Mwamulizo 3:12 - Luganuzi Luswanu Kuli Wanhu Wose 2002

¹² Nayo mulume yuyo yakapitula yakatya, “U mucekulu mono wamhela ciwezane nayo, yuyo yo yamhelile likalo lilyo, nane niwa kulilya.”

Mwamulizo 3:12 ပူးပေါင်းရင်းမြစ်များ

Mwamulizo 2:18

Hanyuma u Mulungu yakatya, “Si viswanu munhu yuyu we cilume yawe yali wene du! Ciba nimunozeze muyagwe, u mutazi mono komukwila.”

Mwamulizo 2:20

Ale, u mulume yayo yakawa kuvicemela matagwa i vilimu vyose vyono vifugwaga, ne vilimu vya mu mbago, sunga ne zindeje zose. Ninga hamba nhavivyo, siyejela yunji mono yakawa mutazi mono yamukwiliye.

Mwamulizo 2:22

Nayo u Muwaha Mulungu, yakalusola lubavu lulo, lono yalusopola ko mulume, yakamunoza mucekulu, hanyuma, yakawa kumuleta kuli mulume yuyo.

Mwamulizo 3:11

Nayo Mulungu yakamuwuza yakutya, “Alo nani mono yakulonjeye vyono agwe wuli cipwi? Wule, hamba kulya lo i mana go mubici wono nakulajiliza nghatya wulece kugalya?”

Jobu 31:33

Kowali wanhu wanji, wono wajelaga kuwuhundiciza wubi wawo, ninga ane nghali si ninejelela niwuhundicize wubi wangu.

Zimbazi 19:3

Wanhu wanji nawo, weyihodangaga mu mikalile yawo weneco, so metumo gawo go wulele, na hanyuma, wawa kumuhosa Muwaha Mulungu.

Zimbazi 28:13

Na hono wujendelele kuwuhundika wubi wako, mbeka hamba si komoteswa mu mikalile yako. Holeka yikunojeye wunene wubi wako, wuwulece, nayo Mulungu kokuwonela lusungu.

Luka 10:29

Ninga u mwijizi wo Wulajilize vyono yahilaga kwinoza muswanu, yakamuwuza Yesu, “U muyangu yo nani kanyhi.”

Walumi 10:3

Hambi nha si wamanya vyono u Mulungu kawanozaga wanhu, ho wavumilwe hali mwene, wene wakajela kwinozeza nzila yawo weneco, holeka si wasuma kuyivumila inzila yiyo yo Mulungu, yono yowanoza ho wavumilwe hali mwene.

1 Samwili 15:15

Sawuli yakapitula yakatya, “I wanhu wangu wazisola kulawa kuli Waamaleki. Wene wahagula zingholo zono zijinile, ne zing'ombe zono zina miwili miswanu, ho wazilavye likumbiko kuli Muwaha Mulungu u Mulungu wako. Ninga zinji zose, cizongomezeza lukulu.”