Mwamulizo 38:14 - Luganuzi Luswanu Kuli Wanhu Wose 2002

¹⁴ mwene Tamali yakawa kuyivula myenda yakwe yo wufwile, yakawa kwigubika ne shela ku wusu wakwe, ho yunji yalece kumumanya. Hanyuma yakawa kwikala ha mulango wo kwinjilila Enayimu, citumbi cono cali cili mu nzila ku wubita ku Timuna. Tamali yanoza nhavivyo, vyono yawona Shela yeza munhu mututu, ninga hamba si yakombolwa ho vitole nayo.

Mwamulizo 38:14 ပူးပေါင်းရင်းမြစ်များ

Mwamulizo 24:65

yakawa kumuwuza u mwitumami wa Abulahamu, yakutya, “Alo yu yulya nani mwene, mono yali mwi'wimbi, mono yakuza kucihinjiliza?” Nayo u mwitumami yakatya, “Yo muwaha wangu ye.” Hodu Labeka yakasola shela yakwe, yakawa kwicitiza ku wusu wakwe.

Mwamulizo 38:15

Nayo Yuda yali yeza kumwagana Tamali baho, yakehwesa vyono wo wacekulu wasenyha, hambi Tamali nha yali yegubicize ku wusu.

Mwamulizo 38:19

Hanyuma Tamali yakawa kuwuka. Yakayiwusa shela yono yali yegubicize ku wusu, yakavwala kanyhi vivwalo vyakwe vyo wufwile.

Mwamulizo 38:26

Nayo Yuda yakavumila vyono vinhu vivyo vyose vyakwe mweneco, holeka yakatya, “Mwene Tamali yo yena ling'ani si nha nene no mweneco, ku soko vyono si namutoza kuli mwanangu Shela.” Na ku wulawa mwi'zuwa lilyo, Yuda hamba si yejelela kanyhi kugona na Tamali.

Zimbazi 7:10

Nayo muzelelo yuyo, vikawa kwitang'anila no mucekulu yuyo, nayo mucekulu yuyo, yali yavwalile kotya mucekulu musenyha, akuno yena no wiwikanize wakwe.

Zimbazi 7:12

kwima ha cipeto, yalindilize walume. Na hanji mumo mu zinzila, hamba mu zi sokoni.

Yelemiya 3:2

Alu wugalamile ta wulanje mu matunda mucanyha, wule, ho hali hanhu hanji hono agwe si wetuma nha munhu musenyha? Hambi agwe nha wekalaga ha mhelo ye zinzila wuwalindiye wendece wako, wukawa wehwana u mwalabu mono kehundikaga mu nyika, ho yawatendele vibi i wakola nzila. Nagwe Isilayeli wakondya kuyavufya yisi, ku soko yo wusenyha wako.

Ezekiyeli 16:25

Wakondya lu kuwutipiza wuswanu wako mu madabaga. Ku soko yo kwilavya gwegwe mweneco kuli munhu wo wose mono yakukola baho, no wusenyha wako wukawa wucizize nhondo zose.