Mwamulizo 32:4 - Luganuzi Luswanu Kuli Wanhu Wose 2002

⁴ Yakawalajiliza yakutya, “Mubite mukamulonjele muwaha wangu Esawu mutye nhavi, u mwitumami wako Yakobo yakutya nhavi, ‘Ane nekala mu wujenzi, mu kaya ya Labani sunga nalu.

Mwamulizo 32:4 ပူးပေါင်းရင်းမြစ်များ

Mwamulizo 23:6

“Gwe go Mulumbwe! Ta, wuhulicize! Agwe wuli mulongola mono wumanyicigwe muno muno muli sese. Holeka kosuma kumuzika malehemu mugolece wako mu citenjelo co cose cono kokwihagulila gwegwe go mweneco, hamba hasina munhu wowose wa muli sese mono kosuma kukulemeza citenjelo cakwe, hamba kukwimila ho wulece kumuzika malehemu mugolece wako.”

Mwamulizo 25:30

Yakawa kumunena Yakobo yakatya, “Gwe mwanakwetu Yakobo, nzala yanhama muno nomuyago, holeka dedede, wumhelaje ndigwa yiyo ndunghu nilye.” (Nayo yo soko yono yaleka wakamupela litagwa lya Edomu.)

Mwamulizo 27:29

Ne makungugo gakwitumamile, ne wanhu wose wakufugamile. Wuweze mutemi muli wanduguzo, ne wana wo nyina yako nawo wakufugamile. Na muli wose mono kokulijita, nayo yalijitwe, na muli wose mono yakukulugutiza, nayo yalugutizwe!”

Mwamulizo 27:37

Nayo sogwe Isaka yakamupitula yakatya, “Ane nakondya kumunoza Yakobo yawe mutwawo, kanyhi nimupela i wanduguze wose wawe wetumami wakwe. Kanyhi nimupela sunga no wuhemba ne divayi. Alu ho nghunozeze nhawule ta, nagwe mwanangu?”

Mwamulizo 31:41

Na mu myaka yiyi yose makumi mejete, nikalaga mu kaya yako. Nane nghakwitumamila myaka yikumi na mine ku soko ye wanago wawa Leya na Laheli, na myaka mutandatu nghawa mudimi we mitugo yako. Ninga hamba nhavivyo, agwe wukawukawaniza musahala wangu nghanghulo yikumi.

Mwamulizo 32:18

Agwe wumutezaje nhavi, “Sawo yiyi, yo mwitumami wako Yakobo, kakuletela yiwe cipegwa cako gwegwe Esawu go muwaha wangu. Ninga mwene Yakobo yali mu nyuma yakuza.”

Mwamulizo 32:5

Nane nina ne zing'ombe, ne zindogowe, sunga ne matewa ge zingholo, hamonga ne wetumami we cilume na we cicekulu. Nane nghutumila wanhu wawa, 'gwe go mulumbwe, nitumbiye vyono nagwe kombocela.’ ”

Mwamulizo 33:14

Holeka nghukunena agwe wulongole du, ane notyatya munyuma mholamhola, mu nghango vyono zimitugo hamonga ne wana wosuma kujenda, sunga kono noficila, nghwagane kuko ku Seyili.”

Mwamulizo 33:8

Esawu yakawuza kanyhi yakatya, “Yakobo, alu litewa lilino nalyo lyono wuzize nalyo, ma, nalyo lina nhunizoci?” Nayo Yakobo yakamupitula yakatya, “Ane nali niwikanize, ho mbone lihewa hali gwegwe muwaha wangu.”

Mwamulizo 36:8

Holeka Esawu yakabita kwikala mu yisi ye matunda ga Seyili. Litagwa linji lya Esawu, yo Edomu.

Mwamulizo 36:9

Awa wono wetyatizye, zo ndelo za Esawu u sogo ye Waedomu, mu yisi ye matunda ga Seyili.

Mwamulizo 4:7

Alu, wule, si yili mbeka vyono nagwe wali wuvumilwe nhavivyo, hono wali witume viswanu? Ninga alu vyono witumile vibi, holeka u wubi wehwana lilimu, wikaye ha mulango wako wukukusulumila wukuhawanje, ninga yikunojeye agwe wuwusumize.”

1 Watemi 20:32

Hobaho wakawa kwitunga magunila mu viwino vyawo, wakadaga ne milejehe mu zisingo zawo, wakawa kumubitila Ahabu wakamutya, “U mwitumami wako Benihadadi yakukulomba wulece kumuwulaga.”

Wutuluce 32:22

Nayo Haluni yakapitula yakatya, “Gwe Musa, nghukulomba wulece kungholelwa likuwo, ane no mwitumami wako. Hambi nha wuwamanyile wanhu wawa vyono wali dindimila ku wituma zo wubi.

Zimbazi 15:1

Wupitule we mhola mhola, wutuzaga likuwo Ninga nghani yono yikutamisa, yisagahazaga likuwo.

Zimbazi 25:15

Zinghani ze ngola, ziwusaga wiwanganile we vilungo no kutuza watemi.

Zimbazi 6:3

Ale du kanyhi mwanangu, alu weza wuli mu miwoko yo munhu yuyo. Ninga aluno, wunoze nhavi ho wiponye, wumubitilaje mbela munhu yuyo, wumulonjele yakulece.

Muganuzi 10:4

Holeka hono mulongola yakukolelwe likuwo, wulece kwizila, weze manya vyono, masutya mawaha gapatilwaga mu wutuvu.

Isaya 21:11

Ayi nayo yo nghani kuli Edomu. Ko yuli munhu yunji mono yakunyhemeleza ku wulawa Seyili, yakutya, “Gwe mulindilizi, alu wusiku ho wokwela nili lo? Ta wunonjele, ho wokwela nili?”

Luka 14:11

Hambi muli wose mono yakwikumya mweneco, nha konyetywa, nayo mono yakwinyetya, yo kokumywa.”

1 Petelo 3:6

Nha vyono Sala nayo, yamuhulikaga Abulahamu, sunga yamutezaga mutwawe. Nalu nanye mweza wanagwe we cicekulu, hono mwitume viswanu hamba kugofywa na cinhu cinji co cose.

Walamuzi 5:4

“Go Muwaha Mulungu lono wagaleka i matunda ga Seyili. Wukajendelela sunga wukalawila mu nyika ya Edomu. Yisi yikacicima, wulanga wukalagaza malenga, ne mavunde gakatonya malenga.

1 Samwili 26:17

Ninga Sawuli yakalitanga lizi lya Dawudi, holeka yakawa kumuwuza yakutya, “Ati, yo gwegwe Dawudi mwanangu?” Nayo Dawudi yakamupitula yakatya, “Heya mutemi!” Ane yo nene Dawudi.