Mwamulizo 3:18 - Luganuzi Luswanu Kuli Wanhu Wose 2002

¹⁸ Nayo yisi yocindya mabijili hamonga ne mamivya, nagwe kowa kulya i mikalo ya mu mbago.

Mwamulizo 3:18 ပူးပေါင်းရင်းမြစ်များ

Mwamulizo 3:17

Hanyuma yayo u Mulungu yakamulonjela u mulume yuyo, yakamutya, “Alu agwe nagwe, vyono mwilumbaniza no mugolece wako, nagwe kuwa kulya i mana go mubici wono nakulajiliza vyono Wulece kugalya, alu vyono wakondya kwituma zono zinha zizo, ale, yisi yilijitwa ku soko yiyo. Na ku wulawa lulu, yowa yikunojeye witume milimo kwe nhuguti, na kwe vilungo vyako vyose, ho witujile ndigwa yono yokukwila mu vilo vyako vyose vyo wikale wako.

Mwamulizo 3:19

Kanyhi kowa kulya vya mu nhuguti yako, sunga kolo weza kuwuwuyila u muhangha, hambi nha mo walawa mumo, agwe nha wuli manghundi, holeka kowuya kanyhi mu manghundi.”

Jobu 1:21

Yakawa kutya, “Ane nalelwa sina cinji, kanyhi nolofwa sina cinji. Muwaha Mulungu yo yalavya, kanyhi Muwaha Mulungu yo yawusize, Litagwa lyo Muwaha Mulungu lilumbwe!”

Jobu 31:40

ale, wuhemba wulece kucindika, hamba shayili, langa maselegwa go gacindice mumo, hamonga no mubici wo mufuku.” Ne zinghani za Jobu ho zamalicila.

Jobu 5:5

Nawo wono wali nzala, wolya mhwanga yo mulele hamba wuwe wuhemba wukuwilucila mu mamivya, nawo wanhu wono wena nyhilu, woloyiwonela wivu sawo yakwe.

Zabuli 104:2

Wipilimye wuzelu nhe bulanjeti, kanyhi wuwutandaze wulanga nhe hema,

Zabuli 90:3

Agwe kumulonjelaga munhu, yawuye kono yalawilila, kumupitulaga kawa manghundi.

Zimbazi 22:5

Na hono wuwe wuwendile wumi wako, ale, wileje ne mitego yono yiwagwizaga i wabi mu zinzila.

Zimbazi 24:31

Nayiwona migunda yiyo, yina vititika vye mamivya, hamonga ne maselegwa mawaha. Ne lijinji lye mabwe lyono lyali liyipilime, nalyo lyakondya kugwa hasi.

Isaya 32:13

alu vititika vye mamivya hamonga ne mabijili, vyakondya kutita mu yisi ye wanhu wangu. Heya, mulile ku soko ye zikaya zono wekalaga wanhu wangu wena nyemo, na so likaya lyono lyali limemile wusangalale.

Isaya 5:6

Nowuleka wutite ne masukuzi, hamonga ne maselegwa gayo. Hamba si nowupanyulila yaye ne mizabibu yayo, hamba si nowulimila. Langa nowuleka du vititane ne vikungugu hamonga ne mabijili. Kanyhi nolajiliza mavunde, galece kuwutonyezeza mvula.”

Isaya 7:23

“Na mu vilo vivyo kolo vikuza, migunda miswanu ye mizabibu, yono yina mizabibu elufu monga mugati yayo, yono yina cifo ca fweza elufu monga, yolowa yisopile masukuzi gose hamonga ne mabijili.

Isaya 7:24

Ne wanhu wolowa kubita wena ne mapinde gawo ne zisonga, wawa kupelemba mumo. Na mbeka yisi yose yolomema mabijili du, hamonga ne mbago ye mamivya.

Yelemiya 12:13

Hambi i wanhu wangu, nha wahadika wuhemba, ninga wakadudula mabeleje du. Na mbeka, wetuma mulimo mukamu muno hamba kutuga cambuzi yaye. Heya, si watuga nhwanga yaye ku soko ye likuwo lyangu likali.”

Yelemiya 4:3

U Muwaha Mulungu yakuwalonjela i wanhu wa Yuda na wa Yelusalemi, yakutya nhavi, “Ale, mulime luno i migunda yenyu yono yikali si nalimwa, mulece kuhadika mbeyu zenyu mu mamivya.

Matayo 13:7

Na zinji zikalagala mu mabici ge mamivya mugati, nago i mamivya gago, gakawiluka no kuzititiliza.

Walumi 14:2

Hambi i wanhu nha wasutaniye, vyono yunji u wihuwilo wakwe, wakumukombola kulya cinhu co cose, ninga yunji mono yena u wihuwilo wono wusoceye, u mwene kalizaga mboga ze mahamha du.

Wahebelaniya 6:8

Ninga hono u muhangha wuwo wucindye mabici ge mamiya, na ganji caka, wukuwa wusina cambuzi, wukuwa wuli behi no wulijitwa no Mulungu, no mudumo wayo wukuwa wutakamizwe mu moto.

Yoshuwa 23:13

ale, mumanye manyimanyi vyono, u Muwaha Mulungu, u Mulungu wenyu, sikoziwinga kanyhi zinghungugo zizi, hamba muwe mukwinjila mu'si yawo. Langa wowa mbali hali'nye, hambi nha wowa nha mutego kuli'nye, hamba kotya yikombo. Kanyhi wowa nha mukotya, wukukuna mu migongo yenyu, hamba mamiya gono gakucinya mu meso genyu. Na zizi sizoduma, sunga kolo anye wose mwakondya kwajililila lukulu, mweza muli musina mu yisi yiyino swanu, yono Muwaha Mulungu, u Mulungu wenyu, yamupelenyi.