Mwamulizo 33:2 - Luganuzi Luswanu Kuli Wanhu Wose 2002

² Yakawasola wawalya wetumami wejete we cicekulu, yakawalongoza ku mwande hamonga ne wana wawo. Nayo Leya hamonga ne wanagwe wakatyatya, na mu nyuma ya wose, wakatyatya wa Laheli hamonga na Yusufu mwanagwe.

Mwamulizo 33:2 ပူးပေါင်းရင်းမြစ်များ

Mwamulizo 29:16

Ale, Labani yali yena wahinza wejete, u muwaha yacemwaga Leya, no mudodo nayo yacemwaga Laheli.

Mwamulizo 29:30

Hodu Yakobo yakawa kumutola na Laheli nhavivilya. Ninga hamba nhavivyo, Yakobo yakamwenda muno muno Laheli si nha Leya. Ale du, yakajendelela kumwitumamila Labani myaka yinji kanyhi mupunghati.

Mwamulizo 33:1

Yakobo yakenula meso gakwe, yalanje nhavi, yakamuwona Esawu yakuza hamonga na wanhu magana mane. Hodu. Yakawa kuwatemanula wa Leya, na Laheli na wawalya wetumami wejete we cicekulu.

Mwamulizo 33:3

Ninga mwene Yakobo yakawalongolela wose, yakawa yakujenda akuno yakwinama ho hasi, sunga nghanghulo mupunghati, sunga yakasejelela behi no muwahawe Esawu.

Mwamulizo 37:3

Nayo Isilayeli yakawa yamwendile muno muno yuyu mwanagwe Yusufu, si nha wanagwe wanji wose, vyono yali yo mwana wo wukombi wakwe. Holeka yakamuhonela Yusufu kanzo nhali.

Yelemiya 50:12

Ninga, likaya lyenyu liwaha, lyonyetywa no kukozwa cevu. Nayo Babiloni, yolowa yo ya kunyuma muno muno si nhe makungugo gose. Yolonyala, yiwe nyika yono yisina malenga.

Malaki 3:17

Nayo Muwaha Mulungu we mihanga yakutya, “Wawo wo wowa wanhu wangu. Na mwi'zuwa lyono nolofisiliziza wihuwizo wangu, i wene wolowa wanhu wangu. Nane nowawonela lusungu, nha vyono sogo yo munhu kamuwonelaga lusungu, mwana mono yakumwitumamila.