Mwamulizo 3:8 - Luganuzi Luswanu Kuli Wanhu Wose 2002

⁸ Na mu cinyamihe cico, wakahulika lizi lyo Mulungu yakujenda mu mugunda, u mulume yuyo hamonga no mugolece wakwe, wose wakehundika mu mibici ya mu busitani, ati u Muwaha Mulungu ho yalece kuwawona.

Mwamulizo 3:8 ပူးပေါင်းရင်းမြစ်များ

Mwamulizo 18:33

Nayo Mulungu yali yeza kukondya kulongana na Abulahamu, hodu yakawa kubita, nayo Abulahamu yakawa kuwuya ku kaya kwakwe.

Mwamulizo 3:10

Nayo mulume yuyo yakapitula yakatya, “Nilihulika lizi lyako mu busitani, nane niwa kogopa, niwa kwihundika, vyono ane nili cipwi.”

Jobu 22:14

Agwe wukwihwesa nha vyono mavunde mazito, gosuma kumwimila Mulungu ho yalece kuwona, ninga nayo ho yakujenda ako na ako mu mwanya wo wulanga.

Jobu 31:33

Kowali wanhu wanji, wono wajelaga kuwuhundiciza wubi wawo, ninga ane nghali si ninejelela niwuhundicize wubi wangu.

Jobu 38:1

Muwaha Mulungu yakamupitulila Jobu mu mukukunzo, yakamutya,

Zimbazi 15:3

Nayo Muwaha Mulungu, kaziwonaga zose hanhu hose. Kacigozaga wose, hono cikwituma ziswanu hamba 'mbi.

Yelemiya 23:24

No munhu wo wose hamba si kosuma kwihundika ha meso gangu, nane ho ndece kumuwona. Hamba si mumanyile yaye vyono ane nikaye hanhu hose, ku wulanga na mono 'nze?

Hoseya 10:8

Na mucanyha ye cigongo ca Aveni, hono Waisilayeli wakuhemba vihwani, naho holokongomezwa. Mamivya ne mabalwe, vyolowiluka mu makumbicilo gawo. Ne wanhu wologalonjela matunda wawe kutya, “Mucihundikaje!” Ne vigongo wakutya, “Mucigubikaje!”

Walawi 26:12

Nowa nili hamonga nanye. Nane nowa Mulungu wenyu, nanye mowa wanhu wangu.

Yona 1:3

Ninga Yona yakatuluka, ho yamutize Muwaha Mulungu. Yakabita ko ku Yopa, na kuko yakagana ngalawa yono yabitaga ku Talishishi. Yakalipa mu nghango ye nawuli yo kubitila, ho yabitane nawo ku Talishishi, i hanhu hono kosuma kuwa kutali no Muwaha Mulungu.

Walumi 2:15

Imijendele yawo weneco, yikulajila vyono u mulimo wo Wulajilize, wandicigwe mu zinhumbula zawo. Ne viselinji vyawo, vikuyihomelela inghani yiyi nhavivyo, vyono hanji imahweso gawo gakuwahosa, na hanji gakuwatetela.

Wukumbucize wo Wulajilize 23:14

Hambi Muwaha Mulungu, u Mulungu wenyu, nha kowa kupilimapilima baho mu nghambi yenyu, ho yamuponyenyi kanyhi yamupelenyi wusume kuli walugu wenyu. Ku soko yiyo, holeka nghambi yenyu, yinojeye yeze yelile, ho Muwaha Mulungu, u Mulungu wenyu, yalece kuwona muli'nye cinhu cinji cocose cavu, yamulecenyi.”

Wukumbucize wo Wulajilize 4:33

Hamba ho hali hanji hono wanhu wahulika mulungu yakulonganila nawo mu moto, nha vyono nyenye?

Wukumbucize wo Wulajilize 5:25

Alu kanyhi nhawule cijendelele kwiyinjiza mwi'fwa? Hambi moto wuwo wo kogofya nha wocongomeza. Hambi nha citumbiye vyono cofwa du, hono cimuhulice Muwaha Mulungu, u Mulungu wetu yakulonga nase kanyhi.

Wahebelaniya 4:13

Kanyhi hasina hamba ciwumbwa co cose cono cihundice hali Mulungu, ninga vyose vili calinze ha meso gakwe. Na ase wose cololonga hali mwene ze metumo getu munhu na lwakwe.

Wugubule 6:15

I watemi wa mono'nze, ne wawaha, hamonga ne wawaha we wasilikale, ne wagoli, na we vilungo, ne wanhu wose, i wawanda ne walelele wakehundika mu mapango na mu mabwe mawaha muno ga mumatunda.