “Heya yo yeneco! Ane nghuwona vyono kowa lilimu lya mu mbago limuwulaga, liwa kumulya. Mbeka Yusufu yilimu limuhawanga.”

Mwamulizo 4:1

Nayo Adamu yakamumanya u mugolece wakwe Hawa, yakatuga 'nda, yakamulela Kayini. Nayo Hawa yakatya, “Ane namutuga mwana we cilume ko wutazi wo Muwaha Mulungu.”

1 Samwili 24:18

Izuwali langa mbeka kwilajila vyono winha kuli'ne, vyono si wumbulaje, hamba yiwe Muwaha Mulungu yali yakodya kunhajila mu miwoko yako.