Mwamulizo 37:4 - Luganuzi Luswanu Kuli Wanhu Wose 2002

⁴ Ninga i wanduguze wali weza kuwona vyono sogo yawo yamwendile Yusufu si nha weneco, hodu wakamusula, hamba si walonganaga nayo kanyhi ko mulamu.

Mwamulizo 37:4 ပူးပေါင်းရင်းမြစ်များ

Mwamulizo 27:41

Hodu ku wulawilila baho, Esawu yakawa kumusula muno muno Yakobo u mwanakwawe, ku soko yo wulugutwe wono Yakobo yali yakondya kupegwa no sogo yawo. Nayo Esawu yakehwesa yakatya, “Ninga mwene i vilo vyo kumulilila sogo yetu nha vyasejelela muno. Ale, nane baho ho nomuwulajila u mwanakwetu Yakobo.”

Mwamulizo 37:11

Ale wanduguze wakamuwonela wivu, ninga u sogo yawo Yakobo, yakajendelela kuyihwesa muno nghani yiyo.

Mwamulizo 37:5

Mwizuwa linji ne cilo, Yusufu yakalota ndoto, nayo yali yeza kuwalonjela wawahaze, oho! Wene nhondo ho wakacila kumusula muno muno.

Mwamulizo 4:5

Ninga u Mulungu siyendezwa hamba hadodo na Kayini, hamonga ne vilavywa vyakwe. Hodu, nayo Kayini yali yeza kuziwona zizo, yakawa kukolwa ne likuwo muno muno, no wusu wakwe wukakununghala muno muno, ku soko ya lilyo likuwo lyakwe.

Mwamulizo 49:23

Wagumila zisonga, wakamuhoma ko wukali, wakamugumilila zisonga, no kumugaza muno.

Zabuli 38:19

Ninga walugu wangu, wali vilungo, kanyhi wakamile. Kanyhi wo wenji muno, wono wasulile mbula soko.

Zabuli 69:4

Nawo wanhu ho wenji wono wasulile bwete, wenji muno wacizize no winji we zimvwili zangu. Ne walugu wangu wakunonga za wulambi, wali vilungo, wakusaka wambulaje. Wakusaka ati ngomole vinhu vyono'ne si solile.

Yelemiya 12:6

Alu, lanje, vyono, sunga ne wanduguzo wose mono muli mhuga monga, nawo wakugaluka, nalu wakondya kwilunza mwi'puga lya wono wakukuhoma 'gwe. Holeka nagwe, hamba wakulonjele nghani swanu muno, ninga wulecele lukulu kuwetumbila hamba hadodo.”

Maluko 3:25

Na hono kaya yigawe mu vipuga vipuga vyono vikwihoma, i kaya yiyo yotecemela.

Tito 3:3

Hambi mu vipango vinji, nase nha cali walele, kanyhi cili cibede, cali cajiliye. Cali cili wawanda we masulumizi ne makani ga mononze. Cekalilaga mu mikalile yo wavu no wivu, wanhu wakacisula, nase cikawasula.

1 Yohana 2:11

Ninga mono yamusulile u nduguye, yuyo yakali mu wutitu, kanyhi yakujendela mu wutitu, hamba siyamanyile na kono yakubita, hambi u wutitu nha wumubofuze i meso.

1 Yohana 3:10

Ninga muli wose mono siketumaga ze ling'ani, hamba mono siyamwendile u nduguye, yuyo yo si mwana wo Mulungu. Na wuwo wo wisimajile wa muli wana wo Mulungu ne wana wa Setani.

1 Yohana 3:12

Cilece kuwa nha Kayini mono yatongwa na ayulya u Mubi, yakawa kumuwulaga u mwanakwawe. Na ku sokoci yamuwulaga? Ku soko i metumo gakwe gali mabi, ninga i metumo go mwanakwawe gali maswanu!

1 Yohana 4:20

No munhu hono yatye vyono yamwendile Mulungu, akuno ho yamusulile nduguye, ayo yuyo mulambi. Vyono munhu mono si yamwendile nduguye mono yakumuwona ne meso, si kosuma kumwenda Mulungu mono si yakumuwona kwe meso.

1 Samwili 17:28

Nayo Eliyabi u muwahawe wa Dawudi, yakazihulika zose zono Dawudi yalonganaga ne wanhu. Hodu Eliyabi yakamukolelwa likuwo muno muno Dawudi, yakamutya, “Dawudi, alu wukunoza cici bahano? Alo nani mono wumuleceye zingholo zako mu muno mono mbago? Alu nhawule wusina cihuliko 'gwe go mudodo 'gwe! Alo wuli muvumbi naci! Manyile vyono kuza du ho wilolele wulugu!”