Mwamulizo 3:4 - Luganuzi Luswanu Kuli Wanhu Wose 2002

⁴ Inzoka nayo yikamulonjela u mucekulu, yikatya, “Waco, gwe, Mbeka hamba si mofwa ng'o.

Mwamulizo 3:4 ပူးပေါင်းရင်းမြစ်များ

Mwamulizo 3:13

Nayo u Muwaha Mulungu yakamuwuza yuyo mucekulu, yakamutya, “Alu 'gwe, nghanici yiyi lu yono witumile?” Nayo mucekulu yakapitula yakatya, “Inzoka yo yinghonjile, nane niwa kulya.”

Mwamulizo 3:3

langa hono si mana go mubici wono wuli haciligati ye busitani du, gago langa go Mulungu yacilajiliza vyono, cilece kulya, hamba kugapamiza kose, na hono cijelele du, cofwa.”

2 Watemi 1:16

Nayo Eliya yakamulonjela mutemi yakatya, “U Muwaha Mulungu yakutya nhavi, ‘Alu vyono agwe watuma wanhu wabite wakakuwuzize kuli Baalizebubu, u mulungu we wa Ekiloni, nha kotya muli Isilayeli mwaweza musina Mulungu wo kuwuza, holeka ku soko yiyo, agwe nagwe hamba si konoga yaye, langa kofwa du!’ ”

2 Watemi 1:4

Ale, mubite mukamulonjele mutemi Ahaziya mutye nhavi, ‘U Muwaha Mulungu yakutya, makomele gako gago, gokuwulaga du, hamba si kopona yaye.’ ” Eliya yaketuma nha vyono Muwaha Mulungu yamulajiliza,

2 Watemi 1:6

Nawo wakamupitula wakatya, “Ase citang'anila no munhu mono yacilonjeye vyono, ciwuye ne nyuma cize cikulonjele zono Muwaha Mulungu yakukutya agwe. Yakutya nhavi, ‘Alu nhawule agwe wukutuma wanhu wabite wakamuwuze Baalizebubu, u mulungu we wanhu wa ku Ekiloni? Hamba mukwihwesa 'gwe hasina Mulungu mu Isilayeli lo? Agwe makomele gako gago gokuwulaga du, hamba si kopona yaye.’ ”

2 Watemi 8:10

Elisha yakamupitula Hazayeli, yakamutya, “Muwaha Mulungu kandajila nha vyono si kopona yaye, langa kofwa. Ninga agwe wubite wukamulonjele nha vyono si kofwa yaye langa kopona.”

2 Zinghomo 18:21

Nalyo licisi likapitula likatya, ‘Ane nobita, nghawanoze wawizi wose wa Ahabu, walonje zo wulambi.’ Nayo Muwaha Mulungu yakalitya, licisi, ‘Ale wubite wukamukocekoce, nane nitumbiye vyono komusuma.’ ”

Zabuli 10:11

Nayo munhu mubi kehwesaga mu nhumbula yakwe yakutya, “U Mulungu si kacelelelaga cinji, yafufunize, hamba si yakumbona yaye.”

Yohana 8:44

Anye muli wana wo sogo yenyu Setani, no wusulumizi wa yuyo sogo yenyu, wo mwendile kuwituma. Mwene yali muwulaji kulawa mwamulizo, hamba si kemaga mu mbeka, vyono muli mwene, imbeka yili musina. Hono yakulonga wulambi, kalongaga i zakwe mweneco, nha vyono yenha, hambi nha mulambi, kanyhi yo sogwe yo wulambi.

2 Wakolinto 11:3

Ninga nghogopa yilece kuwa nhe lizoka lyono ko wusugu walyo wo wulambi, likamukoca Hawa, i mahweso genyu gadahile kwajilizwa no kuwuleka u wihuwilwa wenyu we mbeka kuli Kilisito.

2 Wakolinto 2:11

ho cilece kumupela Setani cilejeho co kucikonjela, hambi u wuhile wakwe nha ciwumanyile vyono winha.

Wukumbucize wo Wulajilize 29:19

Kanyhi mulanjilile, halece kuwa na yunji wa muli nyenye zuwali, mono yakuzihulika zizi zo wilahize na vyono yikusakwa, kanyhi mwene ho yezivye, no kwihwesa vyono hamba yalece kuzityatya, zose zomuwela swanu du, hanyuma mwene yawe kubita na zakwe. Mumanye vyono nghani yiyo, yomongomezenyi nyenye wose i wabi ne waswanu.

1 Timoteyo 2:14

Na kanyhi, Adamu yo si yakongwa ng'o, langa u mucekulu yo yakongwa, no kuwubena u Wulajilize wo Mulungu.