Mwamulizo 38:16 - Luganuzi Luswanu Kuli Wanhu Wose 2002

¹⁶ Hodu Yuda yakawa kumubitila baho ha mhelo ye nzila, yakamutya, “Alu wukutya nhawule, ane nakusaka.” Yuda hamba si yamumanya vyono yo mugolece wo mwanagwe. Nayo Tamali yakamutya, “Alu komhela cinhuci hono nghuvumile?”

Mwamulizo 38:16 ပူးပေါင်းရင်းမြစ်များ

Mwamulizo 38:15

Nayo Yuda yali yeza kumwagana Tamali baho, yakehwesa vyono wo wacekulu wasenyha, hambi Tamali nha yali yegubicize ku wusu.

Mwamulizo 38:17

Nayo Yuda yakatya, “Ane nokupela nyana ye mhene ya mwi'tewa lyangu.” Nayo Tamali yakamutya, “Ale wumhelaje cipingo cono colajila vyono kondetela yiyo nyana ye mhene.”

2 Samwili 13:11

Tamali yali yeza kumuletela, mwene Amunoni yakamwibata, yakamutya, “Ale, wuze cigonane lumbu lyangu!”

Ezekiyeli 16:33

Kanyhi cimanyile nha vyono i wacekulu wasenyha, wo wakuwa kuhongwa ne walume, ninga agwe, yo gwegwe mono kuwahongaga i wendece wako wose we cilume, kuwa kuwakwejeleza ku wulawa hanhu hose, ho waze wagonane nagwe.

Matayo 26:15

yakawawuza yakutya, “Alu momhela cinhuci ho nimukombolelenyi Yesu?” Nawo wakamuwalila pesa makumi madatu,

Wukumbucize wo Wulajilize 23:18

Kanyhi ne zipesa zozose zono zikulawa mumo mu wumalaya, zilecele lukulu kulavywa mu Nyumba yo Muwaha Mulungu, u Mulungu wenyu, ziwe so wilahize wawo. Hambi Muwaha Mulungu, nha si kendezwaga no wumalaya.

1 Timoteyo 6:10

Hambi u wenda muno we zipesa nha wo mwamulizo wo wubi wose. Iwanhu wanji wasulumilaga muno kutuga mapesa, sunga wawuleka no wihuwilo wawo, no kudumanjila dumanjila ako na ako, kutali no wihuwilo wawo no kutukuwika i mitima yawo ko wusungu wuwaha muno.