Mwamulizo 3:16 - Luganuzi Luswanu Kuli Wanhu Wose 2002

¹⁶ Mulungu yakamulonjela nayo mucekulu, yakamutya, “Agwe nagwe, nokuciziliziza i magaziko mu wudinghule wako we mida, na kanyhi nokuciziliziza no wusungu lono wukusawa mwana. Kosawa wana ko wusungu wuwaha muno, ninga hamba nhavivyo, kowa kwikala wukumusulumila u mulume wako, nayo kowa yakutemile.”

Mwamulizo 3:16 ပူးပေါင်းရင်းမြစ်များ

Mwamulizo 4:7

Alu, wule, si yili mbeka vyono nagwe wali wuvumilwe nhavivyo, hono wali witume viswanu? Ninga alu vyono witumile vibi, holeka u wubi wehwana lilimu, wikaye ha mulango wako wukukusulumila wukuhawanje, ninga yikunojeye agwe wuwusumize.”

1 Zinghomo 4:9

Hali ho yuli munhu litagwa lyakwe Yabezi, munhu yuyu yali yo munhu we lilumbo yiwaha si nha we mhuga yakwe wose. Nayo u nyina, yo yamucemela litagwa lili lya Yebezi, vyono u nyina yatuga wusungu wuwaha muno mu nghunga ha wusawe.

Esita 1:20

No wulajilize wuwu hono wuwe walongwa no kumanyika kuli wanhu wose mu wutemi wako, hodu, wagolece wose wa mu yisi yako, wowa kuwatumamila viswanu walume zawo, hambe nha mulume muciwa hamba mugoli.”

Zabuli 48:6

Woga wukawebata, wakanza kuhangawa muno, wakawa nho mucekulu, mono yali mu nghunga yo lusawo.

Isaya 13:8

Ne wanhu wose wolokogofywa, no kwibatwa no wusungu, nha wo mucekulu lono yali mu nghunga yo lusawo. Kanyhi wowa kwilanga weneco wose ko woga wuwaha muno. No wusu wawo wolowa wukununghaye so cevu.

Isaya 21:3

Nane, zizo zono nghaziwona no kuzihulika mu wugubulilwe, zikamhela woga hamonga no wusungu, wusungu wono wihwanile no wusungu wo mucekulu hono yali mu nghunga yo lusawo.

Isaya 53:11

Nayo yalaza kuwa yapuluta mu magazo, hanyuma kolowa na nyemo, baho ho komanyila vyono kumbe magazo gakwe si gali ga bwete yaye. U mwitumami wangu mwihuwilwa mono nyendezwe nayo, yuyo yo kowudinghula wuling'anizwe wa wenji, nane nowanenela ku soko yakwe.

Yelemiya 13:21

Alu ho kotya wule, lono i wanhu kanyhi wawo, wono wehwesaga vyono wo wayago, alu wakusuma no kukutema? Na mbeka kohulika wusungu muno, nho mucekulu mono yali mu nghunga yo lusawo.

Yelemiya 22:23

Nagwe mono wikaye wupolile mu mihagata yono yaletwa ku wulawa ku Lebanoni, kolowa wuli munhu wa kuwonelwa lusungu muno, kolo wusungu wakwagana, u wusungu wono wihwanile wo mucekulu mono yali mu nghunga yo lusawo.

Yelemiya 4:31

Nane hulika cililo, kotya nha cililo ca munhu wa cicekulu, mono yali mu nghunga yo lusawo. Cililo cinha co mucekulu mono yakulela mwanagwe mulongozi. Kumbe cililo cico ca Yelusalemi, mono yakukapilicila ha wehele, akuno yalaze ne miwoko yakwe yakutya, “Woyi nye, aga magayo gangu! Hambi nhumbula yangu nha yikuzilika, hambi nha weza kuza wambulaje.”

Yelemiya 49:24

Nawo i wanhu wa Damesiki, watimbile, nawo wakondya kutiza so woga. Nalu wali mu wukalale no wusungu, kotya mucekulu mono yali mu nghuga yo lusawo.

Yelemiya 6:24

Nawo i wanhu wa Isilayeli wakutya nhavi, “Heya, nase cakondya kuzihulika zizo, ne miwoko yetu yawula vilungo, nase luno cakondya kwibatwa no wugaye, hamonga no wusungu, ceza cinha u mucekulu mono yali mu nghunga yo lusawo.

Wuwale 30:13

Hambi u mulume wakwe, nha yena ling'ani yo kuwukangaza hamba kuwubena wilahize wo wose, hamba wihuwize wo wose wono yawunozize.

Yohana 16:21

U mucekulu, mwipango lyo kusawa, yakuwona wusungu, hambi cidaha cakwe co wusungu nha cafika. Ninga kolo mwana yalelwa, si yakukumbucila kanyhi u wusungu, so nyemo yo kulelwa munhu kononze.

1 Wakolinto 11:3

Ninga nhavivilya, nendile mumanye vyono Kilisito yo Muwaha kuli mulume wo wose, na kanyhi vyono u mulume nayo yo muwaha kuli mugolece wakwe nayo Mulungu yo Muwaha kuli Kilisito.

1 Wakolinto 14:34

Nha vyono winho moto wa mu makanisa gose ge wanhu wo Mulungu, yiwanojeye wacekulu, weze kwikala wanyamaye lono wali mu wihangulize we Wakilisito. Si wakukombolwa kulonga yaye, langa weze wena cihuliko nha vyono wukutya Wulajilize.

1 Wakolinto 7:4

U mugolece si kowusuma u muwili wakwe yali wene du, langa u mulume wakwe yo kowusuma, nhavivyo nayo u mulume, si kowusuma u muwili wakwe yali wene, langa mugolece wakwe yo kowusuma.

Wakolosayi 3:18

Anye mo wagolece, muwahulice walume zenyu, hambi nha vyo yendile u Muwaha.

1 Watesalonike 5:3

I wanhu kolo wakutya, “Mulamu kanyhi kupolile.” Hobaho ho wukuziza u wuhodanji wono wukuwaziza nhinicizo! Nazo zizo zowaziza nhinicizo nho wusungu wo kulela vyono wukuwa kumuziza u mucekulu lono yakusawa, ne wanhu hamba si wosuma kwilega.

1 Timoteyo 2:13

Hambi Adamu nha yo yalongola kuwumbwa, na hanyuma yayo, ho Hawa.

1 Timoteyo 2:15

Ninga hamba nhavivyo umucekulu koloponywa so wulela wana, hono yekale mu wihuwilo, wendo, wele, no winenenyhezi.

Tito 2:5

kanyhi weze weyimizi akuno wali cisindo, wawe kuzilanjilila viswanu i zinghani za mu zinyumba zawo, kanyhi waweze ne cihuliko kuli walume zawo, ho nghani yo Mulungu yilece kubedegalwa.