Mwamulizo 38:10 - Luganuzi Luswanu Kuli Wanhu Wose 2002

¹⁰ Ne litumo lilyo likamukalaza muno Muwaha Mulungu, yakawa kumuwulaga na Onani nhavivilya.

Mwamulizo 38:10 ပူးပေါင်းရင်းမြစ်များ

Mwamulizo 46:12

Ne wana wa Yuda nawo wo awano, Eli, Onani, Shela, Pelezi, na Zela. (Ninga Eli na Onani, wafwila ku yisi ya Kanani.) Nawo wana wa Pelesi, wali awa, Hezeloni, na Hamuli.

2 Samwili 11:27

Ne vilo vye cililo vyali vyeza kupuluta, hodu Dawudi yakawa kutuma munhu yakawa kumuleta Betisheba kwi'kulu, yakawa mugolece wakwe. Nayo Betisheba yakamulelela Dawudi mwana wa cilume. Ninga Muwaha Mulungu, hamba si yendezwa ne nghani yiyi yono Dawudi yetuma.

1 Watemi 17:20

Yakamulomba Mulungu kwe 'zi yiwaha yakutya, “Gwe go Muwaha Mulungu, go Mulungu wangu, alo nhawule kumutendela mucekulu yuyu mufwile nghani yono yinha yiyi? Mwene kanhendela viswanu, yakundima. Ninga alu 'gwe kanyhi wamuwulajila mwanagwe!”

1 Zinghomo 2:3

Yuda, yali yena wana wahano. Na kuli mugolece wakwe we Cikanani Batishuwa, nako yakatuga wana wadatu, Eli, Onani, na Shela. Ninga Eli, u mwanagwe mulongozi kulelwa, yali munhu mubi muno muno, na ku soko yiyo, holeka Muwaha Mulungu yakamuwulaga.

1 Zinghomo 21:7

Nayo Mulungu, nghani yiyo yo wuwala wanhu, yikamukalaza muno, holeka yakawalipiciza Waisilayeli.

Zimbazi 14:32

I wanhu wabi, weletelaga lifwa weneco ku soko yo wubi wawo. Ninga i wanhu waswanu, wena witumbilo sunga ko ku wufwe wawo.

Zimbazi 24:18

Ninga Muwaha Mulungu, kosuma kumanya nha vyono, wukumusimanga. Nayo hamba si kokwendezwa yaye. Na yiyo yo yoleka u Mulungu nayo, yalece kumulipiciza yaye.

Yelemiya 44:4

Ninga hamba nhavivyo, nane vyo nghajendelela du, kumutumilenyi wetumami wangu wawizi, wono wazaga kumulonjelenyi vyono, mulecele lukulu kwituma makani gago ge cikomaza, gono si nigendile yaye.

Hagayi 1:13

Baho Hagayi yakawalonjela wanhu nghani yo Muwaha Mulungu, yakawatya, “Muwaha Mulungu yakutya, awu wo wihuwizo wangu, vyono ane nowa hamonga nanye.”

Wuwale 11:1

Nawo wanhu, wakawa kwanza kumung'ung'ulicila Muwaha Mulungu, ku soko ye magayo gawo. Nayo Muwaha Mulungu yali yeza kuwahulika, hobaho yakakolwa ne likuwo muno muno, yakawa kuwagumilila moto wanhu. Nawo moto wukawanyanya wayawo wanji, wukayiticimiza ne nghambi yawo lubavu lunji.

Wuwale 22:34

Nayo Balamu yakapitula, “Gwe muwaha, ane sutya, hambi nha si nali manyile vyono agwe wali wimile mu balabala ho wunyimile ndece kupuluta. Ninga aluno hono wuwe wukwihwesa vyono si yinojeye njendelele no muhinzo wuwu, hodu nowuya ne nyuma mbuye kwetu.”

Wuwale 26:19

Wo mulango wa Yuda, nawo wowa:

1 Samwili 2:25

Hambi nha hono munhu yamusutizye munhu muyagwe, u Muwaha Mulungu nha komutetela. Ninga hono munhu yamusutizya Muwaha Mulungu, alu nani mono komutetela?” Ninga wene hamba si wasaka wamuhulice u sogo yawo, hambi Muwaha Mulungu nha yali yakondya kulamula yawawulaje.