Mwamulizo 32:9 - Luganuzi Luswanu Kuli Wanhu Wose 2002

⁹ Hobaho Yakobo yakamulomba Mulungu yakatya, “Gwe go Mulungu wa baba Abulahamu, go Mulungu wa baba Isaka, go Muwaha Mulungu mono wanonjela vyono mbuye ku yisi yangu ku wandugu zangu, kanyhi wukanyihuwiza vyono konhendela ziswanu.

Mwamulizo 32:9 ပူးပေါင်းရင်းမြစ်များ

Mwamulizo 17:7

“Nane nocikangaza i cilagane cangu nagwe, hamonga no lulelo lwako, hamonga ne zindelo zawo zose cibitilila, vyono ane nowa Mulungu wako hamonga ne zindelo zako cibitilila.

Mwamulizo 28:13

No Muwaha Mulungu nayo, yali yemile mu ngazi yiyo. Nayo Muwaha Mulungu, yakamulonjela Yakobo yakatya, “Ane yo nene u Muwaha Mulungu, u Mulungu wo sogo Abulahamu, u Mulungu wa Isaka. Ne yisi yiyino yono wugonile, ane nokupela gwegwe hamonga no lulelo lwako.

Mwamulizo 28:15

Ane nowa nili hamonga nagwe, nokukamisa ko kose kono wukubita, nokugomola kanyhi mono yisi yiyi. Nane sinokulecela lukulu, sunga kolo nakondya kufisiliza u wihuwizo wono nghwihuwizize.”

Mwamulizo 31:13

Ane yo nene no Mulungu mono nelajila kuli'gwe akulya ku Beteli, kono walisiwanulila i libwe mu nzila yo kulijidila mafuta, hamonga no kumbicila cipingo. Alu nghukunena wuwuce lulu baha mu yisi yiyi, wuwuye ku yisi kono walelelwa.’ ”

Mwamulizo 31:29

Manyile vyono ndahile kukutamisa nha vyono nghusaka, ninga u Mulungu wo sogo, kandawila izuwali ne cilo, kawa kunonjela yakutya, ‘Ale wulanjilile, wulecele lukulu kumogofya Yakobo kwa nghani yo yose swanu hamba 'mbi.’

Mwamulizo 31:3

U Muwaha Mulungu yakamutya Yakobo, “Alu, wuwuye kanyhi ku yisi ye wasogo kuli wanduguzo, nane nowa nili hamonga nagwe.”

Mwamulizo 31:42

Nane nghulonga mbeka, vyono Mulungu wa baba, u Mulungu wa Abulahamu, Mulungu mono Isaka kamogopaga, mhali yali yawe si yali hamonga nane, mbeka agwe wali wuminje sina hamba cinji co cose. Ninga 'lu, Mulungu yagawona magayo gangu, hamonga no mulimo wono netuma, holeka kakukalipila mu cilo co wele we zuwali.”

Mwamulizo 31:53

U Mulungu wa Abulahamu no Mulungu wa Naholi, u Mulungu wo sogo yawo, yo yalamule mweneco muli'se.” Hodu, Yakobo yakawa kwilahiza kuli Mulungu mono u sogwe Isaka, kamogopaga.

Mwamulizo 32:8

akuno yakwihwesa yakutya, “Hono Esawu yalizize lipuga limonga yalihome no kulyongomeza, ale, lipuga lyono lisigaye lyotiga.”

Mwamulizo 49:25

Ale, U Mulungu wo sogo mono kakutazaga, U Muwaha Mulungu mono kakulugutizaga, wutuje wumoti wa ku wulanga, ko wumoti wa mu visolo vyono vili hasi ye'si, na ko wumoti we zimitugo ne wana.

2 Zinghomo 20:12

Agwe yo gwegwe Mulungu wetu! Holeka cikukulomba gwegwe wuwalipicize. Ase nha cisina vilungo vyo kwihomela ne lipuga lili liwaha lye wasilikale, lyono lyeza kuza kucihoma. Ase cisina yinji yono cosuma kwituma, langa cilanjiliye du wutazi wulawe kuli'gwe.”

2 Zinghomo 20:6

Yakalomba kwe'zi waha yakutya, “Gwe go Muwaha Mulungu we walezi wetu, mono wutemile muli makungugo gose ga mono'nze, kuko ku wulanga. Yo gwegwe du mono wuli vilungo, hamba hasina munhu wo wose mono kosuma kukwimila nghani yo yose.

2 Zinghomo 32:20

Ninga mwene mutemi Hezekiya, hamonga no muwizi Isaya u mwana wa Amozi, wakamulomba Mulungu no kumulilila yawapele wutazi.

Zabuli 50:15

Ale wunyhemaje lono wuli mu wugaye, nane nokuponya, nagwe konghumya.”

Zabuli 91:15

Nane nomupitula lono yakunyhemeleza, na lono yali mu wugaye, ane nowa nili hamonga nayo. Nomuponya no kumupela cogopo.

Wutuluce 3:6

Ane nane yo nene mono nili Mulungu we walezi wako, nili Mulungu wa Abulahamu, no Mulungu wa Isaka no Mulungu wa Yakobo.” Musa yakawa kwigubiciza ku wusu wakwe, hambi nha yogopa kwidoma no Mulungu.

Yelemiya 32:16

Nane, nali neza kukondya kumupela Baluku, zikalatasi zizo, hodu, nghawa kumulomba Muwaha Mulungu nghatya,

1 Samwili 30:6

Alu nhondo, Dawudi yakenjila mu magayo mawaha, sunga ne wanhu wakwe wose mwipango lilyo, wakawa na wusungu wuwaha muno muno mu zinhumbula zawo so wajiliza i wana wawo we cilume na we cicekulu. Sunga nhondo wasakaga wamutowanje Dawudi ne mabwe. Ninga Muwaha Mulungu, u Mulungu wakwe, yakamupela vilungo.